სოციალური მედია
"დიდი მებრძოლი დავკარგეთ და დიდი ბრძოლა გვაქვს მისი სახელით გასაგრძელებელი"

1711269121

"თენგო იბრძოდა აფხაზეთში და იბრძოდა აზოვში, ახლაც ავდეევკაში ისეთ სიღრმეში იყო შესული, არავინ იცის გამოიყვანენ თუ ვერა; იბრძოდა საქართველოსთვის, იბრძოდა თავისუფლებისთვის.ვიზიარებ მისი ოჯახის, მისი ტყუპისცალი ძმის და მთელი საქართველოს მწუხარებას, დიდი მებრძოლი დავკარგეთ და დიდი ბრძოლა გვაქვს მისი სახელით გასაგრძელებელი", - წერს მელია. 

"ჩემი ყველაზე სიმპათიური ძმა დათო გარდაცვლილი იპოვეს მანქანაში, მაპატიე, რომ დობა საერთოდ ვერ გაგიწიე"

1711211742

"დღეს ჩემი ყველაზე სიმპათიური ძმა დათო გარდაცვლილი იპოვეს მანქანაში, ამერიკაში. ამაზე დიდი უბედურება, ამაზე დიდი ტკივილი რა შეიძლება ადამიანმა იგრძნოს, არ ვიცი... თითქოს, ჩემი გულის ნაწილიც გაჰყვა მას, ასე ვგრძნობ. ჩემს თავს ვერ ვპატიობ იმ ფაქტს, რომ ახლო ურთიერთობა არ მქონდა მასთან, განსაკუთრებით ბოლო პერიოდში, მაგრამ ისე მიყვარდა ყოველთვის, ბავშვობიდან, როგორც გულის ნაწილი, ძალიან მწყდება გული და ძალიან განვიცდი იმას, რომ ფაქტობრივად, დაკარგული მქონდა მასთან ურთიერთობა, რატომ, მე თვითონაც ვერ ვხვდები...ეს ტანჯვა გამყვება ცხოვრების ბოლომდე და ეს გულის ტკივილი, რასაც დღეს ვგრძნობ, არ გამინელდება არასდროს! დათო, შენ ძალიან კარგი ძმა იყავი, კარგი მეგობარი, კარგი შვილი, კარგი მეუღლე, კარგი მამა და შენი ქვეყნის დიდი პატრიოტი! მადლობა ამისთვის, მოგვენატრები ყველას და მაპატიე, გთხოვ, მაპატიე, რომ დობა საერთოდ ვერ გაგიწიე. მიყვარხარ და მეყვარები მუდამ", - წერს ნუცა ბუზალაძე.

"რა უქნეს ახალგაზრდა კაცს, მარტო იმიტომ, რომ ვიღაცას ბრიფინგი ჩაეტარებინა საარჩევნო მიზნებისთვის"

1710509785

"შოკირებული ვარ და უმძიმესი განცდით ვუყურებ ამ ვიდეოს. რა უქნეს ახალგაზრდა კაცს, მარტო იმიტომ, რომ ვიღაცას ბრიფინგი ჩაეტარებინა საარჩევნო მიზნებისთვის. წლები ჰყავდათ ციხეში ყალბი საქმით და ჯანმრთელობაც გაუნადგურეს!გიორგიმ უნდა გაუძლოს და დადგეს ფეხზე, პირდაპირი და გადატანითი მნიშვნელობით, და ამით საბოლოოდ დაამარცხოს ბოროტი სისტემა! აუცილებლად ასე იქნება, მჯერა!, - წერს ნიკა გვარამია.დეკანოზი გიორგი მამალაძე 7-წლიანი პატიმრობის შემდეგ ე.წ. უდოს კომისიის გადაწყვეტილებით 14 თებერვალს გათავისუფლდა. მას ე.წ. ციანიდის საქმეზე 9-წლიანი პატიმრობა ჰქონდა მისჯილი. მამალაძე თბილისის საერთაშორისო აეროპორტში 2017 წლის თებერვალში დააკავეს. ის სამივე ინსტანციის სასამართლომ შურისძიების მოტივით და "ციანიდის" გამოყენებით პატრიარქის მდივან-რეფერანტის შორენა თეთრუაშვილის, მკვლელობის მომზადებაში ცნო დამნაშავედ. გათავისუფლებიდან რამდენიმე დღეში დეკანოზი გიორგი მამალაძე სამკურნალოდ თურქეთში გაემგზავრა. 

"მაქვს ჯანმრთელობის ისეთი პრობლემები, რომელიც არ მაძლევდა საშუალებას საჯაროდ და აქტიურად ვყოფილიყავი ჩართული პოლიტიკურ პროცესებში"

1710313532

"მეგობრებო, ძალიან არ მიყვარს პირადზე საუბარი საჯაროდ თუმცა ახლა ჩავთვალე, რომ ჩემი დუმილი რაღაც პერიოდის განმავლობაში არასწორად შეიძლება იყოს აღქმული.იანვრიდან მოყოლებული მაქვს ჯანმრთელობის ისეთი პრობლემები, რომელიც არ მაძლევდა საშუალებას საჯაროდ და აქტიურად ვყოფილიყავი ჩართული პოლიტიკურ პროცესებში. რეალურად, ყველა მნიშვნელოვან პროცესში ჩართული ვარ ზურასთან და ჩვენ ძვირფას გუნდთან ერთად, ყველა გადაწყვეტილებას ერთად ვიღებთ და ერთად ვგეგმავთ, მიუხედავად იმისა, რომ ფიზიკურად აქ არ ვარ.წესით, მალე საჯაროდაც დავბრუნდები. იმაზე ბევრს არ ვილაპარაკებ, როგორ განვიცდი, რომ ჯანმრთელობამ ასეთ მნიშვნელოვან დროს მიმტყუნა. თუმცა, იმას კი ხაზგასმით ვიტყვი, რომ ცვლილებებისთვის ბრძოლის შემართება არა თუ არ შემცვლია, გაძლიერებულიც მაქვს იძულებითი შვებულების ფონზე.ზოგს კი მოკლედ ვეტყვი, ნახევრად ხუმრობით: ’ვერ მოგართვით’, - წერს ხოშტარია.

"სამწუხაროა ასეთი ზედაპირული და შაბლონური დამოკიდებულების მოსმენა პრეზიდენტის სიმაღლიდან"

1709234647

მისი თქმით, ეთიკას მოკლებულია მოქმედი პატრიარქის სისუსტეზე და პატრიარქის ცვლილებაზე საუბარი."ბევრ კითხვებს ბადებს ქალბატონ პრეზიდენტის ბოლო კომენტარი ეკლესიასთან მიმართებაში.პირველ რიგში, პრეზიდენტისთვის, მით უმეტეს რომელსაც თავი ეკლესიის მრევლად მიაჩნია, ეთიკას მოკლებულია მოქმედი პატრიარქის სისუსტეზე და პატრიარქის ცვლილებაზე საუბარი, სხვა საკითხია, რომ ეს ეკლესიის საქმეებში უხეში ჩარევაა. გაუგებარია რას გულისხმობდა ქალბატონი პრეზიდენტი "ეკლესიის ძველ მეთოდებზე“ , ისევე, როგორც ეკლესიის მხრიდან "პროდასავლური რიტორიკის მიყოლის" შესახებ საუბრისას. რას ნიშნავს  ეკლესია "ახლოსაა ძალასთან"?  სამწუხაროა ასეთი ზედაპირული და შაბლონური დამოკიდებულების მოსმენა პრეზიდენტის სიმაღლიდან და ქართულ ეკლესიაში პროქართულ, პროევროპულ თუ პრორუსულ არჩევანზე საუბარი ჩრდილს აყენებს და აკნინებს, არა იმდენად ეკლესიას, რამდენადაც თავად კომენტარის ავტორს“, - წერს ანდრია ჯაღმაიძე.

"ყველაფერს აქვს დასაწყისი და დასასრული - თუმცა, გულდასაწყვეტია, როცა დასასრული გაუგებარია, მინიმუმ აუხსნელი"

1708761519

"ამ პოსტით, პირველ რიგში, მადლობა მინდა გადავუხადო ჩემს ერთგულ მაყურებელს, რომლის სიყვარულსაც ჩემი სატელევიზიო ცხოვრების ყველა ნაბიჯზე ვგრძნობდი.ყველაფერს აქვს დასაწყისი და დასასრული - თუმცა, გულდასაწყვეტია, როცა დასასრული გაუგებარია, მინიმუმ აუხსნელი.მინდა გითხრათ, რომ არხის გადაწყვეტილებით დასრულდა ჩემი უსაყვარლესი "მთავარი დიაგნოზის“ ერა - მიზეზი ჩემთვის უცნობია.აქვე, მადლობას გადავუხდი არხს და „მთავარი დიაგნოზის“ გუნდს - ჩემს მეგობრებს 3 წლიანი თანამშრომლობისთვის.ძალიან მიყვარხართ წარმატებები თქვენ  კიდევ ერთხელ, უღრმესი მადლობა ჩემს მაყურებელს, რომელთა უპირობო დამსახურებაც იყო ჩემი გადაცემის მაღალი რეიტინგი წლების განმავლობაში  დროებით გემშვიდობებით, მალე ისევ აუცილებლად შევხვდებით ერთმანეთს", - წერს ჯაფარიძე.

"წავიდა ჩემი თაობის კიდევ ერთი - დიდი ბუნების პიროვნება, მე მას შორიდან ტკივილით ვემშვიდობები"

1708690781

"გარდაიცვალა ვიკა სირაძე.ძლიერი ქალი, რომელმაც შეძლო და იმ ურთულეს წლებში მთელი თავისი ცხოვრება ქვეყნის სამსახურს მოახმარა.ქალი, ახალგაზრდობიდან ბოლო წუთამდე დამოუკიდებლობის და გამძლეობის სიმბოლო.რომელმაც ღირსეულად გაუძლო ბედისწერის ყველა ქარტეხილს.ჩემთვის - ძალიან ახლობელი ადამიანი. ჩემი შვილიშვილის ბებია.წავიდა ჩემი თაობის კიდევ ერთი - დიდი ბუნების პიროვნება.მე მას შორიდან ტკივილით ვემშვიდობები", - წერს ღოღობერიძე.საქართველოს მინისტრთა საბჭოს თავმჯდომარის ყოფილი მოადგილე, სსრკ-ის უმაღლესი საბჭოს მეექვსე მოწვევის დეპუტატი ვიქტორია სირაძე 94 წლის ასაკში გარდაიცვალა. 

"სალომე ზურაბიშვილი რაც სწრაფად შეხედავს ამ კუთხით სააკაშვილის პოლიტპატიმრობას და შეიწყალებს მას, მით უკეთესი"

1708111964

"ნავალნის ტრაგედია მაინც უნდა გვკარნახობდეს იმას, რომ პოლიტპატიმრის ციხეში ყოლა არა მარტო მისი სიცოცხლისთვის რისკის შექმნაა, არამედ და კიდევ უფრო მეტად და მნიშვნელოვნად, საკუთარი სახელმწიფოსთვის უდიდესი და ჩამოუწმენდავი კატასტროფის საშიშროების შექმნა.სალომე ზურაბიშვილი რაც სწრაფად შეხედავს ამ კუთხით სააკაშვილის პოლიტპატიმრობას და შეიწყალებს მას, მით უკეთესი მისთვისაც, სააკაშვილისთვისაც და პირველ რიგში, ჩვენი ქვეყნისთვის", - წერს გვარამია სოციალურ ქსელში.

"არ ვიცი, რატომ გადამეკიდა, რა ვერ დავუმტკიცე, მაგრამ, პირველი გამარჯვების შემდეგ, უკვე მეორედ, მძიმე სენმა ომი გამომიცხადა"

1707224788

"...არ ვიცი, რატომ გადამეკიდა, რა ვერ დავუმტკიცე, მაგრამ, პირველი გამარჯვების შემდეგ, უკვე მეორედ, მძიმე სენმა ომი გამომიცხადა... და მეც ჩავები!თავი ცუდ სიზმარში მგონია, მაგრამ ნელ-ნელა ვფხიზლდები და ვფიქრობ, რომ ეს მორიგი გამოწვევაა ცხოვრებისგან, რომელიც ამაყად უნდა მივიღო... არ მაქვს უფლება, თავი დავუხარო...როცა დიაგნოზის შესახებ გავიგე (ავთვისებიანი სიმსივნე - კარცინომა), არ დაგიმალავთ და გავტყდი... ვთქვი, რომ არ ვიბრძოლებდი, რომ ძალიან დავიღალე... შემდეგ კი, როცა გონს მოვედი, ამ სუსტ გოგოს იმ ძლიერი გოგოსი შერცხვა, რომელიც ძალიან პატარა, 12 წლისა ებრძოდა ვერაგ დაავადებას (ჰოჯკინის ლიმფომას), რომელმაც 14 წელი იბრძოლა და დაამარცხა; იმ გოგოსი შერცხვა, რომელიც სხვებს აიმედებდა, ანუგეშებდა და ეუბნებოდა, რომ ფარ-ხმალი არ უნდა დაეყარათ, უნდა ებრძოლათ... რომ სიმსივნე განაჩენი არ არის!და ადრე ნათქვამი სიტყვები გაახსენდა: „მე რომ დამჭირდეს იმავე გზის გავლა, თავიდან დავიწყებო“ - ამბობდა ერთ-ერთ ინტერვიუში.ჰოდა, იწყებს!ისიც ვიცი, რომ დღეს, სამწუხაროდ, ძალიან ბევრი ადამიანია ამ ომში. ძალიან ბევრი ქალი ვიცი, ვინც ძუძუს კიბო დაამარცხა და დღეს სხვებისთვის არიან მაგალითები! ჩემთვის მისაბაძი, ძლიერი ქალები...ძალიან ბევრი ადამიანია, ვინც ვერ საუბრობს საკუთარი პრობლემის შესახებ...მინდა გითხრათ, არასდროს მოგერიდოთ საკუთარი დიაგნოზის, არაფერია დასამალი. გავხდებით თუ არა ავად, ამას ჩვენ არ ვწყვეტთ.მინდა იმ ადამიანებს ვუთხრა, ვინც ახლა მედგრად დგას მძიმე სენის პირისპირ, უნდა იამაყოთ საკუთარი თავით! ძალიან ძლიერები ხართ! მე ვიცი, უკვე მეორედ, რა ძალა უნდა ამ დროს ადამიანს და მივხვდი იმასაც, რომ არაფერია სიცოცხლის სურვილზე ძლიერი... ყველაფერს გაგაკეთებინებს, მთებს გადაგადგმევინებს... (მთების გადადგმა კი ნამდვილად გჭირდება, იმდენად რთული და კომპლექსური საკითხებია მოსაგვარებელი ამ სენთან საბრძოლველად)როცა ხედავ, რომ ადამიანებისთვის მნიშვნელოვანი ხარ, რომ ეს ყველაფერი ძალიან გეძვირფასება და გინდა დიდხანს იყოს, სწორედ ამისთვის უნდა იბრძოლო...მით უფრო მაშინ, როცა, საყვარელი, თბილი, მზრუნველი, მზიანი ადამიანები მრავლად არიან შენ გარშემო...P.S. ახლახან ჩავერთე ამ ომში, ჯერ კვლევების ეტაპზე ვარ და ვიცი, რომ წინ დიდი და ბურუსით მოცული გზაა, თუმცა, იმედი მაქვს, ყველაფერი დალაგდება... იმედი მაქვს, კარგ ექიმებს ვიპოვი, ისევე, როგორც წლების წინ, ჩემი სიცოცხლის სადარაჯოზე დასადგომად, რა თქმა უნდა, ჩემ განწყობასთან ერთად!P.P.S. ქიმიების, სხივური თერაპიებისა და ქირურგიული ჩარევების სირთულეზე რომ არაფერი ვთქვა, რაც უკვე გამოცდილი მაქვს, ვიცი, რომ შევიცვლები და აღარ ვიქნები ისეთი, როგორიც ახლა ვარ, თმაც გამცვივდება და თვალებიც ჩამიქრება, დროებით. მაგრამ როცა ყველაფერი დასრულდება, ახლიდან დავიბადები...მე არ ვნებდები! რა შედეგიც უნდა დადგეს, ამის მიუხედავად, ბრძოლას ყოველთვის აქვს აზრი. არ დანებდეთ თქვენც! მკურნალობასთან ერთად, განწყობა უმთავრესია, უმნიშვნელოვანესი! ყველას გამარჯვებას გისურვებთ ამ ვერაგ დაავადებაზე“, - წერს შორენა სურმანიძე.შორენა მკურნალობის დაწყებამდე ძვირად ღირებულ კვლევებს იტარებს, რისთვისაც ფინანსური რესურსი აუცილებელია:ანგარიშის ნომერი:საქ.ბანკი: #GE17BG0000000161816680თიბისი ბანკი: #GE47TB7970845061100094

"გთხოვთ, ნარკოტიკში ნუ ეძებთ გამოსავალს, ვუმკურნალოთ იმ ტკივილს, ან სიცარიელეს, რომელიც გვაიძულებს გავაყუჩოთ სიცოცხლე და ცოცხალი შეგრძნებები"

1707037538

"კიდევ დაიღუპა გოგო და კიდევ მოხვდა რეანიმაციაში რამდენიმე ახალგაზრდა. ნარკოტიკების მიმართ საფრთხის შეგრძნების მოხსნას იდეალურად ემსახურება მარკეტინგულად კარგად გათვლილი სიტყვები - "კლუბური" - თითქოს რომელიმე სასიკვდილოდ საშიში ნივთიერება გართობასთან ასოცირებული და სოციალური გარემოსთვის ჩვეულებრივი დანამატი იყოს, "სააფთიაქო" - თითქოს ლეგალური წამლის ზედოზირება ვიტამინის, ან ძალიან მარტივი პრეპარატის მიღების შემთხვევაშიც კი არ იწვევდეს მოწამვლას, ან სიკვდილს; "მსუბუქი" - თითქოს თრობის მხრივ მსუბუქი ისევე არ აზიანებდეს ტვინის ემოციურ სისტემას, ან რეცეპტორებს, ან არ აზიანებდეს რუხი ნივთიერების კონცენტრაციას, როგორც "მძიმე".ცნობიერების შეცვლა ნებისმიერ ადამიანს გვინატრია ზოგჯერ, განსაკუთრებით მაშინ, როცა ტკივილს ვერ ვუძლებთ, ან მაშინ, როცა ყველაფერი სულერთი და უღიმღამოა და ერთხელ მაინც დავმთვრალვართ ასეთ დროს ყველა, ნივთიერების იმ არჩევანით, რომელიც ხელთ მოგვხვდა, ან უბრალოდ სურვილად დაგვიტოვებია მორალური ტანჯვის გაყუჩების მოთხოვნილება.როცა ადამიანს რეალობისგან დამცავი გარსის შემოკვრა, გაყუჩება უნდება ხშირად, მით უმეტეს ყოველდღე, ეს მიუთითებს ფსიქიკურ პრობლემაზე.რა არის ფსიქიკური პრობლემა? არაფერი განსაკუთრებული, არამედ სტრესის გადაუტანლობა, მასთან გამკლავების შეუძლებლობა.გთხოვთ, ნარკოტიკში ნუ ეძებთ გამოსავალს. ვუმკურნალოთ იმ ტკივილს, ან სიცარიელეს, რომელიც გვაიძულებს გავაყუჩოთ სიცოცხლე და ცოცხალი შეგრძნებები. ტანჯვასა და სიხარულს შორის ისეთივე თხელი ტიხარია, როგორც სიცილსა და ტირილს შორის. ხშირად თუ გააყუჩებ ტკივილს, მალევე, სრულად გაქრება სიხარულიც. ვისწავლოთ გრძნობების ატანა, ზიდვა. ეს არის შესაძლებელი. არ გეუბნებით ამას ზეპირად. გეუბნებით იმ ცოდნით, რომელიც სწორედ ტკივილის ატანა და შემდეგ მისი ტრანსფორმაცია რომ შემძლებოდა, იმიტომ მივიღე.დროულად აღმოაჩინეთ თქვენს გრძნობებში გაქცევის, გაყუჩების ან მხიარულების ხელოვნურად გამოწვევის ხშირი სურვილი, როგორც სიმპტომი და მიიღეთ დახმარება. არსებობს ადგილები დღეს, სადაც შეძლებთ თქვენი ცხოვრების მართვის სწავლას. ერთ-ერთი "კამარაცაა" და უკვე ლივინგ მუზეუმი თბილისი, რომლებიც შეგიძლიათ გამოიყენოთ ტკივილის გარდაქმნის სახელოსნოდ", - წერს ფანჯიკიძე.