"ვიცოდი, სულ ვგრძნობდი, რომ თუ საშას ამ ომში დაღუპვა ეწერა, ის ღირსეულად დაიღუპებოდა და ასეც ახდა - გმირად აღესრულა ჩემი შვილი"

1678979900

"პატივს მივაგებ ადამიანს, რომელიც ყველა უკრაინელს სამუდამოდ ემახსოვრება, მისი სიმამაცის გამო, იმის გამო, რომ ასე სჯეროდა უკრაინის; მისი სიტყვების გამო: “დიდება უკრაინას”, - თქვა ზელენსკიმ მაციევსკის დედასთან შეხვედრისას."საშა სნაიპერი იყო, მაგრამ მისთვის უკანასკნელ ბრძოლაში პოლკის მსროლელის ფუნქციებს ასრულებდა. ყოველთვის მოწესრიგებული იყო, პასუხისმგებლობის გრძნობით, ყოველთვის შეიძლებოდა მასზე დაყრდნობა. ომით დაღლილი არასდროს გვინახავს - არასოდეს დაზარებია მწყობრში დგომა. ყოველთვის მაქსიმალურს აკეთებდა და არასოდეს წუწუნებდა“, - ამბობენ მაციევსკის ბრიგადაში.რადიო თავისუფლება ესაუბრა ოლექსანდრ მაციევსკის დედას, ქალაქ ნიჟინის მცხოვრებ 67 წლის პარასკა დემჩუკს:რა გითხრათ ჩემს შვილზე? თვითონ არაფერს გეტყოდათ, საშა ჩუმი ბიჭი იყო, წყნარი და გულჩათხრობილი, ბევრს ფიქრობდა. უყვარდა ქვეყანა, ვუყვარდით ჩვენ, ოჯახი და უყვარდა შვილი. 19 წლისაა მიხაილო, მიშა, გერმანიაშია ახლა, ძალიან ჰგავს ოლექსანდრს - გარეგნობითაც და ხასიათითაც. ისეთივე მიზანდასახულია და მშრომელი, სწავლასთან ერთად მუშაობს, რომ დედას, იულიას დაეხმაროს. იულია და საშა გაშორებულები იყვნენ, მაგრამ კონტაქტი არ დაუკარგავთ, კარგი ურთიერთობა შეინარჩუნეს და იმედი ჰქონდათ, რომ ომის დამთავრების მერე, შერიგდებოდნენ...რადიო თავისუფლება: მიშამ თუ ნახა ის ვიდეო [სადაც ოლექსანდრს რუსები სიკვდილით სჯიან]?პარასკა დემჩუკი: ნახა. მაშინ დადასტურებული არ იყო, მაგრამ რა თქმა უნდა, იცნო მამამისი. ტირილით დამირეკა. მითხრა, მამაჩემის ღირსეული შვილი ვიქნებიო.რადიო თავისუფლება: თქვენ როგორ ინარჩუნებდით კონტაქტს ოლექსანდრთან, სანამ ფრონტზე იყო?პარასკა დემჩუკი: ყოველთვის მამხნევებდა, სულ გვერდში მედგა. მეტყოდა ხოლმე: დედა, კაცი იმისთვის იბადება, რომ მოკვდესო. ძლიერი ცხოვრებისეული ფილოსოფიის, პრინციპების პატრონი იყო. სულ უნდოდა, გმირი ყოფილიყო. და აი, არის კიდეც ახლა გმირი. მამამისიც იბრძოდა და ბაბუამისიც. საშასთვის სიამაყის, პრინციპის საკითხი იყო ამ ომში წასულიყო, ქვეყანა დაეცვა, იმ ბილიკით ევლო, რომელზეც წინაპრები დააბიჯებდნენ. არავის დაუძალებია მისთვის ამ ომში წასვლა - უპრობლემოდ შეეძლო დაეტოვებინა ქვეყანა, მაგრამ დარჩა. დარჩა იმიტომაც, რომ მე დავრჩი. თქვა: „დედას, მშობელს როგორ მივატოვებო?“ - ეს ვერ წარმოედგინა, როგორ შეიძლებოდა ეს გაეკეთებინა. მითხრა: „დედა, ძვირფასო, შენ ოღონდ იცოცხლე. ეს გააკეთე ჩემთვის“.რადიო თავისუფლება: როგორ ფიქრობთ, რატომ და როგორ გააკეთა ის, რასაც ვიდეოში ვხედავთ?პარასკა დემჩუკი: სხვანაირად ვერც მოიქცეოდა - ასე აღვზარდე. მოვალეობის გრძნობა ჰქონდა, პრინციპები და ფასეულობები. იცოდა, რაც ელოდა და სიკვდილს თვალი გაუსწორა. დასკვნები გააკეთა და აღესრულა, როგორც ამაყი, ვალმოხდილი ადამიანი.რადიო თავისუფლება: როგორ ფიქრობთ, რუსებს თუ აპატიებთ ოდესმე? თქვენ, ან სხვა უკრაინელი დედები?პარასკა დემჩუკი: სხვებზე ვერაფერს ვიტყვი, მაგრამ მე - არასოდეს. ჩვენი ქალაქები სასაფლაოდ გადააქციეს. არ, არა, არა. არც ჩემი შვილისთვის, არც სხვების სიკვდილისთვის არასოდეს ვაპატიებ მათ.რადიო თავისუფლება: როგორ და როდის შეგატყობინეს, რომ ეს სწორედ ოლექსანდრი იყო - იმიტომ რომ თავიდან ვრცელდებოდა ინფორმაცია სხვა ადამიანის დაღუპვის შესახებ...პარასკა დემჩუკი: ქალაქ ნიჟინის პოლიციიდან დამირეკეს. გამომკითხეს ნიშნები, რომლითაც საშას ამოცნობა შეიძლებოდა, რა ეცვა და ა.შ. შემდეგ იყო ორკვირიანი დუმილი, რომლის განმავლობაშიც ლამის ჭკუიდან გადავედი. მერე დამირეკეს და მანახეს ჩემი შვილის ცხედარი - მახსოვს დახვრეტილი მხრები, სახე და ნატყვიარისგან ჩატეხილი ადგილი წარბს ზემოთ...რადიო თავისუფლება: როგორ გრძნობდით თავს, როდესაც ამბობდნენ, რომ ვიდეოში შესაძლოა, სხვა ადამიანი ყოფილიყო და სხვათა გვარებს ასახელებდნენ...პარასკა დემჩუკი: გარეგნულად, მშვიდად ვიყავი, ვცდილობდი წონასწორობა შემენარჩუნებინა. როცა ცხედარი მანახეს, ჩემი შვილი, რა თქმა უნდა, ვიცანი, და დავეხმარე უკრაინის უსაფრთხოებას იდენტიფიცირებაში, რომ ეს სხვადასხვა ვერსია გაქარწყლებულიყო - ერთ კი არა, რამდენიმე ვერსიაზე მუშაობდნენ, რამდენიმე ოჯახში ფიქრობდნენ, რომ ეს მათი შვილი შეიძლება ყოფილიყო. ღმერთსა ვთხოვ, ისინი მაინც იყვნენ ცოცხლები... თავიდან, სანამ ცხედარს მაჩვენებდნენ, მითხრეს, დიდია ალბათობა, რომ საშა არ არისო, მაგრამ თავიდან ვერ ვიცილებდი ამ აზრს, მთელი სხეულით ვგრძნობდი, რომ ეს ნამდვილად საშა იყო. ალბათ, დედის ინსტინქტია ეს. პირველად რომ დამირეკეს და წამოვედი, მახსოვს, მივედი სახლში, და ყველა კარი და ფანჯარა ჩავრაზე. არაფრის, არავის დანახვა არ მინდოდა. ხომ თითქოს აივსო ჩემი ტანჯვის ფიალა, მაგრამ ვგრძნობდი, რომ მეტი ტკივილი წინ მელოდა.იმ ორი კვირის განმავლობაში ისე მინდოდა, იმდენს ვლოცულობდი, რომ საშა ცოცხალი ყოფილიყო. სულ მესიზმრებოდა, რომ ჭიშკარი გაიღებოდა, და საშა შემოვიდოდა. ახლა ვიცი, რომ ეს აღარ მოხდება. ვტირი, მოვთქვამ, მაგრამ ესეც უნდა ვთქვა - ისე ვამაყობ ჩემი შვილით! ვიცოდი, სულ ვგრძნობდი, რომ თუ საშას ამ ომში დაღუპვა ეწერა, ის ღირსეულად დაიღუპებოდა. და ასეც ახდა - გმირად აღესრულა ჩემი შვილი. ეს კი ნიშნავს, რომ შვილი სწორად გავზარდე, ოჯახისთვის, ქვეყნისთვის. ვუყურე პრეზიდენტის გამოსვლას, სადაც მან თქვა, რომ ჩემი შვილი უკრაინის გმირის წოდებისთვის დააჯილდოვეს. ბევრი ვიტირე, შემდეგ წამლები მივიღე, რომ დამძინებოდა. შვილმა ხომ მითხრა - დედა, თავს მოუფრთხილდიო...

"ეს არის განზრახ წარმოებული კამპანია, რომ ჩაკლან საქართველოს სწრაფვა ევროკავშირში გაწევრიანებისკენ"

1677148155

რადიო თავისუფლება: ძალიან მინდა დავიწყო პრეზიდენტ ბაიდენის მოულოდნელი ვიზიტით კიევში, უკრაინაში რუსეთის სრულმასშტაბიანი შეჭრის წლისთავის წინ. ცხადია, ამ ვიზიტის პირველი აღქმა ბევრისთვის ემოციურია, თუმცა რისი ნიშანია მისი დღევანდელი ვიზიტი?ჯინ შაჰინი: ვფიქრობ, ეს ვიზიტი ყველა ჩვენგანისთვის მოულოდნელი იყო და ეს იყო ძალიან მნიშვნელოვანი სიგნალი უკრაინისთვის, აშშ-სთვის, ევროპისთვის და მთელი მსოფლიოსთვის, რომ აშშ აპირებს განაგრძოს უკრაინის გვერდით დგომა, მის ბრძოლაში რუსეთის ამ არაპროვოცირებულ ომში.რადიო თავისუფლება: მინდა გავაგრძელო უსაფრთხოების საკითხითა და საქართველოთი. საქართველო არის მიჩნეული რუსეთისგან მომდინარე საფრთხის ქვეშ მყოფ ერთ-ერთ სახელმწიფოდ. ნატოს თავდაცვის მინისტერიალი შეთანხმდა სამხედრო დახმარების გაძლიერებაზე ბოსნია-ჰერცეგოვინის, საქართველოსა და მოლდოვისთვის და ამის შესახებ ითქვა ნატოს მადრიდის სამიტის დეკლარაციაშიც გასულ წელს. სრულიად ნათელია, რომ საქართველომ უნდა ეძებოს მეტი დაცვა, ვიდრე ის გახდება ალიანსის ნაწილი. თქვენ კარგა ხანია მუშაობთ შავი ზღვის რეგიონის უსაფრთხოების საკითხზე. თქვენ კიდეც წარადგინეთ კანონპროექტი შავი ზღვის სტრატეგიაზე, რომელიც აგერ მაქვს - „კანონი შავი ზღვის რეგიონის უსაფრთხოებისა და სხვა მიზნებისთვის“ - ასე ეწოდება დოკუმენტს, რომელიც ორპარტიულია და ეს ძალიან მნიშვნელოვანია. ამ კანონზე მუშაობა დაიწყეთ, როცა არ იყო სრულმასშტაბიანი ომი უკრაინაში. ახალ კონტექსტში რა შესაძლებლობაა ეს საქართველოსთვის? რა ნაწილებისგან შედგება ეს დოკუმენტი? მე ჩავიხედე, მაგრამ ჩვენს აუდიტორიას რომ ვუთხრათ და რა სარგებელს მოუტანს ეს საქართველოს და რა პასუხისმგებლობების აღება მოუწევს?ჯინ შაჰინი: უპირველესად, რაც შეეხება საქართველოს წინაშე არსებულ გამოწვევებს, მე მიუნხენის უსაფრთხოების კონფერენციიდან ჩამოვედი და ერთ-ერთი რამ, რაც ძალიან ცხადი იყო საუბრებში უკრაინაში ომზე, იყო იმის აღიარება, რომ ეს ყველაფერი დაიწყო 2008 წელს, როცა რუსეთი შემოვიდა საქართველოში და რუსეთი აგრძელებს საქართველოს ტერიტორიის 20%-ის ოკუპაციას. ეს ჩვენ ძალიან გვაშფოთებს და ვიცი, ქართველებს სურთ ამის დასრულება. 15 თვის წინ, როცა აქ ვიყავი, მქონდა სამხრეთ ოსეთთან სასაზღვრო ხაზთან მისვლის შესაძლებლობა, რომ მენახა საქართველოში შემოჭრის ფაქტი, მომესმინა გამოწვევებზე, რომელთა წინაშეც იქ არიან ადამიანები ამ შემოჭრის გამო. ასე რომ, მესმის, ეს არის უდიდესი პრობლემა ქვეყნისთვის. ამიტომაც, ვფიქრობ, როცა ხედავ საქართველოს ნატოსკენ სწრაფვას, ძალიან მნიშვნელოვანია და ასევე აღსანიშნავი, რომ ნატოს მადრიდის სამიტზე საქართველოს ნატოსკენ სწრაფვის მნიშვნელობა კიდევ ერთხელ დადასტურდა. ამიტომაც, ძალიან მნიშვნელოვანია აშშ-სთან სამხედრო პარტნიორობა და ამიტომ არის მნიშვნელოვანი შავი ზღვის რეგიონის სტრატეგია. მნიშვნელოვანია არა მხოლოდ უსაფრთხოებისთვის, არამედ ეკონომიკურადაც და რაც ვნახეთ, როგორც უკრაინასთან ამ ომამდე, ისე ომის დაწყების შემდეგ, არის ის, თუ რამდენად მნიშვნელოვანია შავი ზღვა არა მხოლოდ ამ რეგიონისთვის, არამედ მარცვლეულის, სასუქების საზღვაო მარშრუტებისთვის და როგორი გლობალური ზეგავლენა აქვს მას. უნდა გავიაზროთ რამდენად მნიშვნელოვანია ის.ჩვენს კანონს რაც შეეხება, მისი პირველი ნაწილი, რომელიც წინა კონგრესმა მიიღო, ბაიდენის ადმინისტრაციას ეუბნება, რომ მან წარმოადგინოს სტრატეგია - ამ რეგიონის მიმართ ჩვენი ყოველისმომცველი ხედვა. ახლა ვმუშაობთ კანონმდებლობის შემდგომ ნაწილზე კონგრესის მომავალი სხდომისთვის, რომელშიც იქნება გარკვეული ანგარიშგების მოთხოვნები, როგორ შეგვიძლია გავაფართოვოთ ის პირველადი ვერსია, რომელიც ამბობს - მოდით, შევიმუშაოთ სტრატეგია - და როგორ უნდა ჩავაბაროთ ანგარიში კონგრესს, რომ ვნახოთ რა იქნება ამ კანონმდებლობის შედეგები.ასე რომ, ჩვენ ახლა ამაზე ვმუშაობთ. დღეს გვქონდა ძალიან კარგი შეხვედრა ქართველებთან, რომ გვემსჯელა როგორ ხედავთ აქ შავი ზღვის მნიშვნელობას და როგორ შეიძლება ის გამოყენებული იყოს ქვეყნის ეკონომიკისთვის.რადიო თავისუფლება: დიახ, ვიცი, რომ ეს საკითხი განიხილეთ დღეს ერთ-ერთ შეხვედრაზე, მაგრამ არ ვიცი გქონდათ თუ არა საკმარისი მსჯელობა, საკმარისი დრო, საკმარისი სივრცე ამ საკითხის საქართველოს მთავრობასთან განსახილველად.ჯინ შაჰინი: საქართველოს მთავრობასთან ამაზე დეტალურად არ გვიმსჯელია, გარდა იმისა, რომ ვთქვით, რატომ ვთვლით ამ საკითხს მნიშვნელოვნად და ვილაპარაკეთ კანონმდებლობაზე, რომელზეც ვმუშაობთ. ვფიქრობ, დავუბრუნდები საქართველოს მთავრობასთან ამის განხილვას. შევთანხმდით იმაზე, რომ გავაგრძელებთ ამ საკითხზე მუშაობას.რადიო თავისუფლება: მსურს მიუნხენს მივუბრუნდე და რუსეთის აგრესიულ ომს უკრაინის წინააღმდეგ. მსოფლიო იცვლება, ის გამოწვევებით არის სავსე, დინამიკურია, ტრაგიკულია - ყველაფერი ერთად და ძალიან მნიშვნელოვანია (რთული, მაგრამ უკიდურესად მნიშვნელოვანი) ქვეყნისთვის ადგილის პოვნა ამ ვითარებაში, ამ გარემოში. თვლით, რომ საქართველოს პოზიცია ამ კონტექსტში - გლობალურ, საერთაშორისო კონტექსტში საკმარისად მკაფიოა, განსაკუთრებით უკრაინის მიმართ. მოვიყვან საქართველოს პრემიერმინისტრის ციტატებს მიუნხენის კონფერენციაზე მისი გამოსვლიდან: „ყველაფერი უნდა გავაკეთოთ ამ ომის შესაჩერებლად... არ არსებობს მშვიდობიანი მოლაპარაკებებისა და საუბრის ალტერნატივა, რადგან ვნახეთ, რომ დაბრუნდა ბირთვული რიტორიკა. ამდენად, უნდა მოველოდეთ, რომ აშშ, ჩინეთი, რუსეთი და ევროკავშირი დასხდებიან და ილაპარაკებენ ამ პლანეტის მომავალზე, ვინაიდან, გავიმეორებ, ომი არ არის გამოსავალი“. ეს ითქვა კონფერენციაზე კონტექსტში, სადაც მსოფლიო ლიდერები გამოდიოდნენ და ლაპარაკობდნენ იმაზე, როგორ დაჩქარდეს სამხედრო მხარდაჭერა, რომ უკრაინამ რაც შეიძლება მალე გაიმარჯვოს და რუსეთი დამარცხდეს. ეს ციტატა, ცალკე აღებული შეიძლება აბსოლუტურად ნორმალურად ჩანდეს... შეიძლება... თუმცა, ამ კონტექსტში ეს იყო ერთგვარი შეხსენება საქართველოს პრემიერმინისტრისგან, რომ თქვენ ომი გინდათ, მაგრამ მშვიდობა უფრო მნიშვნელოვანია...ჯინ შაჰინი: ვთვლი, რომ საქართველოში რუსეთის შეჭრის, 2014-ში რუსეთის უკრაინაში შეჭრის, როცა მათ დაიკავეს ყირიმი და დონბასის ნაწილი, ერთ-ერთი გაკვეთილი არის ის, რომ, თუკი ვლადიმირ პუტინის მსგავს დიქტატორს მისცემ ქვეყნის ნაწილის ანექსიისა და ქვეყანაში შეჭრის შესაძლებლობას, ყოველგვარი პასუხისმგებლობის დაკისრების გარეშე, მიიღებ წესებზე დაფუძნებული საერთაშორისო წესრიგის ხელყოფას. ეს არის ის, რაც ყველა ჩვენგანს, ვინც დემოკრატიაში ცხოვრებას ვესწრაფვით, უნდა გვაშფოთებდეს. ვერ მივცემთ უფლებას ვლადიმირ პუტინს ან ჩინეთში სის [სი ძინ პინს - რ.თ.], ირანის ან ჩრდილოეთ კორეის მსგავს დიქტატორებს იფიქრონ, რომ შეუძლიათ უბრალოდ მიიღონ გადაწყვეტილება და მოახდინონ სხვა ქვეყნის ნაწილის ანექსია ან დაიპყრონ სხვა ქვეყანა. ეს ნებისმიერი მიზეზით შეიძლება მოხდეს. შეიძლება, უბრალოდ ასე სურდეთ. მაგალითად, პუტინის შემთხვევაში, მას, როგორც ჩანს, სურს საბჭოთა კავშირის აღდგენა ან ორასი წლის წინანდელი რუსეთისა. ასე რომ, ყველას, ვინც დემოკრატიულ ქვეყნებში ვცხოვრობთ, ეს უნდა გვაშფოთებდეს. ჩვენი მტრები, დანარჩენი ავტოკრატები, რომლებიც ასევე ფიქრობენ, გვაკვირდებიან - რას ვაკეთებთ. აკვირდებიან დასავლეთს, ალიანსს, სხვა ქვეყნებს, რომლებიც მხარს უჭერენ უკრაინას - შევინარჩუნებთ თუ არა ერთიანობას, ვიქნებით თუ არა მტკიცენი, რეალურად ვაპირებთ თუ არა დავეხმაროთ უკრაინელებს, რომლებიც ძალიან გაბედულები არიან ამ ბრძოლაში. ვიცი, ბევრი ქართველია, ვინც ამ ყველაფერს გულდასმით აკვირდება, ვისაც უკრაინაში ნათესავები ჰყავს...რადიო თავისუფლება: ვინც იბრძვის...ჯინ შაჰინი: ...ვინც იბრძვის - ყველანი, ვისაც ძალიან აღელვებს, რა მოხდება, ძალიან მნიშვნელოვანია დავეხმაროთ უკრაინელებს ყოველმხრივ, როგორც შეგვიძლია.რადიო თავისუფლება: ძალიან მნიშვნელოვანი განცხადება იყო ნატოს გენერალური მდივნისა, რომელმაც იმათ საყურადღებოდ, ვინც შიშობს, რომ უკრაინისთვის დახმარების გაზრდა ხელს შეუწყობს ვითარების ესკალაციას, განაცხადა, რომ დღეს არ არსებობს უსაფრთხო არჩევანი და რომ დღეს გადადგმულ ნებისმიერ ნაბიჯს ახლავს რისკი.პრესკონფერენციაზე ბრძანეთ, რომ გსურთ მკაფიოდ განაცხადოთ, რომ აქ [საქართველოში] გინდათ მშვიდობა, ზოგიერთი პოლიტიკოსის იმ რიტორიკის პასუხად, რომ აშშ-ს, დასავლეთს სურთ საქართველოს ომში ჩათრევა.ჯინ შაჰინი: დიახ, მეორე ფრონტის გახსნა აქ...​რადიო თავისუფლება: დიახ, დიახ. გსურთ ამაზე მეტის თქმა მათთვის? ვინაიდან, ის პოლიტიკოსები არ არიან ვიღაც კუთხეში მსხდომნი, უხილავები, არამედ რიგ შემთხვევაში მმართველი პარტიის, ან მმართველი პარტიის ყოფილი - ფორმალურად ყოფილი წევრები?ჯინ შაჰინი: როგორც ჩანს, ეს არის განზრახ წარმოებული კამპანია.რადიო თავისუფლება: რა მიზანი აქვს?ჯინ შაჰინი: რომ წამოწიონ ეს საკითხი, მოახდინონ აშშ-ის და საქართველოსთან ჩვენი ურთიერთობების დისკრედიტაცია; შეიძლება, ის, რომ ჩაკლან საქართველოს სწრაფვა ევროკავშირში გაწევრიანებისკენ. არა მგონია, ასეთი დეზინფორმაცია ვინმესთვის სარგებლის მომტანი იყოს. ეს არ ეხმარება საქართველოს, მის ევროპულ მისწრაფებებს, არ არის სასარგებლო აშშ-სთვის. როგორც უკვე ვთქვი, აშშ-ს საქართველოს გვერდით დგომის 30-წლიანი ისტორია აქვს და ხელს უწყობს ამ ქვეყნის სუვერენიტეტს, ტერიტორიულ მთლიანობას და ხელს უწყობს მშვიდობას.ჩვენ გვინდა მშვიდობა ევროპისთვის, გვინდა მშვიდობა მთელი მსოფლიოსთვის და ისტორია გვასწავლის, რომ, თუკი დაუნდობელი დიქტატორების მიმართ ზოგჯერ სიმტკიცეს არ გამოვიჩენთ, უარესის მომტანია და არა უკეთესის.რადიო თავისუფლება: დღეს, როცა მსოფლიო ცდილობს სძლიოს რუსეთის აგრესიას უკრაინაში, როცა საკუთრივ საქართველოს აქვს უამრავი, უამრავი პრობლემა, მათ შორის ეგზისტენციური პრობლემები ბევრი ქართველისთვის, სულ რამდენიმე საათის წინ ქართველი ჟურნალისტები იდგნენ პარლამენტის ბიუროს ოთახის შესასვლელთან შეძახილებით - „არა, რუსულ კანონს!“, „არა, პუტინიზაციას!“. დარწმუნებული ვარ, შეხვედრებზე არაერთხელ მოგაწოდეს ინფორმაცია ამ ახალ ინიციატივაზე, რომელიც ოფიციალურად ინიცირებული იყო სწორედ დღეს, ბიუროს იმ სხდომაზე - კანონი „უცხოური გავლენის გამჭვირვალობის შესახებ“, რომელზეც კომენტარი გააკეთა სახელმწიფო დეპარტამენტის სპიკერმა და ვიცით, რა შეფასებაც მისცა. აღარ ჩამოვთვლი სხვა განცხადებებს და არც მის ამერიკულ „უცხოეთის აგენტების რეგისტრაციის აქტთან“(FARA) შედარებაზე ვილაპარაკებ, მაგრამ კიდევ ერთხელ გთხოვდით აგეხსნათ განსხვავება, ვინაიდან ამ ინიციატივის ავტორები იშველიებენ FARA-ს და აცხადებენ - თუკი აშშ-სთვის კარგია, კარგი უნდა იყოს ჩვენთვისაც. ეს იგივე ხალხია, ვინც აკრიტიკებს აშშ-ის პოლიტიკას, პირადად თქვენ, [აშშ-ის] ელჩს.ჯინ შაჰინი: კანონი, რომელიც პარლამენტში წარადგინეს, არ არის ამერიკული კანონი FARA. მე მიმუშავია იმ კანონზე, მის რეფორმირებაზე. თავდაპირველად ის 1930-იანებში იყო მიღებული ჰიტლერის პასუხად, როგორც ძალისხმევა, რომ ამოგვეცნო ლობისტები ან სხვები, რომლებიც სხვა ქვეყნებს წარმოადგენდნენ აშშ-ში და მათ მოვთხოვეთ რეგისტრაცია. აქაური კანონპროექტი არის რუსეთში არსებული კანონის მსგავსი, რომელიც ძალიან ეფექტიანი იყო რუსეთში არასამთავრობო ორგანიზაციების დახურვისა და მედიის გასაჩუმებლად. ეს არ არის ხელშემწყობი იმ 12 პირობისა, რომლის შესრულებაც ევროკავშირმა სთხოვა საქართველოს ევროკავშირში ინტეგრაციისთვის და ეს კანონი ძალიან ჰგავს იმას, რომელიც უნგრეთმა მიიღო და რომელიც დარტყმის ქვეშ აღმოჩნდა. ასე რომ, ეს არ შეესაბამება იმ ღირებულებებს, რომლებსაც, ვფიქრობ, ვისურვებდით დემოკრატიულ ქვეყანაში. და, არც გამჭვირვალეობისთვის არის საჭირო ასეთი კანონი. არგუმენტი, რომ ეს გამჭვირვალეობისთვის არის საჭირო, უბრალოდ არ ჭრის, რადგან უკვე არსებობს გამჭვირვალეობა. არასამთავრობო ორგანიზაციებს ისედაც ეკისრებათ ვალდებულება განაცხადონ საიდან ფინანსდებიან.რადიო თავისუფლება: როცა ეკითხებიან, აცხადებენ, რომ ეს კანონი საჭიროა, ვინაიდან ზოგიერთი არასამთავრობო ორგანიზაცია, რომელიც უცხოური წყაროებიდან ფინანსდება, პოლიტიკურ განცხადებებს აკეთებენ და პოლიტიკური ინტერესები აქვთ. ეს არის მათი არგუმენტი, რაც აქამდე გვესმის.საქართველოს არასამთავრობო ორგანიზაციების წარმომადგენლებთან ერთად გადაღებულ თქვენს ფოტოს, რომელიც შეხვედრის შემდეგ ან შეიძლება, შეხვედრამდეცაა გადაღებული, დღეს საელჩოს განცხადება ახლდა, ფეისბუკ-განცხადება, რომელიც ასეთი წინადადებით იწყება: „შემთხვევითი არ არის, რომ კრემლის ერთ-ერთი სამიზნე საქართველოში სამოქალაქო საზოგადოებაა“. კრემლს ჰყავს სამიზნეში ამოღებული სამოქალაქო საზოგადოება საქართველოში?ჯინ შაჰინი: არ ვიცი, ვისი სამიზნეა, მაგრამ ეს არის კანონი, რომელიც ხელს არ უწყობს დემოკრატიის პრინციპებს, არ ემსახურება იმ შედეგების მიღწევას, რაც საქართველოს ხალხს სურს და ჩვენ გამოვხატეთ წუხილი იმის გამო, როგორც ეს კანონი გვესმის, ჩვენს შეხვედრებზე პრეზიდენტსა და პრემიერმინისტრთან შეხვედრებზე. ჩვენ ასევე მოვისმინეთ კიდევ უფრო დიდი წუხილი სამოქალაქო საზოგადოების წარმომადგენლებთან შეხვედრაზე დღეს.რადიო თავისუფლება: მოისმინეთ პრემიერმინისტრის პოზიციაც? თუ მხოლოდ მოგისმინათ?ჯინ შაჰინი: მოგვისმინა.რადიო თავისუფლება: კარგით.აღნიშნეთ, რომ შეხვედრაზე ივანიშვილიც იყო ნახსენები.ჯინ შაჰინი: დიახ, ჩვენ წამოვჭერით მისი საკითხი დეოლიგარქიზაციის მოთხოვნის კონტექსტში, როგორც იმ 12 პრინციპის ნაწილი - დე-ო-ლი-გარ-ქი-ზა-ცი-ა. მიჭირს ამ სიტყვის წარმოთქმა.რადიო თავისუფლება: დიახ, მეც. და, ამაზეც მხოლოდ მოგისმინათ, უკომენტაროდ? ბოდიშს გიხდით, ვიცი, რომ პირადი შეხვედრა იყო.ჯინ შაჰინი: ჩვენ განვიხილეთ ამ პირობის მნიშვნელობა და ფაქტი, რომ მხოლოდ საქართველოში არ წამოჭრილა ეს საკითხი, არამედ უკრაინაშიც წამოიჭრა თავის დროზე, ყოფილ პრეზიდენტ ბატონ პოროშენკოსთან მიმართებით.რადიო თავისუფლება: მიუნხენის უსაფრთხოების კონფერენციაზე ბატონმა ღარიბაშვილმა უპასუხა აგრეთვე შეკითხვას მიხეილ სააკაშვილზე, მისი ჯანმრთელობის მდგომარეობაზე და მან განაცხადა - პასუხი მოკლე არ იყო, მაგრამ აგრეთვე განაცხადა, რომ „სააკაშვილი კარგი მსახიობია“, რომ მთავრობა აკეთებს ყველაფერს, რაც შეუძლია და ა.შ.. თუმცა, ბატონი სააკაშვილის მდგომარეობა უარესდება და ისეთი სიმპტომის, როგორიც, მაგალითად, პერმანენტული სიცხეა, გაყალბება, გათამაშება შეუძლებელია. რა ფაქტორია მისი [სააკაშვილის] ჯანმრთელობის მდგომარეობა საქართველოს პოლიტიკაში და საქართველოს პარტნიორებთან ურთიერთობაში. რამდენად ინტენსიურად ადევნებთ თვალს მის მდგომარეობას - არა მხოლოდ თქვენ პირადად, არამედ ამერიკელი პოლიტიკოსები?ჯინ შაჰინი: მისი მდგომარეობა განიხილება არა მხოლოდ აშშ-ში, არამედ სხვა ქვეყნებშიც, როგორც ეს გამოჩნდა ჩვენი მიუნხენის უსაფრთხოების კონფერენციაზე ყოფნის დროსაც. ნებისმიერ დემოკრატიულ მთავრობას ენიჭება პასუხისმგებლობა უზრუნველყოს ციხეებში მყოფი ადამიანებისთვის სამედიცინო მომსახურება, რომელიც მათ სჭირდებათ. მეც და სხვებიც ვიმედოვნებთ, რომ ბატონი სააკაშვილი მიიღებს სამედიცინო მომსახურებას, რომელიც მას სჭირდება, განსაკუთრებით მისი მდგომარეობის გაუარესების გათვალისწინებით.რადიო თავისუფლება: უნდა ველოდოთ რაიმე უფრო ოფიციალურს სენატისგან, ვაშინგტონისგან?ჯინ შაჰინი: ჩვენ გამოვაქვეყნეთ ოფიციალური წერილი, დეკემბერში და გამოვხატეთ შეშფოთება.რადიო თავისუფლება: დიახ, მაგრამ იქნება რაიმე მეტი?ჯინ შაჰინი: ჯერ არ მისაუბრია კოლეგებთან ამის შესახებ.რადიო თავისუფლება: კიდევ ერთი პირი, რომელიც ფართოდ არის მიჩნეული პოლიტიკური საფუძვლით დაპატიმრებულად, არის ნიკა გვარამია, ტელეკომპანია „მთავარის“ გენერალური დირექტორი. მისი საქმე აღწერილია არაერთ ანგარიშში, მათ შორის „ჰიუამნ რაიტს უოჩის“ ბოლო ანგარიშში და მის დაკავებამდე, ეს საქმე აღწერილი იყო სახელმწიფო დეპარტამენტის ყოველწლიურ ანგარიშში ადამიანის უფლებების მდგომარეობის შესახებ. ის უკვე ცხრა თვეა ციხეშია. გსურთ ამ საქმეზე კომენტირება და თვლით, რომ მას საკმარისი ყურადღება ექცევა?ჯინ შაჰინი: არ ვიცნობ ამ საქმის დეტალებს, მაგრამ ფაქტია ის, რომ დემოკრატიულ ქვეყანაში პრესის, მედიის თავისუფლება ძალიან მნიშვნელოვანია. ვერ გექნება ქმედითი დემოკრატია, თუკი ადამიანები, რომლებიც მუშაობენ რეპორტიორებად, მუშაობენ მედიაში, შეიძლება მოხვდნენ ციხეში იმისთვის, რასაც გადასცემენ. ეს არის დემოკრტიის ერთ-ერთი ძირითადი პრინციპი. მედიის თავისუფლება და ადამიანის უფლებები არის კრიტიკულად მნიშვნელოვანი და წარმოადგენენ იმ პირობების ნაწილს, რომელთა მოგვარებასაც ევროკავშირი სთხოვს საქართველოს. ვფიქრობ, ძალიან მნიშვნელოვანია ადამიანებმა გაიაზრონ, რომ, თუკი დემოკრატიულ ქვეყანაში ცხოვრობ, ოპონენტები ციხეში არ უნდა ჩასვა და ჟურნალისტები ციხეში არ უნდა ჩასვა. უნდა დაიცვა კანონის უზენაესობა.რადიო თავისუფლება: შეგიძლიათ გვითხრათ, რა შეიცვალა გასული წლის ნოემბრის შემდეგ, როცა სენატში გაიმართა მსჯელობა საქართველოზე და დღის წესრიგში იყო საქართველოში დემოკრატიის უკუსვლა? დემოკრატია სულ უფრო მნიშვნელოვანი ხდება და საჭიროა წარმატებულები ვიყოთ, რომ განვაგრძოთ გზა, ამ ეტაზე - ევროკავშირისკენ. როგორ ფიქრობთ, უარესი ვითარებაა, უკეთესად ვართ თუ იმავე მდგომარეობაში?ჯინ შაჰინი: ის მოსმენა [სენატში] გამიზნული იყო შეშფოთების გამოსახატავად იმაზე, რაც ხდება და კვლავ ვიტყვი: დემოკრატია ნიშნავს კანონის უზენაესობის დაცვას, მას აქვს დამოუკიდებელი სასამართლო, უშვებს მედიის თავისუფლებას. ზოგიერთი ცნობა, რომელსაც ვიღებთ, „უცხოეთის აგენტებზე“ კანონის მსგავსს, რომელზეც არასამთავრობო ორგანიზაციებისგან ვისმენთ, ძალიან შემაშფოთებელია საქართველოს ევროკავშირში გაწევრიანებისა და ძლიერი დემოკრატიისკენ სვლის მისწრაფებების კონტექსტში.ამ ქვეყნის ხალხი ისე იბრძვის დემოკრატიულ ქვეყანაში ცხოვრებისთვის, რომ ჩვენ აშშ-ში გვსურს გავაკეთოთ ყველაფერი, რაც შეგვიძლია, რომ ამას მხარი დავუჭიროთ. ამიტომაც ვართ მე და სენატორი დურბინი აქ - რომ წამოვჭრათ ეს საკითხები.რადიო თავისუფლება: დასასრულ, ძალიან პირადული მოკლე შეკითხვა მინდა დაგისვათ: ადევნებთ თვალს ქართველი პოლიტიკოსების კომენტარებს პირადად თქვენზე და როგორ აღიქვამთ მათ? ხშირად არც თუ ძალიან სასიამოვნო ან ეთიკურია ხოლმე. როგორ უდგებით ამ კომენტარებს? თუ უბრალოდ ყურადღებას არ აქცევთ?ჯინ შაჰინი: არ ვაქცევ ყურადღებას. რეალობა კი ის არის, რომ ჩვენ გვსურს პოლიტიკაში და მთავრობაში იყვნენ ადამიანები, რომლებიც იჩენენ პატივისცემას. გვინდა ვხედავდეთ, რომ შეიძლება ვინმეს არ დაეთანხმო, პიროვნულადაც კი, იკამათო საკითხებზე, მაგრამ არ არის საჭირო ადამიანებს რაღაცები უძახო, არ უნდა გამოიჩინო უპატივცემულობა. მე ვცდილობ ასე მოვიქცე და ჩემი კოლეგების უმრავლესობაც კონგრესში. გვსურს ყველას ასეთი ქცევისკენ მოვუხმოთ.   

"ქართული ოცნების" ხელისუფლებას უნდა ესმოდეს, რომ რუსებმა შეიძლება გასცენ დაპირებები, მაგრამ საბოლოოდ მათი ნდობა არ შეიძლება"

1676705613

დესტაბილიზაციის რუსული სცენარი - რა ხდება კიშინიოვში?13 თებერვალს პრეზიდენტმა მაია სანდუმ, რუსეთი მოლდოვის მთავრობის დამხობის მიზნით, გადატრიალების დაგეგმვაში დაადანაშაულა. ამ გეგმაში კი მისი თქმით, მონაწილეობას რუსეთის, მონტენეგროს, ბელარუსისა და სერბეთის მოქალაქეები იღებდნენ. სანდუს განმარტებით, რუსეთის გეგმის მიზანი ქვეყნის ევროკავშირში გაწევრიანებისთვის ხელის შეშლა და მისი სტრატეგიული მდებარეობის უკრაინის წინააღმდეგ ომში გამოყენება იყო.სანდუს თქმით, ეს გეგმა ითვალისწინებდა მოლდოვის დემოკრატიულად არჩეული მთავრობის დამხობასა და პრორუსული ძალით ჩანაცვლებას, სახელმწიფო ორგანოებზე თავდასხმას, მძევლების აყვანას, ძალადობრივ ქმედებებს, რომლებიც ოპოზიციის საპროტესტო აქციებით უნდა შეინიღბოს. იგულისხმება პრორუსული ოპოზიციური პარტია „შორის“ მიერ ორგანიზებული პერმანენტული ანტისამთავრობო აქციები, რომლის ჩატარებასაც სანდუს ოპონენტები კვირას, 19 თებერვალს გეგმავენ. პრეზიდენტმა თქვა, რომ ამავე სცენარით, პროტესტში მონაწილეობა უნდა მიეღოთ სამოქალაქო ტანსაცმელში გამოწყობილ, სამხედრო გამოცდილების მქონე, საზღვარგარეთიდან შემოგზავნილ დივერსანტებს. 14 თებერვალს რამდენიმე საათით ჩაიკეტა მოლდოვის საჰაერო სივრცეც.ამ განცხადებამდე რამდენიმე დღით ადრე, 10 თებერვალს მოლდოვის პრემიერი გადადგა. გადადგომისას პრემიერ-მინისტრმა ნატალია გავრილიცამ თქვა, რომ 2021 წელს მისი მთავრობის არჩევისას ვერავინ წარმოიდგენდა, რომ მას „უკრაინაში რუსეთის აგრესიით გამოწვეული ამდენი კრიზისის მართვა მოუწევდა“. მისი თქმით, ქვეყნის სათავეში ანტიკორუფციული, განვითარებისა და პროევროპული მანდატით მოსული მთავრობა „დაუყოვნებლივ აღმოჩნდა ენერგო-შანტაჟის პირისპირ, და ვინც ამას აკეთებდა, იმედოვნებდა, რომ ჩვენ დავნებდებოდით“.მანამდე კი, კიშინიოვი მოსალოდნელი საფრთხის შესახებ გააფრთხილეს კიევიდანაც. 9 თებერვალს, ბრიუსელში ვოლოდიმირ ზელენსკიმ თქვა, რომ უკრაინის დაზვერვის ინფორმაციით, მოსკოვს „მოლდოვის განადგურება“ სურდა და რომ მან ქვეყნის დესტაბილიზაციის გეგმების შესახებ ცნობები კიშინიოვს დაუყოვნებლივ გაუზიარა.თეთრი სახლის ეროვნული უშიშროების საბჭოს პრესსპიკერმა ჯონ კირბიმ ორშაბათს თქვა, რომ ის შეშფოთებულია იმ ცნობებით, რომელთა გადამოწმებაც დამოუკიდებლად ამერიკულ მხარეს არ მოუხდენია, თუმცა „ძალიან ღრმად შემაშფოთებელია“ და „ნამდვილად არ სცდება რუსეთის ქცევის საზღვრებს“.რუსეთი ბრალდებებს, ტრადიციულად, უარყოფს. საგარეო საქმეთა სამინისტროს პრეს-სპიკერი მარია ზახაროვა ამბობს, რომ მოლდოვის დესტაბილიზაციის რუსული გეგმის შესახებ დეზინფორმაციას კიევი ავრცელებს, რომელსაც კიშინიოვ-მოსკოვის დაპირისპირება სურს. თუმცა სულ რაღაც 2 კვირის წინ, რუსეთის პირველი დიპლომატი „რია ნოვოსტისთან“ ინტერვიუში ამბობდა, რომ „დასავლეთი შემდეგ უკრაინად მოლდოვას მოიაზრებს“ და რომ „დასავლეთმა სპეციფიკური და არცთუ დემოკრატიული მეთოდებით ჩაუყენა მოლდოვას სათავეში პრეზიდენტი, რომელიც მიიწევს ნატოსკენ... და ყველაფრისთვის მზად არის“. კიევის ევროატლანტიკური ინტეგრაციის შეჩერება გასულ წელს რუსეთის უკრაინაში შეჭრის ერთ-ერთი გაცხადებული მიზეზი იყო, რომელსაც მოსკოვი ასახელებდა.სანდუმ თქვა, რომ ეს არაა სახელმწიფოსთვის ძირის გამოთხრის პირველი მცდელობა და რომ გასულ შემოდგომაზე შესაბამისმა სამსახურებმა მოახერხეს არასასურველი შედეგის თავიდან აცილება და რომ მოსკოვმა მაშინ მიზანს ვერ მიაღწია.13 თებერვალსვე მოლდოვის სასაზღვრო პოლიციამ დაადასტურა, რომ ქვეყანაში შესვლის უფლება არ მისცა ბელგრადის საფეხბურთო კლუბ „პარტიზანის“ 12 ქომაგს, რომლებიც ტირასპოლის „შერიფთან“ მატჩზე დასასწრებად მიემართებოდნენ. საფეხბურთო კლუბი „შერიფი“ სეპარატისტული დნესტრისპირეთის წამყვანი გუნდია, ის მოლდოვის იურისდიქციის ქვეშაა და რეგულარულად მონაწილეობს მოლდოვის საფეხბურთო ჩემპიონატშიც და საერთაშორისო მასშტაბითაც მოლდოვის დროშით ასპარეზობს. თუმცა როგორც ირკვევა, არსებობდა შეშფოთება იმის თაობაზე, რომ საზღვრის გადაკვეთის მსურველ ქომაგებს შორის, შესაძლოა დივერდსანტებიც ყოფილიყვნენ. ბელგრადი კიშინიოვისგან დამატებით განმარტებებს ითხოვს.რას ნიშნავს ეს საქართველოსთვის?ამერიკის ყოფილი ელჩი ნატოში და უკრაინის საკითხებში შეერთებული შტატების სპეციალური წარმომადგენელი კურტ ვოლკერი ამბობს, რომ რეგიონში მიმდინარე მოვლენები ერთმანეთს უკავშირდება და რთულია აქ რუსული კვალი ვერ დაინახო. მაშინ კი, როცა საქართველოში ამერიკას ომში ჩათრევის მცდელობაში ადანაშაულებენ, დასავლელი ლიდერები უნდა დაეხმარონ საქართველოსა და მოლდოვის მსგავს ქვეყნებს იმაში, რომ მათ რუსულ აგრესიასთან გამკლავება შეძლონ.„ყველა ეს მოვლენა ერთმანეთს უკავშირდება. იქნება ეს რუსეთის სრულმასშტაბიანი ომი უკრაინის წინააღმდეგ, რუსეთის მიერ საქართველოს ტერიტორიის ნაწილების ოკუპაცია, თუ ახლა ეს ძალისხმევა იმისა, რომ კიშინიოვში მთავრობა შეიცვალოს, ამ ყველაფრის უკან რუსეთი დგას. რუსეთი ცდილობს, რომ გავლენის სფეროები გამოაცხადოს და მთელ რეგიონზე დომინირება მოახდინოს“, - ამბობს ვოლკერი და განმარტავს: „საქართველოში გვესმის ბრალდებები, რომ ამერიკა ცდილობს საქართველოს ომში ჩათრევას, რაც ნონსენსია. არავინ ცდილობს ამას. მაგრამ ვფიქრობ, ყველამ უნდა ვაღიაროთ, რომ რუსეთი ძალიან საშიშ და მავნე როლს თამაშობს მთელი რეგიონის მიმართ. მნიშვნელოვანია, რომ ჩვენ ყველა ამ ქვეყანას მხარი დავუჭიროთ სხვადასხვა ტიპის რუსული აგრესიისთვის წინააღმდეგობის გაწევაში“, - ამბობს ყოფილი დიპლომატი.ვოლკერის განმარტებით, ის, რაც მოლდოვაში ხდება, მნიშვნელოვანია საქართველოსთვისაც, რადგან ეს რუსეთის ზრახვებზე მიგვანიშნებს. მისი თქმით, ყველაზე მთავარი ისაა, რომ როცა უკრაინა გაიმარჯვებს და სუვერენულ, დამოუკიდებელ, ევროპული დემოკრატიის მქონე ქვეყნად გამოვა ამ ომიდან, „საქართველოს არ უნდა სურდეს, რომ ჩამორჩეს ამ პროცესს. ის უნდა იყოს იმ მოძრაობის თითოეული ნაბიჯის ნაწილი“, რომლის მიზანიც უსაფრთხო და დემოკრატიული ევროპაა.მოლდოვაზე რუსული წნეხის ზრდას რუსეთის უფრო ფართო ძალისხმევის ნაწილად მიიჩნევს კენეტ იალოვიციც, ამერიკის ყოფილი ელჩი საქართველოსა და ბელარუსში. მისი თქმით, ესაა მოსკოვის მცდელობა შეცვალოს დიპლომატიური იზოლაციის ის რეალობა, რომელშიც თავი ომის წამოწყებით ჩაიგდო.„ვფიქრობ, იმის გასაგებად, თუ რის გაკეთებას ცდილობენ რუსები მოლდოვაში, უნდა დავაკვირდეთ უფრო ფართო პერსპექტივას, როგორც მაგალითად, ისინი ახლა საქართველოს სთავაზობენ პირდაპირი ფრენების აღდგენას, მიანიშნებენ იმაზეც, რომ 3+3-ის ფორმატის მოლაპარაკებებით დაწყება სურთ, რომ შესაძლებელია იყოს ამისთვის სივრცე, რაზეც საქართველო აქამდე უარს ამბობდა. ისინი ცდილობენ, გამოვიდნენ იმ დიპლომატიური იზოლაციიდან, რომელშიც თავი ჩაიგდეს ამ სასტიკი და არაცივილური ომის გამო, რომელიც უკრაინის წინააღმდეგ წამოიწყეს“, - ამბობს იალოვიცი, ის განმარტავს, რომ ექსპერტთა შეფასებით, მოლდოვის ახალი პრემიერიც პროევროპულად განწყობილი ლიდერია, რაც ძალიან კარგია ქვეყნისთვის, თუმცა რუსული წნეხი აშკარაა.კენეტ იალოვიცი ფიქრობს, რომ მოლდოვაში მიმდინარე მოვლენები მნიშვნელოვანი გაკვეთილია საქართველოს ხელისუფლებისთვისაც, რომ რუსეთის ნდობა და მოსკოვთან კარგი ურთიერთობის ქონა მაინც არ მთავრდება სასიკეთოდ."ქართული ოცნების“ ხელისუფლებას უნდა ესმოდეს, რომ რუსებმა შეიძლება გასცენ დაპირებები, თქვან რაღაცები, მაგრამ საბოლოოდ მათი ნდობა არ შეიძლება. რუსეთს ჰქონდა ომი საქართველოს წინააღმდეგ 2008 წელს, კვლავ ოკუპირებული აქვს აფხაზეთი, სამხრეთ ოსეთი და საქართველოს სხვა ტერიტორიებიც მათ მიღმა. გადადგა მან ნაბიჯები სამშვიდობო მოლაპარაკებებისკენ? არა. მათ მხოლოდ ერთი რამ იციან - ძალის გამოყენება. ეს გაკვეთილია „ქართული ოცნებისთვის“. თქვენ არ უნდა გქონდეთ მოლოდინი, რომ რუსებს ასიამოვნებთ და ისინი ამას დაინახავენ. თუკი შესაძლებლობა მიეცემათ, ისინი ისევე ცუდად მოგექცევიან, როგორც - ყველა დანარჩენს“, - განმარტავს ყოფილი დიპლომატი და ჯორჯთაუნის უნივერსიტეტის პროფესორი.ამერიკის კიდევ ერთი ყოფილი ელჩი საქართველოსა და ყაზახეთში და „რანდის კორპორაციის“ უფროსი მკვლევარი უილიამ კორტნი ამბობს, რომ მოლდოვის პროევროპული სვლის პარალელურად არსებობდა იმედი, რომ ქვეყანა პრორუსული სენტიმენტის პრობლემას გასცდებოდა, თუმცა როგორც ჩანს ეს პრორუსული ძალები იქ მაინც საკმაოდ ძლიერია. მისი აზრით, ევროკავშირი, რომელმაც მოლდოვას უკრაინასთან ერთად წევრობის კანდიდატის სტატუსი მიანიჭა, მას მიმართულების შენარჩუნებაში დაეხმარება.„პრორუსული ძალები მოლდოვის პოლიტიკაში უფრო ძლიერი იყო, ვიდრე საქართველოში. იყო იმედი, რომ მოლდოვამ დაიწყო ამის მიღმა სვლა ბოლო არჩევნების შემდეგ. მაგრამ როგორც ჩანს, მოლდოვაში პრორუსულ ძალებს მნიშვნელოვანი გავლენა აქვთ. ევროკავშირმა უკვე მიანიჭა მოლდოვასა და უკრაინას წევრობის კანდიდატის სტატუსი და ვფიქრობ, ევროკავშირს ენდომება, რომ მჭიდროდ ითანამშრომლოს მოლდოვასთან იმისთვის, რომ სცადოს მისი ევროპისკენ სვლის გაგრძელება. მაგრამ ეს გზა რთული იქნება“, - ამბობს ყოფილი დიპლომატი და დასძენს, რომ მიმდინარე მოვლენები ალბათ საქართველოდანაც საიმედოდ გამოიყურება მათთვის, ვინც ანტიდასავლური კურსის მომხრეა."რაც ხდება, ალბათ, ეს ამხნევებს მათაც, ვინც საქართველოში უფრო პრორუსული კურსის მომხრეა. მაგრამ მოლდოვა შორსაა საქართველოსგან და არაა მოსალოდნელი, რომ მოლდოვაში მიმდინარე მოვლენებს დიდი გავლენა ჰქონდეს საქართველოს პოლიტიკაზე. საქართველოს თავისი პოლიტიკური კულტურა და გეოსტრატეგიული მდებარეობა აქვს. მაგრამ ალბათ, ზოგს მოსკოვში ასევე იმედი მიეცა იფიქროს, რომ მათ კვლავ შეუძლიათ იქონიონ გავლენა მოლდოვასა და საქართველოზე“, - ამბობს უილიამ კორტნი.მოლდოვას უკრაინასთან 1 222 კმ სიგრძის საზღვარი აქვს. ომის დაწყების შემდეგ ქვეყანაში არაერთი სოციალურ-ეკონომიკური პრობლემა კიდევ უფრო გამწვავდა, მათ შორის, ინფლაცია, ენერგო რესურსებზე მაღალი ფასები, ლტოლვილების შედინება და სხვა. მოლდოვა 100 %-ით რუსულ გაზზე იყო დამოკიდებული, მოსკოვმა მისი მომარაგება შეზღუდა. შედეგად, მზარდმა ინფლაციამ მოსახლეობის გაზრდილი უკმაყოფილებაც გამოიწვია. მოლდოვის ყოფილი პრეზიდენტი იგორ დოდონი, რომელიც ქვეყანას 2016-2020 წლებში მართავდა, კრემლთან ახლო ურთიერთობით იყო ცნობილი. ამასთან, ქვეყნის მთავარ სოციალისტურ და კომუნისტურ ოპოზიციურ ბლოკს მოსკოვთან მჭიდრო კავშირები აქვს.Მოლდოვის ახალი პრემიერი 48 წლის პოლიტიკოსი, დორინ რეჩანია მმართველი, პროევროპული „მოქმედებისა და სოლიდარობის პარტიის“ წარმომადგენელი. მისი პარტია პარლამენტში უმრავლესობას ფლობს. მოლდოვის პარლამენტმა ახალი მთავრობა 16 თებერვალს დაამტკიცა.პრეზიდენტმა მაია სანდუმ ასევე მოუწოდა პარლამენტს, რომ რაც შეიძლება სწრაფად მიიღოს კანონპროექტები, რომლებიც ქვეყნის უშიშროების სამსახურებსა და პროკურატურას მოლდოვის წინაშე არსებულ საფრთხეებთან გასამკლავებლად გადამჭრელი ზომების მიღების შესაძლებლობას მისცემს. მოლდოვის პრორუსულმა საპარლამენტო ძალებმა კი მაია სანდუ მოლდოვის "პოლიციურ სახელმწიფოდ“ გადაქცევის მცდელობაში დაადანაშაულეს და კვირას, 19 თებერვალს, პარლამენტის წინ მასშტაბური საპროტესტო აქციის გამართვა დააანონსეს."ამერიკის ხმა"

"სასურველი იქნებოდა, ბატონი კობახიძე თუ შეისწავლიდა, როგორ წაუვიდა საქმე პუტინს და მის გეგმას"

1676103073

“საქართველომ უნდა დაიკავოს ნეიტრალური პოზიცია და შეეცადოს ომზე კომენტარი არ გააკეთოს, ეს საქართველოსთვის სტრატეგიული თვალსაზრისით ძალიან მომგებიანი იქნებოდა. და მეორე, რა თქმა უნდა, არ უნდა აჩვენო ასეთი დონის უცოდინარობა და თქვა, რომ რუსეთი იგებს ამ ომს. სამდღიან ომში რუსეთი, რა თქმა უნდა, "იმარჯვებს“, რა თქმა უნდა. სასურველი იქნებოდა, ბატონი კობახიძე თუ შეისწავლიდა, როგორ წაუვიდა საქმე პუტინს და მის გეგმას, რომ უკრაინას სამ დღეში დააჩოქებდა. ჩვენ ერთი წელია, ომში ვართ და რუსეთს არ აქვს რაიმე მნიშვნელოვანი წარმატება. რუსეთი გაჭიანურებულად იბრძვის მოკლე მანძილებზე და ვერ ახერხებს ნახევარ კილომეტრზე ან კილომეტრზე მეტ წინსვლას. კითხვა იმაშია, რამდენად სწრაფად გაიქცევა რუსეთი უკრაინის ტერიტორიიდან. ვფიქრობ, უახლოეს მომავალში შევძლებთ ამაზე კონკრეტული მაგალითებით ვიმსჯელოთ”, - განაცხადა პოდოლიაკმა „ამერიკის ხმასთან“ საუბარში.მან აღნიშნა, რომ უკრაინული მხარე ვერ ხედავს ქართულ მხარესთან საუბრის აზრს."აზრი არ აქვს რაიმეზე საუბარს, გარდა გასაგებია, დიპლომატიური დონისა, მთავრობასთან, რომელსაც აქვს 2008 წლის მტკივნეული ტრავმა გამოვლილი და მიუხედავად ამისა, მისი მიდგომაა, რომ "ჩვენ გვესმის რუსეთის და მას აქვს უფლება მოკლას ადამიანები უკრაინაში“, - განაცხადა პოდოლიაკმა.კობახიძის განცხადებით, ბოლო ორი კვირის მოცემულობით, ფრონტზე უპირატესობა რუსეთს აქვს, რადგან უკრაინას ამ დროის განმავლობაში არცერთი დასახლებული პუნქტი "არ აუღია"."ბოლო 1-2 კვირა რომ ავიღოთ, არცერთი დასახლებული პუნქტი არ აუღია უკრაინულ მხარეს და მინიმუმ ბოლო 1 კვირაში, ათამდე დასახლებული პუნქტი აიღო რუსულმა მხარემ. ეს აჩვენებს რომ უპირატესობა ამ ეტაპზე, აქვს რუსულ მხარეს. საერთო ჯამში, ომის დაწყებამდე რუსეთს ოკუპირებული ჰქონდა ყირიმი და დონბასის ნაწილი. დღეს რუსეთს ოკუპირებული აქვს ხერსონის 80%, ასევე ხარკოვის ოლქის ნაწილი და ზაპოროჟიეს ოლქის 80%", - განაცხადა კობახიძემ"ამერიკის ხმისთვის“ მიცემულ ინტერვიუში პოდოლიაკმა აღნიშნა, რომ უკრაინული მხარე საჯაროდ და არასაჯაროდ მოითხოვს, მიხეილ სააკაშვილის საზღვარგარეთ სამკურნალოდ გადაყვანას. მან „ქართულ ოცნებას“ მოუწოდა, იმოქმედოს „ჰუმანიტარული პრინციპებით“."ჩვენ სხვადასხვა დონეზე, როგორც საჯაროდ, ისე არა საჯაროდ, დიპლომატიური არხებით და პრეზიდენტის პირით, არაერთხელ ვთქვით, რომ აუცილებელია სააკაშვილის ბედი გადაწყდეს და ის უკრაინაში ან სხვა ქვეყანაში გადაიყვანონ სამკურნალოდ. საქართველო ჯერ კიდევ ევროპისკენ არის ორიენტირებული. საქართველომ არაერთხელ განაცხადა, რომ ეს მისი ერთ-ერთი მთავარი სტრატეგიული მიზანი ერთიან ევროპულ სივრცეში გაწევრიანებაა. ევროპა ასევე ეფუძნება ჰუმანისტურ პრინციპებს. და კარგი იქნებოდა, თუ საქართველო ჰუმანიტარული პრინციპებიდან გამოვიდოდა და სააკაშვილს, რომელიც ციხის პირობებში მძიმე მდგომარეობაშია, გადმოგვცემდა ჩვენ ან რომელიმე სხვა ქვეყანას. ჩვენ ამაზე ოფიციალურად და დიპლომატიური არხებით ვსაუბრობთ. და იმედი მაქვს, ადრე თუ გვიან გადავიყვანთ სააკაშვილს სამკურნალოდ“, - განაცხადა პოდოლიაკმა.უკრაინის პრეზიდენტმა ვოლოდიმირ ზელენსკიმ მიხეილ სააკაშვილზე განცხადება კიევში პრესკონფერენციაზე ერთი კვირის წინ გააკეთა. ზელენსკიმ თქვა, რომ საქართველოს მთავრობა სააკაშვილს „ნელა კლავს“. აღნიშნულს ქართული მხარე უარყოფს და აცხადებს, რომ ყოფილი პრეზიდენტი საჭირო სამედიცინო დახმარებას იღებს.

"იმ ყველაფრის შემდეგ, რაც საქართველოში გადამხდა, მომავალს, თუ ცოცხალი გადავრჩი, მხოლოდ უკრაინაში ვხედავ"

1674842891

ახლა რაც ჩემ თავს ხდება, ნათელი გზავნილია პრეზიდენტ ვოლოდიმირ ზელენსკისთვის. მან უარი თქვა რუსეთის შემოჭრის დასაწყისში ქვეყანა დაეტოვებინა, ისე როგორც მე ვთქვი უარი 2008 წელს, როცა პუტინის ჯარი საქართველოში შემოვიდა.თქვენ გულისხმობთ, რომ ზელენსკიმ თქვენ მაგალითზე უნდა გააცნობიეროს რა ემუქრება?დიახ, ჩვენ ქართველები მაშინ ჩვენი წარმატებული რეფორმებისთვის დავისაჯეთ. ისე როგორც დღეს ზელენსკი იხდის საფასურს ოლიგარქების წინააღმდეგ მიმართული პოლიტიკის გამო. პოლიტიკის, რომლის თანამონაწილეობის პატივი მეც მქონდა.თქვენ ათი წელია აღარ ხართ თანამდებობაზე და ამასობაში პრეზიდენტის მრჩეველი და გუბერნატორი იყავით უკრაინაში - იქაც ხელისუფლების არაკეთილგანწყობაში მოხვდით. ძაფებს დღეს საქართველოში კულისებიდან მოსკოვის მეგობარი ცნობილი მილიარდერი ბიძინა ივანიშვილი ამოძრავებს. რა ინტერესი უნდა ქონდეს საქართველოს მთავრობას, როგორც კრემლის გრძელ ხელს თქვენზე შურისძიების?საქართველოს მთავრობა რუსეთისთვის სასარგებლო იარაღია საერთაშორისო სანქციების გვერდის ავლის. სინამდვილეში ჩემი სამშობლო პუტინის ერთგული მოკავშირე გახდა.თქვენ საკუთარ თავს "პუტინის პირად პატიმარს" უწოდებთ. 2021 წელს თქვენ კონტეინერში დამალული ჩახვედით თქვენ სამშობლო საქართველოში, მიუხედავად თქვენი დაპატიმრების განჩინებისა და დაუყოვნებლივ დაგაპატიმრეს. ვერ შეაფასეთ სათანადოდ ვითარება?პრეზიდენტი პუტინი, მისი წინამორბედი დიმიტრი მედვედევი და საგარეო მინისტრი ლავროვი არა მხოლოდ ჩემი ფიზიკური განადგურებისკენ მოუწოდებენ. ისინი, განსაკუთრებით პუტინი მოითხოვდა ჩემ საქართველოში დაჭერას და გასამართლებას.არცერთი ქვეყანა რუსეთის გარდა, არ აღიარებს და ცნობს ჩემ ბრალეულობას და ჩემ მიმართ გამოტანილ განაჩენებს. მე მინდოდა საქართველოში დაბრუნება, მაგრამ ცუდი დრო დაემთხვა - ცოტა ხანში რუსეთმა ომი დაიწყო უკრაინასთან. არც ის არის გამორიცხული, რომ ვიღაც ადამიანები, ვინც ჩემ დაბრუნებას გეგმავდა 2021 წლის ოქტომბერში, რუსეთის შემოგზავნილი აგენტები იყვნენ.ხედავთ მსგავსებას რუსი რეჟიმის მოწინააღმდეგე ნავალნისთან?პუტინი ამბობს, რომ ნავალნი ჩემი რუსული ასლია. სიმართლე ისაა, რომ ორივეს გვძულს კორუფცია, რომლის გაშიშვლებაში ნავალნი შეუდარებლად ქმედითია.  გასარკვევია, იქნება თუ არა ნავალნი იმედია რუსეთის მომავალი მმართველის სახით, ისეთივე ეფექტური როგორიც მე ვიყავი საქართველოსთვის. კიდევ რა მსგავსებაა და საშინელი მოწამვლა, საშინელი გამოცდილება, რომელიც კიდევ უნდა გადავიტანოთ და ცოცხლები დავრჩეთ.რა მტკიცებულებები გაქვთ რომ მოგწამლეს?კლინიკის ექიმებს, სადაც მაისის მერე ვიმყოფები, ეს ეჭვი ჩემი შემოყვანისთანავე გაუჩნდათ. მოწამვლა განხორციელდა ამ ხელოვნების წესების ყველა დაცვით. ერთ-ერთი მსოფლიოში წამყვანი ნევროლოგმა, ლაჰანმა აიღო სინჯები და კალიფორნიის ლაბორატორიაში შეამოწმა. ამერიკელმა  ტოქსიკოლოგმა კი მძიმე მეტალების კვალი შეამოწმა. ჩვენ ეფ ბი აი-ს ჩართვაც გვინდოდა მეორე ტესტისთვის, მაგრამ საქართველოს მთავრობამ უარი თქვა.თქვენ ასევე ამტკიცებთ, რომ გაწამეს. რას ნიშნავს ეს უფრო ზუსტად?თქვენ რას დაარქმევდით, როცა მძიმედ დაავადებული პატიმარი პაციენტი ათასობით სახიფათო კრიმინალის გარემოცვაშია გამოკეტილი, რომლებიც დღე და ღამე ყვირიან და იმუქრებიან, რომ მოგკლავენ? მე რადიოს მთელ ხმაზე ჩართვა მიწევდა, რომ ნაწილობრივ მაინც გადამეფარა ეს ხმები.წამება არაა, როცა ჩემ მდგომარეობაში 200 წნევით თითქმის უგონოდ წევს ადამიანი და შუაღამეს ბადრაგს აგზავნიან მოსახრჩობად? ან როცა ციხის საავადმყოფოში გცემენ?ერთ-ერთი ვიდეო ასახავს, რომ თქვენ კლინიკის პერსონალის მიმართ აგრესიას გამოხატავთ და ნივთებს ყრით გარშემო.პერსონალს აქ ვუყვარვარ, ეს ტელევიზიითაც გაცხადდა. იმ დღეს რაც შეეხება, მოსამართლე და პროკურორები, ჩემ პალატაში აპირებდნენ პროცესის გამართვას მიუხედავად იმისა, რომ სიცხე, წნევა და ტვინის ანთება მქონდა. ამიტომ დავყარე წამლები რომლებიც მომცეს. მორალურად არასწორი იყო ამ ვიდეოთი იმის ჩვენება თითქოს საქციელშემცდარი ვარ.როგორ უყურებთ თქვენ ათწლიან მმართველობას ამ გადმოსახედიდან?2004 წელს საქართველო არშემდგარი სახელმწიფო იყო, უმოქმედო ინსტიტუტებით. ჩემი პრეზიდენტობის დროს მშპ გაოთხმაგდა, კორუფცია თითქმის გაქრა და ევროპული ინტეგრაციის გზას დავადექით. რა თქმა უნდა, სამწუხარო შემთხვევებიც იყო, როგორც გირგვლიანის შემთხვევა, რომელიც არაობიექტურად შუქდებოდა. დღეს ვნანობ, რომ შსს მინისტრი მაშინ არ გავათავისუფლე.თქვენ ბევრი ადვოკატი და ექსპერტი გიცავთ. როგორ ახერხებთ ამას ფინანსურად?დედაჩემმა მემკვიდრეობით მიღებული მიწა გაყიდა და მიუხედავად ამისა, ახლა ფული აღარ გვაქვს არც ადვოკატების და არც სხვა რამის. რა ვქნა ახლა ვიდარდო და ვუსაყვედურო საკუთარ თავს, რომ როგორც სხვა პოსტსაბჭოთა კლეპტოკრატ ლიდერს სხვადასხვა ანგარიშზე მილიონები არ მაქვს გადამალული? დედაჩემი ამასობაში ბინის გაყიდვასაც ფიქრობს. ჩვენ უსამართლო ბრძოლაში ვართ.როგორია თქვენი სამომავლო გეგმები?იმ ყველაფრის შემდეგ, რაც საქართველოში გადამხდა, მომავალს, თუ ცოცხალი გადავრჩი, მხოლოდ უკრაინაში ვხედავ. ამ ქვეყნის ისტორიაში უკვე ვითამაშე გარკვეული როლი და უზომოდ ბედნიერი ვიქნები ზელენსკისთან ერთად და მისი ხელმძღვანელობით ვიმუშაო. მას თავისუფალი სამყაროს ლიდერად აღვიქვამ. ძალიან სევდიანია იმის ყურება, როგორ იქცა საქართველო ამ ომში კრემლის მოკავშირედ.

"თვითაღიარებულ დარტანიანთან ნამდვილად არავინ აპირებს, არც ხმალაობას და მითუმეტეს, არც ომს"

1679408921

"მრავალი მოწოდების მიუხედავად, პოლიტიკური ინტერესების მქონე სუბიექტების მიერ არ წყდება პატიმარ სააკაშვილის ჯანმრთელობის საკითხის პოლიტიზირება და  დეზინფორმაციული კამპანიის წარმოება.გუშინ ბატონი გიორგი ჩალაძე გამობრძანდა და თქვა, რომ მე გავავრცელე “მოკლეფეხებიანი, ერთსაათიანი ტყუილი,” და თითქოს სამინისტროსგან მისთვის გაგზავნილი წერილიც კი მამხელდა სიცრუეში.სინამდვილეში კი საქმის არსი შემდეგია:გუშინ, მთავრობის სხდომის დასრულების შემდეგ, ჟურნალისტებთან ვთქვი, რომ 13:00 საათის მდგომარეობით იუსტიიციის სამინისტროში, არც უშუალოდ  მსჯავრდებულის და არც მისი ოჯახის წევრების მხრიდან იყო შემოსული განცხადება მიხეილ სააკაშვილთან პოლონელი ექიმების შეშვებასთან დაკავშირებით.მოგვიანებით გამართულ პრესკონფერენციაზე ბატონმა საშუალო სტატისტიკურმა მიუნჰაუზენმა ცილისმწამებლური განცხადებით დამაბრალა ტყუილის გავრცელება. “მტკიცებულებად” ხელთ ეპყრა ელექტრონული ფოსტის ამონაბეჭდი, რაც მხოლოდ მისივე სიცრუის დამადასტურებული საბუთი აღმოჩნდა. სწორედ ამ ქაღალდზე ნათლად ჩანს, რომ იუსტიციის სამინისტრომ ქალბატონ თამარ ავალიანს, 14:31-ზე დაუბრუნა პასუხი იმის თაობაზე, რომ ქალბატონი გიული ალასანიას განცხადება მიღებულია და მინიჭებული აქვს შესაბამისი ნომერი.( იხილეთ ფოტო N 1) ნიშანდობლივია ის გარემოებაც, რომ ქალბატონი გიულის წერილი, ქალბატონი თამარ ავდალიანის მეილის მეშვეობით სამინისტროში შემოვიდა 13:14 წუთზე (იხილეთ ფოტო N 2).შესაბამისად ჩემი ნათქვამი არის სიმართლე, ხოლო ბატონი არამკითხე მოამბისა კი დადასტურებული ტყუილი.ბატონი ტყუილის გამავრცელებელი ასევე ამბობს, რომ თითქოს სააკაშვილთან უცხოელი ექიმების შეშვებას დავთანხმდით დემარშის შედეგად, რაც ასევე არის ტყუილი.მსჯავრდებულ სააკაშვილს, საქართველოში მკურნალობაში ჩართვის მიზნით, ნებისმიერი უცხოელი ექიმის ჩამოყვანა, ნებისმიერი უცხოური კლინიკიდან შევთავაზეთ ჯერ კიდევ გასული წლის 29 ნოემბერს და ამის დამადასტურებელი მტკიცებულებებიც უხვად მოიძებნება ინტერნეტში.საინტერესოა ბატონმა დეზინფორმატორმა ასეთი, მხოლოდ ჭორაობაზე დაფუძნებული, ტყუილები შეგნებულად თქვა, თუ უბრალოდ შემოეტყუილა.დეზინფორმატორთა გილდიის ახალწვეულმა რაინდმა ასევე ბრძანა, რომ ფურცლებით ხმალაობა არ გვინდა და საქმეს მივხედოთო.  თვითაღიარებულ დარტანიანთან ნამდვილად არავინ აპირებს, არც ხმალაობას და მითუმეტეს, არც ომს. პირიქით მოვუწოდებთ სიმშვიდისა და სიმართლისკენ.აღნიშნულ საქმეზე საზოგადოების სწორი ინფორმირების მიზნით კი ვიტყვი, რომ პატიმრის ოჯახის წევრს უკვე გაეცა პასუხი და ასევე შედგა ზეპირი კომუნიკაცია წარმოდგენილ განცხადებაში არსებული გამოსასწორებელი ხარვეზების შესახებ ინფორმირების მიზნით.სხვა პირებს კი მოვუწოდებთ დეზინფორმაციის გავრცელების დაუყოვნებლივ შეწყვეტისკენ", - წერს ბრეგაძე.

"წესიერად ისიც ვერ გავარკვიე, ჩემი სახელით და ყალბი ექაუნთით, ვიღაცას მიწერეს და ეს ვიღაცა პანიკაში ჩავარდა"

1679387469

"ბევრი რომ არ ვწერო, რამდენიმე სიტყვაზე გავამახვილებ თქვენს ყურადღებას:1. “ბიჭო”2. “გაძუყვნა”3. “ჩაი*ვი”4. “მიწიდან ამოგთხრი”5. “ კეთილები”და ბოლოს ყველაზე მაგარი, “ვირთხავ”. ამან დაგლიჯა. ეს სიტყვები ჩემს ლექსიკონში არ არის. ყოველ დღე კითხულობთ ჩემს პოსტებს და შეგეძლოთ უფრო ხარისხიანი ფეიკი შეგექმნა. ან როდის იყო მესინჯერში ვინმესთვის რამე მიმიწერია, გამორთული მაქვს, იდიოტებო. ტექსტიც ან ქალის დაწერილია, ან გეის.გავატარებდი ამ სიგიჟეს, მაგრამ, ნაცების შავი წარსული რომ ვიცი და მათი უფრო ბნელი მომავალი, პრევენციის მიზნით დავაფიქსირებ! ნეკროლოგი მერაბიშვილი გყავთ ლიდერად, აქციაზეც არასრულწლოვნების სისხლი გინდოდათ! ახლა ახალი მოიფიქრეთ? ნაცებო, ფაშისტო ლიბერალებო, ესენი ჩვენი სახელით დაგემუქრებიან, შეიძლება მუქარაც აღასრულონ ჩვენ რომ დაგვბრალდეს, ხოდა ფრთხილად იყავით! ჩვენ არც მსგავსი რამის გამფიქრებლები ვართ, არც ასე ადვილად არ დავიბრალებთ და დაზარალებულები თქვენ დარჩებით, მითუმეტეს ისინი, რომლებსაც ასეთი ბინძური ფეიკებისთვის გამოგიყენებენ“, - განაცხადა სამხარაძემ.  

"ყველას, ვინც მოთმინებით ვისხედით მდინარის პირას, მოლოდინით დაღლილებს პირდაპირ პუტინის გვამი ჩამოგვიცურა"

1679336222

"ვის რა უთხრა ჰააგის სასამართლომუპირველესი გზავნილი ისტორიულია: საბჭოთა კავშირის დაშლის შემდეგ, არა მგონია, ასეთი მნიშვნელობის რამე მომხდარიყოს. ცხადია, რომ რუსეთის დაშლა ურალს გამოღმა მოსკოვიად და ურალის მიმდებარედ და ურალს გაღმა ახალ სახელმწიფოებად, მხოლოდ დროის საკითხად იქცა. კიდევ უფრო მოკლე ხანში რუსეთის ატომური იარაღისგან თავისუფალ ზონად გამოცხადებას უნდა ველოდოთ;ყველას, განსაკუთრებით კი საერთაშორისო პოლიტიკის ინდივიდუალურ თუ ორგანიზაციულ აქტორებს უთხრა, რომ დასრულდა გეოპოლიტიკური სტაბილურობის ინტერესებით ბალანსირების დეჰუმანიზებული პოლიტიკის ერა და დაიწყო უნივერსალური ლიბერალურ-დემოკრატიული წესრიგის ჰუმანოცენტრული ერა. ასეთია სამყაროს სულისკვეთება (Weltgeist) და დროის ეთოსი, რაც ამ გადაწყვეტილებით საბოლოოდ გამოკრისტალდა;ყველას, განსაკუთრებით კი სხვა საერთაშორისო სასამართლო ფორუმებს, უთხრა, რომ სამართალი ურმით კი არ დადის ზიგზაგებით, არამედ სიმართლის და სამართლიანობის უმოკლესი სწორხაზოვანი მარშრუტით ზებგერითი თვითმფრინავით დაფრინავს;ყველას, განსაკუთრებით კი ყველა სხვა დიდ თუ მცირე დიქტატორს, უთხრა, რომ ამორალური მაქსიმა "გამარჯვებულებს არ ასამართლებენ", იმის გამოც არ იმუშავებს, რომ გასამართლებულები ვერ იმარჯვებენ. პროაქტიულად აღიკვეთება განზრახვაც კი და აღარ დაელოდებიან შედეგებს;სი ძინპინს, პუტინთან შეხვედრის წინ, მკაცრად და მკაფიოდ შეახსენა, რომ ჩინეთის მიერ უიღურების მასობრივ აყრას და გადასახლებას და მათ საკონცენტრაციო ბანაკებში გამომწყვდევას მსოფლიო კარგად ხედავს;საქართველოს ხელისუფლებას, ამ გზავნილების გარდა, ისიც უთხრეს, რომ აფხაზეთსა და სამაჩაბლოში 1992-2008 წლების ეთნიკური წმენდის შესახებ სარჩელის პროცედურული ფაზა დაუყოვნებლივ ამოწუროს და შეიტანოს ჰააგის მეორე (ICJ) სასამართლოში, რომლის მიერ ეთნიკური წმენდის აღიარება, ყველაფერ სხვასთან ერთად, საერთაშორისო სისხლის სამართლის სასამართლოს ახალი გამოძიების საფუძველი იქნება;პერსონალურად მიშა სააკაშვილს უთხრა, რომ ვის და რითი ჩამოკიდებენ, ერთად შევხედოთ ახლაო;და ბოლოს, ყველას, ვინც მოთმინებით ვისხედით მდინარის პირას, არაფერიც არ გვითხრა - მოლოდინით დაღლილებს პირდაპირ პუტინის გვამი ჩამოგვიცურა.მადლობა ამისთვის სასამართლის, მადლობა ამისთვის პრეზიდენტ ზელენსკის და უკრაინელ ხალხს! თქვენი ნიკა, 212-ე საკნიდან", - წერს გვარამია.

"ძალიან გვჭირდება სისტემის შინაარსიანი რეფორმა და არა "პოტიომკინის სოფლის” შენება, რაც მიხეილ ჩხენკელის ძლიერი მხარე აღმოჩნდა..."

1679312942

"წასულებზე ან კარგი უნდა ილაპარაკო ან არაფერი, ასე გამზარდეს, მაგრამ დღეს დავარღვევ ტრადიციას:ერთი ჩემი ჭკვიანი მეგობარი ამბობს ხოლმე: კარგი იქნებოდა განათლების მინისტრებს რეტროაქტიურად ვთხოვდეთ პასუხს ჩადენილ დანაშაულებზე და უმოქმედობაზე, რომელიც ხშირად დანაშაულის ტოლფასიაო. მართლაც კარგი იქნებოდა, რადგან მათი ქმედების (თუ უმოქმედობის) მძიმე შედეგს ჩვენ წლების შემდეგ ვიმკით... ახლა რომ PISA-ში  გვექნება გაუარესებული შედეგები, ვინ უნდა აგოს პასუხი?დღემდე რატომ არ გვაქვს მრავალჯერ დაპირებული უმაღლესი განათლების დაფინანსების ახალი წესი?რატომ გააჩერა მიხეილ ჩხენკელმა წინა წლებში ამოქმედებული საჭირო პროგრამა - ხანდაზმული მასწავლებლების სისტემიდან ღირსეულად გაცილების სქემა, რომლის წყალობით სკოლებში ახალი პედაგოგები უნდა შესულიყვნენ... (ამ პროცესის გარეშე, ტყუილია ზოგადი განათლების ხარისხზე საუბარიც კი).აღარაფერს ვამბობ მეცნიერებისთვის გამოყოფილ სასაცილო დაფინანსებაზე და მეცნიერის მიზერულ ხელფასებზე, პროფესიული განათლების კვლავ შელახულ რეპუტაციაზე, ზოგად განათლებაში არსებულ მასშტაბურ ხარვეზებზე და სკოლებში აყვავებულ ბულინგსა და ძალადობაზე. ასევე  სხვა მრავალ დაგროვილ  გადაუჭრელ პრობლემაზე, მათ შორის, სტატუს შეჩერებულ სტუდენტებზე, ე.წ. უფასო სპეციალობებზე, სკოლების ინტერნეტიზაციის შეჩერებულ პროცესზე... ნეტა სად არის განათლებისთვის დაპირებული მშპ-ს ის 6%, რომელსაც მანტრასავით იმეორებდა ერთ-ერთი პრემიერი და მასთან ერთად მიხეილ ჩხენკელი...ერთი სიტყვით, იმდენად არაფერი გაკეთდა, რომ ჩამოსათვლელიც არაფერია, თუმცა გამახსენდა: ერთი, რაც გააკეთა ჩხენკელმა ის იყო, რომ ბევრს აქებდა ქუთაისის საერთაშორისო უნივერსიტეტს (KIU). დაუფასდა კიდეც... თუმცა, KIU-ში გამორჩეული პროფესიონალების გუნდი მუშაობს და ძალიან სამწუხარო იქნება თუ ჩხენკელი იქაც შეიტანს თავისთვის ჩვეულ ისტერიულ დისონანსს.მთელი გულით ვუსურვებ ახალ მინისტრს წარმატებას, ძალიან გვჭირდება სისტემის შინაარსიანი რეფორმა და არა “პოტიომკინის სოფლის” შენება, რაც მიხეილ ჩხენკელის ძლიერი მხარე აღმოჩნდა...P.S. ოპოზიციის კომენტარები მოვისმინე, თითქოს საკადრო ცვლილების მიზეზი სტუდენტების წინააღმდეგ რეპრესიების სურვილიაო. გთხოვთ, მავნებლობების ამ ჩამონათვალს მხოლოდ ერთ და სრულიად დაუზუსტებელ ბრალდებაზე ნუ დაიყვანთ... კარგი იქნებოდა პოპულიზმის ნაცვლად, ერთხელ მაინც ჩაგეხედათ შინაარსში და გაგერკვიათ რა ხდებოდა ბოლო წლები განათლების სისტემაში, თუმცა ეს ხომ თქვენს მთავარ ხაზს - ზედაპირულობას სცდება და ამას როგორ იკადრებდით...მმართველ გუნდს კი მინდა ვთხოვო, ნუ შეიწუხებენ თავს ჩხენკელისთვის მადლობის გადახდით. ამ ქვეყანაში არიან ადამიანები, ვისაც ესმით განათლების პოლიტიკა და იციან განათლების სისტემა... მათ თვალში ეს მადლობები ძალიან სასაცილოდ ჩანს", - წერს ასათიანი.

"ვიცით, ვის რის ფასად უჯდება პატივისა და ღირსების შელახვის დათმენა?! უფლის წყალობით, მე ვუძლებ; აი, დათო ტურაშვილი კი სამწუხაროდ, საავადმყოფოში მოხვდა!"

1679310654

"ერთგვარი დალოცვის ფორმა შეიძინა სიტყვებმა, - "გაძლება მოგცეს ღმერთმა"! ახლობლები, ნაცნობები, უცხო ადამიანები ამ სიტყვებს ხშირად მეუბნებიან.არაა იოლი გასაძლები! ვიცით, ვის რის ფასად უჯდება პატივისა და ღირსების შელახვის დათმენა?! უფლის წყალობით, მე ვუძლებ; აი, დათო ტურაშვილი კი სამწუხაროდ, საავადმყოფოში მოხვდა! მინდა ჯანმრთელობა ვუსურვო მას და ასევე ვისურვო, რომ ჩვენი საზოგადოება  მეტად დაუფიქრდეს მის ნათქვამს, რომ სიტყვებიც შეიძლება მკვლელობის იარაღად იქცეს!ახლა კონკრეტულს არაფერს შევახსენებ ტელევიზიებს, რომლებსაც არაერთხელ ანალოგიური რამ გაუკეთებიათ და მათ შორის ჩემს მიმართაც, ინტერნეტსივრცე კი, ისეთი რეალობაა, რომ, თუ იქ ერთხელ რამე მოხვდა, მუდმივად რჩება და მუდმივად შეგვახსენებს ამას.ამ ტელევიზიების საყურადღებოდ მინდა ვთქვა: კარგია, დათო ტურაშვილს რომ ექომაგებით, მართლაც დაინახეთ, რომ მკვლელობის, სამშობლოს ღალატისა და სხვა ცილისწამებათა დაბრალება ცუდი საქციელია?! იმედი ვიქონიოთ, რომ ხვალიდან ამგვარ უღირს საქციელს თავადაც მოერიდებით? ან შენდობას ითხოვთ უკვე ჩადენილზე? ან ამ პოსტს მშვიდად და გაცნობიერებულად მიიღებთ?", - წერს ჯაღმაიძე.