ყველა სიახლე
უკრაინელებმა კიდევ ერთი რუსული თვითმფრინავი, A-50 ჩამოაგდეს

1708717183

დაზვერვის ინფორმაციით, "ძვირად ღირებული რუსული თვითმფრინავი" ჩამოაგდეს უკრაინის შეიარაღებული ძალების საჰაერო ძალებთან თანამშრომლობით აზოვის ზღვის თავზე.დაზვერვის მთავარმა დირექტორატმა ასევე აჩვენა რუსული თვითმფრინავის ბოლო მარშრუტის ფოტო, რომელშიც ჩანს, რომ ის კრასნოდარის ტერიტორიაზე დაფრინავდა."A-50, "ბაიანი" საკმარისად იფრინა! ვულოცავ ოკუპანტებს სამშობლოს დამცველის დღეს! სახლში უნდა იზეიმოთ! მადლობა უკრაინის თავდაცვის სამინისტროს დაზვერვის მთავარ სამმართველოს და ყველას, ვინც შედეგი უზრუნველყო! მუშაობას ვაგრძელებთ! ერთად გამარჯვებამდე!", - წერს უკრაინის საჰაერო ძალების მეთაური ნიკოლაი ოლეშჩუკი.დაზვერვაში აღნიშნავენ, რომ A-50U არის თვითმფრინავის ახალი მოდერნიზებული ვერსია.რუსები ასეთი საჰაერო სამეთაურო პუნქტს იყენებდნენ მანძილზე რადარის აღმოჩენისთვის, კონტროლისა და ხელმძღვანელობისთვის უკრაინაზე სტრატეგიული ავიაციის რაკეტებით თავდასხმებისთვის."A-50U-ის ჩამოგდება კიდევ ერთი სერიოზული დარტყმაა ტერორისტული მოსკოვის პოტენციალსა და შესაძლებლობებზე“, - აცხადებენ დაზვერვაში.A-50-ის ძირითადი ღირებულება 330 მილიონი დოლარია, თუმცა მოდერნიზებული ვერსიები გაცილებით ძვირია.

24 თებერვლის ანონსი

1708717175

14:00 საათზე - ბათუმში, სასტუმრო „შერატონ ბათუმში“ სამეცნიერო ოფთალმოლოგიური კონფერენცია გაიმართება თემაზე: „ოფთალმოლოგიური დაავადებების თანამედროვე მკურნალობა და მიდგომები“.მისამართი: ბათუმი, რუსთაველის გამზ. #28საკონტაქტო პირი: მაია ტაკაშვილი 577 24 40 85 14:00 საათზე - ანა დოლიძე და მისი გუნდი პრეზიდენტ სალომე ზურაბიშვილს, „ორბელიანების სასახლეში“ შეხვდება.მისამართი: ათონელის 25საკონტაქტო პირი: გიორგი დოგრაშვილი 591 19 19 80 14:00 საათზე - მეკლდეურობის ეროვნული ფედერაციასთან რიგგარეშე საარჩევნო ყრილობასთან დაკავშირებით აქცია გაიმართება.მისამართი: ჭავჭავაძის გამზ. 49ასაკონტაქტო პირი: ლაზარე კომახიძე - 598212310

24 თებერვლის ასტროლოგიური პროგნოზი

1708717168

კუროდაკავდით ოჯახის საკითხების მოგვარებით. ნურაფერს შეეჭიდებით ახალს. მეტი მოთმინება და წინდახედულობა გამოიჩინეთ.ტყუპებისაოჯახო საკითხების გადაწყვეტის გამო, გჭირდებათ მეტი თვითკონტროლის და მოთმინების გამოჩენა. ფინანსებთან დაკავშირებით, დაიცავით ზომიერება.კირჩხიბინებისმიერ სიტუაციაში, მთავარია, ფლობდეთ საკუთარ თავს. რჩევებისთვის და მხარდაჭერისთვის, სჯობს, მეგობრებს მიმართოთ.ლომიდღეს, ძირითადად, საქმეზე ხართ ორიენტირებული , თუმცა ნებისმიერი გადაწყვეტილება სჯობს, კარგად აწონ-დაწონოთ და დასკვნის დადებამდე იყოთ რაციონალური.ქალწულიმნიშვნელოვანი გადაწყვეტილებები სამომავლოდ გადადეთ. განსაკუთრებით, თავი შეიკავეთ ფინანსური საკითხების წარმოებისგან.სასწორითვალი გადაავლეთ განვლილ გზას, ძველი სიტუაციებიდან და შეცდომებიდან შესაძლოა, ახლებური ხედვით საინტერესო დასკვნები გააკეთოთ. გამოიჩინეთ კეთილგონიერება და შეინარჩუნეთ სიმშვიდე.მორიელიდროა, მიუბრუნდეთ ძველ საქმეებსა და პროექტებს, მეტად დაეყრდენით სანდო გარემოცვას და საკუთარ გამოცდილებას.მშვილდოსანიდღეს, დაგეგმილი ნებისმიერი ნაბიჯი, დიდი ალბათობით, წარმატებული იქნება. მეტი ყურადღება დაუთმეთ ახლობლებს. ნუ იქნებით დაუდევრები ჯანმრთელობასთან დაკავშირებით.თხის რქაგამოიყენეთ თქვენი ენერგია მიზანმიმართულად, თუმცა არც დასვენება დაივიწყოთ. კარგად განსაზღვრეთ ყოველი ნაბიჯი. ახლა შეგიძლიათ, ჩანაფიქრების რეალიზებაზე აქტიურად იფიქროთ.მერწყულიიდეების რეალიზაცია მარტივი არაა. პირველ რიგში, თქვენი თვითშეფასება დაგეხმარებათ დაბრკოლებების გადალახვაში.თევზებიდაფიქრდით იმაზე, რა უნდა მოხდეს, თქვენი ცხოვრებით კმაყოფილი რომ იყოთ, რა არის თქვენი ჭეშმარიტი მისწრაფება. მთავარია, სწორად განსაზღვროთ, რა გინდათ და შემდეგ ეტაპობრივად მიჰყვეთ გეგმების შესრულებას. ყველაფრის ერთბაშად გაკეთების მცდელობა სწორი არ იქნება.

ირაკლი კობახიძე და მამუკა მდინარაძე რესპუბლიკური საავადმყოფოს მედპერსონალს შეხვდნენ

1708710961

მთავრობის ადმინისტრაციის ინფორმაციით, შეხვედრაზე დეტალურად განიხილეს კლინიკასთან დაკავშირებული ვითარება.ირაკლი კობახიძემ მედიკოსებისგან მოისმინა ინფორმაცია, არგუმენტები და მოსაზრებები პრობლემის მოგვარების შესაძლო გზებზე."ხაზი გაესვა, რომ მნიშვნელოვანია გონივრული გადაწყვეტილების მიღება, რათა პროცესი არ დაზიანდეს და როგორც საზოგადოებრივი, ასევე მედპერსონალის ინტერესი იყოს გათვალისწინებული. შემდეგი შეხვედრა გაიმართება ხვალ, რომელსაც ჯანდაცვის მინისტრიც დაესწრება. საბოლოო გადაწყვეტილება უახლოეს პერიოდში იქნება მიღებული", - აღნიშნულია ინფორმაციაში.

აშშ-მა რუსეთს 500 ახალი სანქცია დაუწესა

1708709344

შეზღუდვების ახალი პაკეტი ყველაზე მასშტაბურია და ის მოიცავს რუსეთის ფინანსურ სექტორს, თავდაცვის ინდუსტრიულ ბაზას და  შესყიდვების ქსელს. ასევე სანქციები გავრცელდება იმ პირებსა და კომპანიებზე, მსოფლიო ყველა წერტილში, რომლებიც კრემლს სანქციების გვერდის ავლაში ეხმარებიან.პრეზიდენტ ჯო ბაიდენის განცხადებით, უკრაინაში ომის გარდა  ახალი სანქციების მიზეზი ასევე გახდა ალექსეი ნავალნის სიკვდილი.დღევანდელი სანქციების სიაში შედის მესამე ქვეყნებიდან ექსპორტიორები და ტექნოლოგიის, აღჭურვილობისა და სათადარიგო ნაწილების რუსეთში გადამტანები, ექსპედიტორი, რომელიც აწვდის იარაღს რუსეთს, ასევე ტრანსნაციონალური ფულის გათეთრების ქსელი, რომელიც ხელს უწყობს რუსული წარმოშობის პროდუქციის უკანონო გადაადგილებას.საერთო ჯამში, დღეს შეზღუდვები 11 ქვეყანაში 26 იურიდიულ და ფიზიკურ პირს შეეხო, მათ შორის ჩინეთის სახალხო რესპუბლიკაში, სერბეთში, არაბთა გაერთიანებულ საამიროებსა და ლიხტენშტაინში.დღესვე ევროკავშირმა დაამტკიცა მე-13 პაკეტი, რომელიც შეზღუდვებს უწესებს 106 ფიზიკურ პირს და 88 კომპანიას.

ირაკლი კობახიძესა და ნიკოლ ფაშინიანს შორის სატელეფონო საუბარი შედგა

1708702934

ნიკოლ ფაშინიანმა ირაკლი კობახიძეს პრემიერ-მინისტრის თანამდებობაზე დანიშვნა მიულოცა და  მომავალ საქმიანობაში წარმატებები უსურვა.მთავრობის ადმინისტრაციის ინფორმაციით, სატელეფონო საუბრისას მხარეებმა ორი ქვეყნის სტრატეგიული პარტნიორობის განმტკიცებისა და გაძლიერების პერსპექტივები მიმოიხილეს და სავაჭრო-ეკონომიკურ, სატრანსპორტო, ლოგისტიკისა და კულტურის სფეროებში არსებული თანამშრომლობა შეაჯამეს.საქართველოსა და სომხეთის რესპუბლიკის პრემიერ-მინისტრებმა ასევე ისაუბრეს რეგიონალური უსაფრთხოების საკითხებზე. ხაზი გაესვა სამხრეთ კავკასიის რეგიონში მშვიდობისა და სტაბილურობის მნიშვნელობას.საქართველოს პრემიერ-მინისტრმა ნიკოლ ფაშინიანისგან მიიღო მიწვევა, რომ უახლოეს მომავალში დაიგეგმოს მისი ვიზიტი სომხეთის რესპუბლიკაში.

იაგო ხვიჩია - ძალიან მიკვირს, რატომ მოსდით "ნაცებს“ თავში ასეთი წვეტიანი აზრები

1708700263

იაგო ხვიჩია "ნაციონალურ მოძრაობას“ ურჩევს, დაფიქრდნენ ისეთ სიტყვებზე, როგორიც არის სასამართლო რეფორმა და მისი არსი."არა თუ მხარს დავუჭერ, არამედ ყველანაირად შევეწინააღმდეგები ე.წ. "ვეტინგის" შემოღებას. და ძალიან მიკვირს, რატომ მოსდით "ნაცებს“ თავში ასეთი წვეტიანი აზრები, რომ სასამართლოს ისევ ჯიბეში ჩავიდებთო და ეს ჰგონიათ მომგებიანი. თუ დაამატებენ, რომ უცხოელ მოსამართლეებს ჩამოვიყვანთ და მათი მეშვეობით ჩავიდებთ ჯიბეში სასამართლოს. თან ყველაზე მთავარი ისაა, რომ „ნაცებს“ სასამართლოს სხვანაირ მოწყობაზე აქვთ ხელი მოწერილი იმ დოკუმენტზე, რომელიც არჩევნების წინ ჩვენი მეშვეობით დაადგინა ოპოზიციამ. აქედან გამომდინარე, არათანმიმდევრულობაა ის, რაც "ნაცებს" აზიანებთ, ის, რაც სააკაშვილს აზიანებს და ციხეში ამყოფებს. "ნაცებს" ვურჩევდი, რომ აზრი დაატანონ ისეთ სიტყვებს, როგორიც არის სასამართლო რეფორმა. მგონი, აბსურდია, ერთი მხრივ, ამბობდე, რომ ჩვენ არ უნდა ვიყოთ არც სასამართლოში, არც არსად, მერე ამბობდე, მე გავაკეთებ "ვეტინგის" სისტემით სასამართლოს არჩევას, რადგან სინამდვილეში ამბობ, რომ მე შევარჩევ ამერიკელ მოსამართლეებს და მათი მეშვეობით იმავე წესრიგს დავამყარებ, რაც მურუსიძის მეშვეობით გვქონდა აქამდე მოწყობილი", - განაცხადა იაგო ხვიჩიამ.  პარტია "ნაციონალურმა მოძრაობამ" ე.წ. „ვეტინგის“ სისტემის შემოღებასთან დაკავშირებით წინადადება წარადგინა, რომელიც მოსამართლეების მიერ ე.წ. კეთილსინდისიერების ტესტის გავლას გულისხმობს.

"საქართველოში რუსი მილიარდერის ბიძინა ივანიშვილის ოლიგარქიული მმართველობაა დამყარებული, ის ბაძავს პუტინს"

1708698981

მან ქვეყანაში არსებული ვითარება ეუთოს წარმომადგენლებთან განიხილა და სთხოვათ, საქართველოს საპარლამენტო არჩევნებს მხარი დაუჭირონ."დღეს თქვენს წინაშე ვსაუბრობ ღრმა პასუხისმგებლობის გრძნობით, ჩვენი კოლექტიური მოვალეობის გაცნობიერებით, რომ დავიცვათ საერთო ღირებულებები - დემოკრატია, ადამიანის უფლებები და კანონის უზენაესობა. სწორედ ამ ღირებულებებს ემუქრება საფრთხე საქართველოში, სადაც რუსი მილიარდერის ბიძინა ივანიშვილის ოლიგარქიული მმართველობაა დამყარებული. სახელმწიფო ინსტიტუტები და ეკონომიკა დაიმორჩილა და დაუქვემდებარა მმართველი ელიტის ინტერესებს, მზარდი კორუფციით და რუსეთზე გაზრდილი დამოკიდებულებით.ის ბაძავს პუტინს - დაატყვევა მისი მთავარი პოლიტიკური ოპონენტი პრეზიდენტი მიხეილ სააკაშვილი შეთითხნილი, პოლიტიკურად მოტივირებული ბრალდებებით და მის მიმართ ახორციელებს არაადამიანურ, ღირსების შემლახველ მოპყრობას.ალექსეი ნავალნის მკვლელობამ, რომელიც პუტინმა პრეზიდენტ სააკაშვილს შეადარა, მართლაც შოკში ჩააგდო მსოფლიო, მაგრამ როგორც თავად ნავალნიმ გაგვაფრთხილა - ბოროტება იმარჯვებს მაშინ, როდესაც კარგი ადამიანები არაფერს აკეთებენ. მაშასადამე, ჩვენი მოვალეობაა ვიმოქმედოთ. თვალის დახუჭვის მაგივრად, უნდა დავუპირისპირდეთ ავტორიტარულ ტენდენციებს, რომლებიც საფრთხეს უქმნის ჩვენს საზოგადოებებს და ჩვენი რეგიონის მშვიდობას.და ბოლოს, პატივცემულო ასამბლეის წევრებო, გთხოვთ გაზარდოთ მხარდაჭერა მიმდინარე წლის ოქტომბერში საქართველოს საპარლამენტო არჩევნებზე სადამკვირვებლო მისიისთვის, სადაც გადაწყდება ჩვენი ერის ბედი და ჩვენი დემოკრატიული და ევროატლანტიკური მომავლის კურსი", - განაცხადა თინა ბოკუჩავამ. 

"მათთვის მიუღებელია სახელმწიფო ინსტიტუციების წარმომადგენლობა, პრეზიდენტის მონაწილეობა ოფიციალურ ღონისძიებებში"

1708697587

მან საპარლამენტო უმრავლესობის მიერ იუნკერთა ხსოვნის დღესთან დაკავშირებით გამართულ ღონისძიებაზე საქართველოს პრეზიდენტის სალომე ზურაბიშვილის არმიწვევა გააკრიტიკა."ეს ადამიანები არიან ივანიშვილის პრემიერ-მინისტრი, ივანიშვილის პარლამენტის თავმჯდომარე. მათთვის მიუღებელია სახელმწიფო ინსტიტუციების წარმომადგენლობა, პრეზიდენტის მონაწილეობა ოფიციალურ ღონისძიებებში. დღევანდელ დღეს, როდესაც ყველა ხელისუფალი უნდა ასხივებდეს ერთობას და ეროვნული ინტერესების შესაბამისად მოქმედებას, ესეც ნათლად გამოჩნდა, რომ პრეზიდენტი არ მოიწვიეს“, - განაცხადა ლევან ბეჟაშვილმა. საქართველოს პრეზიდენტის პრესსამსახურის ცნობით, საქართველოს პრეზიდენტი პარლამენტის მიერ, არ ყოფილა მიწვეული პარლამენტის ეზოში მდებარე ხარების სახელობის სამლოცველოში იუნკერთა სულის მოსახსენებელ პანაშვიდზე.

მამის განზრახ მკვლელობის ბრალდებით დაკავებულს 16-დან 20 წლამდე ან უვადო პატიმრობა ემუქრება

1708697316

დანაშაული თავისუფლების 16-დან 20 წლამდე ან უვადო აღკვეთას ითვალისწინებს. "გამოძიებით დადგინდა, რომ ბრალდებულმა მიმდინარე წლის 23 თებერვალს, თბილისში, საცხოვრებელ ბინაში, ყოფით თემაზე არსებული კონფლიქტის ნიადაგზე, მამა - 1974 წელს დაბადებულ გ.გ. ცივი იარაღის გამოყენებით დაჭრა. დაჭრილი მამაკაცი საავადმყოფოში მიყვანიდან მალევე გარდაიცვალა.პოლიციამ რ.გ. ბრალდებულის სახით შემთხვევის ადგილის მიმდებარე ტერიტორიაზე დააკავა.სამართალდამცველებმა დანაშაულის ჩადენის იარაღი - დანა ნივთმტკიცების სახით ამოიღეს.გამოძიება საქართველოს სისხლის სამართლის კოდექსის 11 პრიმა 109-ე მუხლის "კ" ქვეპუნქტით მიმდინარეობს, რაც ოჯახის წევრის მიმართ დამამძიმებელ გარემოებაში ჩადენილ განზრახ მკვლელობას გულისხმობს", - აცხადებენ შსს-ში.