ექსკლუზივი

პოლიტიკა

ბიზნესი და ეკონომიკა

"საქართველოს ბანკისა" და UNDP-ის მეწარმე ქალთა განვითარების პროგრამაზე მიღება დაიწყო

1708597896

პროგრამა ქალ ლიდერებს, რომლებიც მცირე და საშუალო ზომის ბიზნესებსა და საწარმოებს წარმოადგენენ, 360°-იან მხარდაჭერას სთავაზობს. იგი ოთხ ღირებულებას - ცოდნას, მხარდაჭერას, გამოცდილებასა და თანამშრომლობას ემყარება. პროგრამა ინტენსიურ საინფორმაციო-საგანმანათლებლო შეხვედრებს, ონლაინ კურსებს, მენტორობას მოიცავს და დამწყებ თუ გამოცდილ მეწარმეებს ბიზნესის გაძლიერებაში ეხმარება. პროგრამის საინფორმაციო-საგანმანათლებლო შეხვედრების პარტნიორია EFSE Entrepreneurship Academy.ბიზნესის წარმოების საფუძვლები, გაყიდვები, ციფრული მარკეტინგი, ადამიანის უფლებები, ლიდერობა, გუნდის მართვა, ფინანსები, ბიზნესის დაგეგმვა და კომუნიკაციები - ეს ის საკითხებია, რომლებზეც პროგრამის მონაწილეებს გამოცდილი მენტორები გაესაუბრებიან.პროგრამის ნაწილია პროფესიული კავშირების დამყარება და ქსელის გაფართოება, რაც მეწარმეების გაძლიერებისთვის განსაკუთრებით პრიორიტეტულია. ამასთან, მონაწილეებს აქვთ უნიკალური შესაძლებლობა, საკუთარი ბიზნესის გამოწვევები მენტორებთან ინდივიდუალურ კონსულტაციაზე განიხილონ და გადაჭრის გზებზერჩევა მიიღონ. მას შემდეგ, რაც 200 მეწარმე ქალი თეორიულ გადამზადებას გაივლის, გაეროს განვითარების პროგრამა, პროექტის ფარგლებში, მათთვის საგრანტო კონკურსს გამოაცხადებს.მეწარმე ქალთა განვითარების პროგრამაში მონაწილეობა დამწყებ ან გამოცდილ ქალ მეწარმეებს, საქართველოს ნებისმიერი კუთხიდან და ნებისმიერი სფეროდან შეუძლიათ; მათ, ვისაც აქვთ მზაობა და სურვილი, პროგრამას დაუთმონ დრო."საქართველოს ბანკი ბიზნესის მხარდაჭერაზე ორიენტირებული ფინანსური ინსტიტუტია, რომლისთვისაც პრიორიტეტულია ქალი მეწარმეების გაძლიერება. ჩვენ მუდმივად ვიკვლევთ მცირე და საშუალო ბიზნესის საჭიროებებს და ვცდილობთ, ფინანსური თუ არაფინანსური პროდუქტებით დავაკმაყოფილოთ ეს საჭიროებები. მოხარული ვართ, რომ გვაქვს შესაძლებლობა, UNDP-სა და შვედეთის მთავრობასთან ერთად, მივიღოთ მეწარმე ქალთა გაძლიერების პროგრამის მორიგი ნაკადი, გავუზიაროთ მათ ღირებული ინფორმაცია და მივცეთ დამატებითი შესაძლებლობები, რათა საკუთარი საქმიანობა ახალ ეტაპზე გადაიყვანონ“, - ამბობს რუსუდან ბარათაშვილი.პროგრამაში განაცხადის მიღება 1 მარტს სრულდება. რეგისტრაციისთვის ესტუმრეთ საქართველოს ბანკის ვებგვერდს.

თიბისის მხარდაჭერით, AD BLACK SEA-ს გუნდი Tbilisi Design Festival 2024-ს გამართავს

1708597120

თიბისი და AD BLACK SEA ფესტივალის დაარსებიდან, 2015 წლიდან პარტნიორები არიან. თიბისისთვის, შემოქმედებითი ინდუსტრიის მხარდაჭერა და მისი განვითარება ერთ-ერთი მნიშვნელოვანი მიმართულებაა. ღონისძიების თბილისში ჩატარება AD BLACK SEA-ს შემოქმედებითი პლატფორმის ზრდასა და დიზაინის მიმართულების განვითარებაში მნიშვნელოვან წვლილს შეიტანს.პროგრამა მოიცავს სხვადასხვა ლექცია-სემინარს, პანელურ დისკუსიასა და ვორკშოპს, რომლებსაც სფეროს წამყვანი ადგილობრივი და უცხოელი დიზაინერები და ილუსტრატორები გაუძღვებიან. ღონისძიების ფარგლებში სტუმრები გაეცნობიან ინდუსტრიაში არსებულ ტენდენციებს და საშუალება ექნებათ დაესწრონ მსოფლიოში სფეროს წამყვანი სპეციალისტების სემინარებს. ფესტივალის საპატიო სტუმარი იქნება ავსტრიელი დიზაინერი სტეფან საგმაისტერი, რომელსაც კარიერის განმავლობაში უმუშავია ისეთ ცნობილ პროექტებზე, როგორებიცაა - როლინგ სტოუნსის ალბომის ქავერი, HBO, გუგენჰაიმის მუზეუმი და სხვები.თანამედროვე სამყაროში, დიზაინი არამხოლოდ შემოქმედებით ინდუსტრიაში, არამედ ყოველდღიურ ცხოვრებაში გვხვდება. თიბისისთვის მნიშვნელოვანია ხელი შეუწყოს საქართველოში დიზაინ ინდუსტრიის განვითარებას, მის გამრავალფეროვნებას და სფეროს საერთაშორისო და ადგილობრივი პროფესიონალების გამოცდილების ახალი თაობისთვის გაზიარებას. 

ავიაკომპანია Jazeera Airways საქართველოში ახალ მიმართულებას ამატებს

1708586877

ავიაკომპანიის მიერ საქართველოს სამოქალაქო ავიაციის სააგენტოში წარმოდგენილი განაცხადის მიხედვით, ფრენები ელ ქუვეითსა და ბათუმს შორის 2024 წლის 14 ივნისიდან, 16 სექტემბრამდე, კვირაში 7 სიხშირით შესრულდება. რეგულარული საჰაერო მიმოსვლის განხორციელების ნებართვა Jazeera Airways-ს სააგენტომ 2024 წლის 20 თებერვალს მიანიჭა.ელ ქუვეითი - ბათუმი - ელ ქუვეითის მიმართულება ახალია ავიაკომპანიისთვის. ამ ეტაპისთვის, „Jazeera Airways“ რეგულარულ რეისებს ელ ქუვეითი - თბილისი - ელ ქუვეითის საჰაერო ხაზზე ახორციელებს. 

"საქართველოს ბანკი" ბიზნეს მომხმარებლებისთვის Ads მენეჯერის ვებინარს გამართავს

1708512803

ვებინარის მონაწილეებს შესაძლებლობა ექნებათ გაიგონ თუ როგორ შექმნან ფასდაკლების, ქეშბექის ან, თუნდაც, PLUS ქულის შეთავაზება 1,400 000-ზე მეტი აქტიური მომხმარებლისთვის Ads მენეჯერის დახმარებით  - მობილბანკში, sCoolApp-სა და Offers.bog.ge-ზე და გაზარდონ ბიზნესის გაყიდვები. ამასთანავე, ისინი მიიღებენ ინფორმაციას ციფრული სასაჩუქრე ბარათების შესახებ, რომელიც ბიზნესებს საშუალებას აძლევს საკუთარი პროდუქტი თუ სერვისი საუკეთესო საჩუქრად აქციონ.ვებინარი გაიმართება ონლაინ, ზუმის მეშვეობით. შეხვედრაზე დასასწრებად აუცილებელია გაიაროთ რეგისტრაცია."ჩვენთვის მნიშვნელოვანია ბიზნეს მომხმარებლებს შევთავაზოთ ისეთი ინოვაციური პროდუქტები, რომელიც ხელს შეუწყობს მათი ბიზნესის ზრდას და განვითარებას. შეთავაზების მართვის ახალი პლატფორმა - Ads მენეჯერი საქართველოს ბანკის ახალი პროდუქტია, რომელიც რამდენიმე თვის წინ შევთავაზეთ ჩვენს მომხმარებლებს და  ის ბიზნესებს მონაცემებზე დაფუძნებით გადაწყვეტილებების მიღების საშუალებას აძლევს. Ads მენეჯერის და სასაჩუქრე ბარათების გამოყენება ახლა განსაკუთრებით აქტუალურია, რადგან გაზაფხულის დღესასწაულები ახლოვდება და კიდევ უფრო მეტი ადამიანი ელოდება მათთვის საინტერესო შეთავაზებებს. ვებინარზე ვისაუბრებთ Ads მენეჯერის ყველა იმ შესაძლებლობაზე, რაც ბიზნეს მომხმარებლებისთვის 1 სივრცეში არის ხელმისაწვდომი, როგორ უნდა გამოიყენონ ის. ეს კიდევ ერთი კარგი ინსტრუმენტია მათთვის, ვინც საკუთარი ბიზნესისთვის ახალ შესაძლებლობებს ეძებს“, - განაცხადა გიორგი კინწურაშვილმა, საქართველოს ბანკის ციფრული საბანკო ეკო სისტემის სამსახურის უფროსმა.ვებინარზე რეგისტრაციისთვის ეწვიეთ ბმულს.

ომი უკრაინაში

საზოგადოება

ყველა სიახლე
"ზოგიერთი პოლიტიკოსი მიხეილ სააკაშვილს მოდერნიზაციის სიმბოლოს უწოდებს, ამაზე ანტიდასავლური კამპანია ვერ წარმომიდგენია"

1708696157

"ჩემთვის უფრო ანტიდასავლური, ანტიევროპული არაფერია, ვიდრე ის სიცრუე, დეზინფორმაცია და „ნაცების“ მმართველობის, უკაცრავად ჟარგონისთვის, „გაპრავება“ და  თუნდაც მათი დღევანდელი საბოტაჟი, ვიდრე თავად ეს კამპანია. როგორ შეიძლება დასავლური კამპანიის ფარგლებში ჯდებოდეს ის ნარატივი, რომ ამ ქვეყანაში დასავლეთის წარმომადგენლები შეიძლება იყვნენ "ნაცმოძრაობა“ და მისი სხვადასხვა განშტოებები, ამაზე ანტიდასავლური ვერაფერი წარმომიდგენია“, - განაცხადა მამუკა მდინარაძემ.

"წავიდა ჩემი თაობის კიდევ ერთი - დიდი ბუნების პიროვნება, მე მას შორიდან ტკივილით ვემშვიდობები"

1708690781

"გარდაიცვალა ვიკა სირაძე.ძლიერი ქალი, რომელმაც შეძლო და იმ ურთულეს წლებში მთელი თავისი ცხოვრება ქვეყნის სამსახურს მოახმარა.ქალი, ახალგაზრდობიდან ბოლო წუთამდე დამოუკიდებლობის და გამძლეობის სიმბოლო.რომელმაც ღირსეულად გაუძლო ბედისწერის ყველა ქარტეხილს.ჩემთვის - ძალიან ახლობელი ადამიანი. ჩემი შვილიშვილის ბებია.წავიდა ჩემი თაობის კიდევ ერთი - დიდი ბუნების პიროვნება.მე მას შორიდან ტკივილით ვემშვიდობები", - წერს ღოღობერიძე.საქართველოს მინისტრთა საბჭოს თავმჯდომარის ყოფილი მოადგილე, სსრკ-ის უმაღლესი საბჭოს მეექვსე მოწვევის დეპუტატი ვიქტორია სირაძე 94 წლის ასაკში გარდაიცვალა. 

"მან, როგორც ფირმის კლიენტმა მიიღო ეს გადაწყვეტილება ცალმხრივად და ჩვენ რაღა დაგვრჩენია, რომ არა გაგებით მოვკიდებულიყავით"

1708689458

ყიფიანმა ბიძინა ივანიშვილისა და მისი თანამშრომლობის შეწყვეტის მიზეზებზე ისაუბრა და განაცხადა, რომ ის პატივს სცემს ივანიშვილის ცალმხრივი წესით მიღებულ გადაწყვეტილებას. "არის ასეთი გამოთქმა "კლიენტი ყოველთვის მართალია", რასაც მე არ ვეთანხმები. მან [ბიძინა ივანიშვილმა], როგორც ფირმის კლიენტმა მიიღო ეს გადაწყვეტილება ცალმხრივად და ჩვენ რაღა დაგვრჩენია, რომ არა გაგებით მოვკიდებულიყავით და პატივი გვეცა ამ გადაწყვეტილებისთვის", - განაცხადა ვიქტორ ყიფიანმა. მან ბიძინა ივანიშვილის პოლიტიკაში დაბრუნებაზეც ისაუბრა და განაცხადა, რომ მისი ჩართულობა ქართულ პროცესში უფრო ინსტიტუციური გახდა. "როდესაც ჩვენ ვსაუბრობთ ქვეყნის მართვაში ინსტიტუციურ გამართვაზე, მისი [ბიძინა ივანიშვილის] ამ დაბრუნებით, შეიკვეცა ბრალდებები ქვეყნის მიმართ არაფორმალური მმართველობის მხრივ და ასე შემდეგ. მისი ჩართულობა ქართულ  პროცესში უფრო ინსტიტუციური გახდა", - განაცხადა ვიქტორ ყიფიანმა.

"გაირკვა, რომ ეს ყველაფერი იყო სპეკულაციები, ცარიელი ტყუილი და დღეს ვხედავთ, რომ წონის პრობლემაც აღარ აქვს და აპირებს, აქტიურად ჩაერთოს პოლიტიკურ პროცესებში"

1708688925

მისი თქმით, განახლებული კამპანია, რაც წამოიწყო დღეს ოპოზიციამ, არის ყოველგვარ საფუძველს მოკლებული."რაც შეეხება მიხეილ სააკაშვილის საკითხს, ორი წელი ჩვენ გვახსოვს, წარიმართებოდა სპეკულაციური კამპანია, თითქოს მიხეილ სააკაშვილის ჯანმრთელობის მდგომარეობა იყო მძიმე, იყო ფატალური შედეგის დადგომის რისკი, ყოველდღიურ რეჟიმში წარიმართებოდა ეს კამპანია. საბოლოო ჯამში, გაირკვა, რომ ეს ყველაფერი იყო სპეკულაციები, ცარიელი ტყუილი და დღეს ვხედავთ, რომ მან განაახლა მაღალი კალორაჟის საკვების მიღება, შესაბამისად, წონის პრობლემაც აღარ აქვს და გამოაცხადა იმის თაობაზე, რომ აპირებს, აქტიურად ჩაერთოს პოლიტიკურ პროცესებში. აქედან გამომდინარე, განახლებული კამპანია, რაც წამოიწყო დღეს ოპოზიციამ, არის ყოველგვარ საფუძველს მოკლებული. ყველანაირი საფუძველი გამოეცალა ოპოზიციას, თვითონ გააკეთეს ეს ყველაფერი, ორი წელი ისე  წარმართეს ეს ყალბი კამპანია, რომ საბოლოო ჯამში, დღეს ახალი კამპანიის წამოწყების და კამპანიების განახლების რესურსი აღარ დაიტოვეს“, - განაცხადა კობახიძემ.

"კარგია ნამდვილად, მაგრამ წინასაარჩევნოდ, როდესაც ასეთი რაღაც-რაღაცები კეთდება, ამას სხვა შეფასება შეიძლება მიეცეს"

1708688432

მისი თქმით, ხელისუფლება მოქალაქეების ინტერესებს წინასაარჩევნოდ იყენებს. "ნამდვილად კარგია, როდესაც პენსიონერებს, იმ ადამიანებს, რომელთა პრობლემებიც ძალიან ბევრმა აქ მყოფმა ადამიანმა არ იცის, პატარა შვება ექნებათ, მაგრამ თუ აქამდე შეიძლებოდა ამის გაკეთება, აქამდე რატომ არ გაკეთდა? ძალიან დიდი ხანია, ეს პრობლემა არის, რომელიც ყველას აწუხებს. წარმოუდგენელია ადამიანების ძალიან მძიმე მდგომარეობაში მიტოვება და სახელმწიფოს არაფერი არ გაეკეთებინოს. ქალბატონო ნათია, თქვენ კი ამბობთ, რომ ეს კარგია. კარგია ნამდვილად, მაგრამ წინასაარჩევნოდ, როდესაც ასეთი რაღაც-რაღაცები კეთდება, ამას სხვა შეფასება შეიძლება მიეცეს. ასეულობით მილიონი ლარი არის "ლიბერთი ბანკში“ პენსიონერებისგან გადახდილი, ზემოდან უმატებთ კიდევ 15 მლნ ლარს ბიუჯეტიდან არ აძლევთ ბატონ რუხაძეს ამ ფულს? აბა, საიდან ვაძლევთ", - განაცხადა ხატია დეკანოიძემ.150 000-ზე მეტ პენსიონერს სესხის პროცენტი შეუმცირდება. ეს გადაწყვეტილება მთავრობის ადმინისტრაციაში გამართულ შეხვედრაზე მიიღეს, სადაც პრემიერ-მინისტრი ირაკლი კობახიძე ეროვნული ბანკის პრეზიდენტის მოვალეობის შემსრულებელს ნათია თურნავას და "ლიბერთი ბანკის“ გენერალურ დირექტორს ბექა გოგიჩაიშვილს შეხვდა. ამ გადაწყვეტილებით, 150 000-ზე მეტ პენსიონერს, რომლებმაც სესხი აიღეს 2023 წლამდე,  სესხის პროცენტი შეუმცირდებათ და გაუტოლდება იმ პროცენტს, რომელიც დაწესებულია 2023 წლიდან.

ირაკლი კობახიძე - სამთავრობო ცვლილებები არ იგეგმება

1708688096

"არანაირი სამთავრობო ცვლილებები არ იქნება. ილია დარჩიაშვილი იყო წარმოდგენილი დელეგაციაში და ძალიან კარგად წარმოადგინა საქართველოს ინტერესები ვიზიტის ფარგლებში. მინდა, მას კიდევ ერთხელ მადლობა გადავუხადო.არავითარი ცვლილებები მთავრობაში არ იგეგმება, გეგმაში ასეთი რამ არ არის. ერთ, ორ, სამ წელიწადში ასეთი რამ თუ მოხდება, ეს მარტო ჩვენზე არ არის დამოკიდებული.სამთავრობო ცვლილებებთან დაკავშირებით არავითარი კონსულტაციები არ წარმოებს, ამას სრული პასუხისმგებლობით ვამბობ. ეს არის, რაც ძალიან მკაფიოდ შემიძლია გითხრათ“, – განაცხადა ირაკლი კობახიძემ.