პოლიტიკა
"ძალიან უნდათ ხმის მიცემა ლგბტ პროპაგანდის საწინააღმდეგო კანონპროექტისთვის, პატრონები კი ამის უფლებას არ მისცემენ"

1711716750

მისივე თქმით, ერთადერთი, რის გამოც შეიძლება თავი შეიკავონ, არის ის, რომ მათი პატრონები ამის უფლებას არ მისცემენ."მე დარწმუნებული ვარ, ძალიან უნდათ მათ ხმის მიცემა, უბრალოდ მათი პატრონები ამის უფლებას არ მისცემენ. ეს არის ერთადერთი, რის გამოც მათ შეიძლება შეიკავონ თავი“, - განაცხადა კობახიძემ.

"საქართველოში ყველა პოლიტიკურმა ძალამ და აქტივისტმა შედეგის დასადებად ჩვენი ძალები უნდა გავაერთიანოთ"

1711716547

"ჩემი აზრით, უცხოეთში მყოფმა ქართველებმა ამ მოთხოვნით საქართველოს საელჩოებთან მუდმივი აქციები უნდა მოაწყონ. ამასთანავე, საქართველოში ყველა პოლიტიკურმა ძალამ და აქტივისტმა შედეგის დასადებად ჩვენი ძალები უნდა გავაერთიანოთ. წინააღმდეგ შემთხვევაში, ივანიშვილის რეჟიმი აუცილებლად დაბლოკავს ამ თემას. არ უნდა დავაბლოკინოთ!" - წერს სააკაშვილი.    

"ბიძინა ივანიშვილი, როგორც საპატიო თავმჯდომარე, პარტიის მთავარი პოლიტიკური მრჩეველი არის ჩართული პოლიტიკურ პროცესებში"

1711715159

ჟურნალისტის კითხვაზე, თუ რა ტიპის რჩევა მისცა ბიძინა ივანიშვილმა მთავრობის მეთაურს, პრემიერმა ასე უპასუხა:"რჩევები არის ჩვენი შიდა საქმე. რაზე ვსაუბრობთ გუნდის შიგნით, რაზე საუბრობს, მაგალითად, პარტიის საპატიო თავმჯდომარე პარტიის სხვა ლიდერებთან, ეს არის ჩვენი შიდა სამზარეულო, ჩვენი შიდა საქმე. ყველაფერი, მერწმუნეთ, წარიმართება ისე, როგორც გათვალისწინებულია პარტიის წესდებით, ბატონი ბიძინა ივანიშვილი არის პარტიის საპატიო თავმჯდომარე, მთავარი პოლიტიკური მრჩეველი და სწორედ, ამ რეჟიმში წარიმართება პოლიტიკური პროცესები ჩვენს პოლიტიკურ გაერთიანებაში".

"დღევანდელი მონაცემებით, ჩვენი მხარდაჭერა არის დაახლოებით 60 %"

1711714942

ირაკლი კობახიძის თქმით, ქართული საზოგადოება კოლექტიურ „ნაცმოძრაობას“ წარმატების შანსს ვერ მისცემს."რაც შეეხება ოპოზიციას, ნაცმოძრაობის მაჩვენებელი არის 15%-ს ჩამოცდენილი და ვერც ერთი სხვა პარტია ვერ ლახავს საარჩევნო ბარიერს. ეს არის დღევანდელი მოცემულობა. რაც უფრო მეტად იქნება ფრაგმენტირებული ოპოზიცია, მით უკეთესი. რა თქმა უნდა, ისეთ ადამიანებს, როგორებიც არიან ხაზარაძე, მელია, გვარამია და სხვები, თითოეული მათგანი არის მხილებული ოფიციალურად დანაშაულში. როცა ასეთი ადამიანები გამოთქვამენ პოლიტიკაში ყოფნის პრეტენზიას, რა თქმა უნდა, მათ ვერავითარი შანსი ვერ ექნებათ. ბუნებრივია, საზოგადოება არის ძალიან გამოცდილი საქართველოში, შესაბამისად, ქართული საზოგადოება, ამ კოლექტიურ „ნაცმოძრაობას“, ამ კონკრეტულ ადამიანებს, წარმატების ვერავითარ შანსს ვერ მისცემს“, - განაცხადა კობახიძემ.     

ირაკლი კობახიძე - სალომე ზურაბიშვილს არ აქვს მორალური უფლება, ხვდებოდეს ცესკოს თავმჯდომარეს და საუბრობდეს არჩევნებზე

1711714316

მისი თქმით, ზურაბიშვილი ვეტოს საშუალებით მხარს უჭერდა ჩიხის შენარჩუნებას ცენტრალურ საარჩევნო კომისიაში."სალომე ზურაბიშვილს არ აქვს არავითარი მორალური უფლება, ხვდებოდეს ცესკოს თავმჯდომარეს, გიორგი კალანდარიშვილს. თქვენ გახსოვთ, რომ მიუხედავად კომისიის გადაწყვეტილებისა, მან კალანდარიშვილი არ წარადგინა ცესკოს თავმჯდომარეობის კანდიდატად. რატომ, იმიტომ, რომ კალანდარიშვილს თავის დროზე მხარი არ დაუჭირეს ხაბეიშვილმა, სამადაშვილმა, ვაშაძემ და სხვებმა. შესაბამისად, ზურაბიშვილს მორალური უფლება არ აქვს, რომ ხვდებოდეს კალანდარიშვილს. ეს ერთი და მეორე, მას არ აქვს მორალური უფლება საუბრობდეს არჩევნებზე, იმიტომ, რომ ის პირდაპირ თავისი ვეტოთი მხარს უჭერდა ჩიხის შენარჩუნებას ცენტრალურ საარჩევნო კომისიაში. ყველა კარგად ხედავს, რომ სალომე ზურაბიშვილის ერთადერთი მიზანია, საბოტაჟი, რომ არჩევნებს რაღაცნაირად შეექმნას საფრთხე და პრობლემა. რა თქმა უნდა, ის ამას ვერ მიაღწევს. ის სპეკულაციებიც, რომელსაც სალომე ზურაბიშვილი შეუერთდა ემიგრაციასთან დაკავშირებით, ეს არის კოლექტიური ნაცმოძრაობის სპეკულაციური კამპანია და ამ კამპანიას შეუერთდა დღეს სალომე ზურაბიშვილი. ესეც აჩვენებს იმას, რომ სალომე ზურაბიშვილის ერთადერთი თვითმიზანია, რომ რაღაცნაირად ჩრდილი მიაყენოს არჩევნებს, რასაც ის რა თქმა უნდა, ვერ მიაღწევს“, - განაცხადა კობახიძემ.

"ჩემთვის საკმაოდ გაუგებარი ტერმინებია და არანაირი პასუხი არ არის გაცემული იმაზე, თუ რა შეიძლება გაკეთდეს"

1711714115

სალომე ზურაბიშვილის თქმით, დიასპორისთვის არჩევნებზე ხმის მიცემის საშუალების მიცემა უმნიშვნელოვანესია."ძალიან მნიშვნელოვანია ის, რომ კანონი არსებობს, უცხოეთში მყოფ მოქალაქეებს აქვთ უფლება, რომ თუ არიან საკონსულო აღრიცხვაზე და თუ 50 ადამიანზე მეტი ცხოვრობს ერთ ქალაქში, იმ ადამიანებმა მოითხოვონ და მიიღონ საშუალება, რომ იქ გაიხსნას საარჩევნო უბანი. ამაზე კანონი არსებობს ერთი მხრივ და მეორე მხრივ, გვეუბნებიან ძალიან ოფიციალურად პარლამენტში, საგარეო საქმეთა მინისტრი და ბევრი სხვები, რომ არა, ვერ და არ შევასრულებთ ამ კანონსო. იმას კი არ გვეუბნებიან, რომ ნაწილობრივ მაინც, რამდენი უბანიც შესაძლებელი იქნება იმდენს გავხსნით, კატეგორიულად არის გაცხადებული, რომ არა, შეუძლებელია, ხან რესურსები არ გვაქვს, ხან ყოველ "პადიეზდში" არ გავხსნითო. ჩემთვის საკმაოდ გაუგებარი ტერმინებია და არანაირი პასუხი არ არის გაცემული იმაზე, თუ რა შეიძლება გაკეთდეს.  დიასპორისთვის ხმის მიცემის საშუალების გაზრდა უმნიშვნელოვანესია. პრაქტიკულად ყველა ოჯახიდან არის ვიღაც წასული და ცხოვრობს საზღვარგარეთ. ამიტომ ეს არის ერთობლივი ინტერესი. დიასპორის ზოგ წარმომადგენლებთან გვქონდა საუბარი "სკაიპით" და ამას გავაგრძელებთ.  პირველი ხარვეზი არის, საგარეო საქმეთა სამინისტრო არ მონაწილეობს ამ შეხვედრებში, პასუხისმგებლობას იხსნის, რაც გაურკვეველია, რადგან ყველაფერი სწორედ მისი ჩართულობით უნდა მოხდეს. ასევე საარჩევნო სარეგისტრაციო კამპანია ახლაა დასაგეგმი და ახლაა მნიშვნელოვანი და არა 4-5 თვეში. ჯერ არაფერი არ არის გაკეთებულია. შემდეგ ეტაპზე საარჩევნო აღრიცხვა-რეგისტრაცია, სიების გადმოცემა ცესკოსთვის ევალება საგარეო საქმეთა სამინისტროს. გადაჯაჭვულია ცესკო და საგარეო. ერთი მეორეს გარეშე წარმოუდგენელია და აქედან იბადება ხარვეზი. თუ არ არსებობს ერთობლივი სურვილი მუშაობის, მერე ყოველთვის შეიძლება პინგ-პონგი. ჩემი ბრალი არ არის, ის არ მაძლევს ინფორმაციას, ჩემი ბრალი არ არის, მათი პასუხისმგებლობაა და ეს უკვე დღეს გვესმის, ასე რომ, სანამ დროა, ეს უნდა გამოსწორდეს. და ამ შეხვედრების მიზანია, რომ ეს გამოსწორდეს და უნდა გამოსწორდეს ყველა ხარვეზი", - განაცხადა სალომე ზურაბიშვილმა.

"ვერავითარი ტრიუკებით ამ დანაშაულებისთვის პასუხისმგებლობას გვარამია თავიდან ვერ აირიდებს"

1711713251

მისი თქმით, ის კიდევ ერთხელ დაესხა თავს სტრასბურგის ადამიანის უფლებათა ევროპულ სასამართლოს."გვარამიასთვის ძალიან მტკივნეულია ის გადაწყვეტილება, რომელიც მიიღო სტრასბურგის სასამართლომ. ის კიდევ ერთხელ დაესხა თავს ამ კონკრეტულ ინსტიტუტს, რასაც ჰქვია სტრასბურგის ადამიანის უფლებათა ევროპული სასამართლო და მისთვის გაეროსთვის მიმართვა არის პატარა ტრიუკი, რომლითაც ცდილობს გაექცეს მისთვის მტკივნეულ გადაწყვეტილებას, თუმცა საზოგადოება ხედავს ყველაფერს და გვარამია ვერ გაქცევა იმას, რომ სტრასბურგის სასამართლომ დაადასტურა მისი დამნაშავეობა. ქართულმა საზოგადოებამ იცის, თუ რა დანაშაული ჩაიდინა გვარამიამ, კონკრეტულ შემთხვევაში. წარსული დანაშაულები კიდევ უფრო კარგად იციან, აქედან გამომდინარე, ვერავითარი ტრიუკებით ამ დანაშაულებისთვის პასუხისმგებლობას გვარამია თავიდან ვერ აირიდებს“, - განაცხადა კობახიძემ.

"ნაკრების გამარჯვება აჩვენებს, რომ სადაც არის ქვეყნის სიყვარული, ბრძოლის ჟინი და გამარჯვების რწმენა, იქ ყველაფერია შესაძლებელი"

1711711035

მან სტუდენტებს საფეხბურთო წარმატება მიულოცა და აღნიშნა, რომ ემოციები ჯერ არ განელებულა."ვისარგებლებ შემთხვევით და მოგილოცავთ საფეხბურთო წარმატებას. ემოციები ჯერ არ განელებულა და არც განელდება კიდევ დიდი ხანი. მართლაც ისტორიული გამარჯვება გვაჩუქეს ჩვენმა ბიჭებმა, ნაკრების წევრებმა და ეს გამარჯვება აჩვენებს, რომ სადაც არის ქვეყნის სიყვარული, ბრძოლის ჟინი და გამარჯვების რწმენა, იქ ყველაფერია შესაძლებელი. აქვე მინდა გისურვოთ მომავალში, თქვენს პროფესიულ ცხოვრებაში ძალიან დიდი წარმატება და გამარჯვებები", - განაცხადა კობახიძემ.     

"მართალია, "ქართული ოცნება" იმუქრება, რომ 60%-ის პრობლემა არ აქვს, მაგრამ 40%-იანი ბარიერის გაუქმებით ადასტურებს, რომ მას 40%-იც კი შეიძლება სათუო გაუხდეს"

1711708948

მისი თქმით, საქართველოს საერთაშორისო პარტნიორები ყოველდღე ამტკიცებენ, რომ განსაკუთრებულ ყურადღებას აქცევენ საქართველოში 2024 წლის არჩევნებს და მის ჩატარებას სრულფასოვანი პროცესის თვალსაზრისით."ყოველ ნაბიჯზე დასტურდება, რომ ჩვენი საერთაშორისო პარტნიორები განსაკუთრებულ ყურადღებას აქცევენ საქართველოში 2024 წლის არჩევნებს და მის ჩატარებას სრულფასოვანი პროცესის თვალსაზრისით. ამის ნაწილია საკანონმდებლო ცვლილებებიც, რომელიც ხორციელდება საერთაშორისო, სამოქალაქო საზოგადოების, საქართველოს მოქალაქეების ინტერესების საწინააღმდეგოდ. ამიტომ, ძალით მიღებული ცვლილებები, რომელსაც პრეზიდენტმა ვეტო დაადო, ადასტურებს, რომ საერთაშორისო პარტნიორების და მოქალაქეების მოსაზრებებს საქართველოს ხელისუფლება არ ისმენს. რაც შეეხება მომდევნო დაკვირვებას, ესეც ძალიან მნიშვნელოვანია. მართალია, "ქართული ოცნება” იმუქრება, რომ 60%-ის პრობლემა არ აქვს, მაგრამ 40%-იანი ბარიერის გაუქმებით ადასტურებს, რომ მას 40%-იც კი შეიძლება სათუო გაუხდეს", - განაცხადა თამარ კორძაიამ."ქართული ოცნება" საკრებულოს მაჟორიტარობის კანდიდატებისთვის დაწესებული 40%-იანი საარჩევნო ბარიერის გაუქმებას გეგმავს. ამავდროულად, საარჩევნო სიების ფორმირებისას, დეპუტატობის კანდიდატი შესაძლოა, ერთი ან რამდენიმე მუნიციპალიტეტის დელეგატად განისაზღვროს.

"ერთადერთი მიზეზი, რის გამოც ისინი ვეტინგზე უარს ამბობენ, არის ის, რომ არ უნდათ ძალაუფლების დათმობა"

1711708465

მისი თქმით, თუ ევროპისკენ ნაბიჯების გადადგმა და მოლაპარაკებების გახსნა გვინდა, ვეტინგის სისტემის გავლა აუცილებელია."სასამართლო ხელისუფლების დათმობა ამათთვის ნიშნავს ძალაუფლების დაკარგვას, ამიტომ, ერთადერთი მიზეზი, რის გამოც ისინი ვეტინგზე, მოსამართლეების კეთილსინდისიერების შემოწმებაზე უარს ამბობენ, არის ის, რომ არ უნდათ ძალაუფლების დათმობა. სულ რამდენიმე დღის წინ კიდევ დაადასტურა ბორელის ოფისმა, რომ კეთილსინდისიერების შემოწმება არის ფუნდამენტური საკითხი, ეს არ არის რიგითი თემა, თუ ჩვენ გვინდა, რომ გადავიდეთ შემდეგ ეტაპზე ევროპასთან და გავხსნათ მოლაპარაკებები, რომ დავეწიოთ უკრაინას და მოლდოვას", - განაცხადა ზურაბ ჯაფარიძემ.