ომი უკრაინაში
უკრაინელებმა კიდევ ერთი რუსული თვითმფრინავი, A-50 ჩამოაგდეს

1708717183

დაზვერვის ინფორმაციით, "ძვირად ღირებული რუსული თვითმფრინავი" ჩამოაგდეს უკრაინის შეიარაღებული ძალების საჰაერო ძალებთან თანამშრომლობით აზოვის ზღვის თავზე.დაზვერვის მთავარმა დირექტორატმა ასევე აჩვენა რუსული თვითმფრინავის ბოლო მარშრუტის ფოტო, რომელშიც ჩანს, რომ ის კრასნოდარის ტერიტორიაზე დაფრინავდა."A-50, "ბაიანი" საკმარისად იფრინა! ვულოცავ ოკუპანტებს სამშობლოს დამცველის დღეს! სახლში უნდა იზეიმოთ! მადლობა უკრაინის თავდაცვის სამინისტროს დაზვერვის მთავარ სამმართველოს და ყველას, ვინც შედეგი უზრუნველყო! მუშაობას ვაგრძელებთ! ერთად გამარჯვებამდე!", - წერს უკრაინის საჰაერო ძალების მეთაური ნიკოლაი ოლეშჩუკი.დაზვერვაში აღნიშნავენ, რომ A-50U არის თვითმფრინავის ახალი მოდერნიზებული ვერსია.რუსები ასეთი საჰაერო სამეთაურო პუნქტს იყენებდნენ მანძილზე რადარის აღმოჩენისთვის, კონტროლისა და ხელმძღვანელობისთვის უკრაინაზე სტრატეგიული ავიაციის რაკეტებით თავდასხმებისთვის."A-50U-ის ჩამოგდება კიდევ ერთი სერიოზული დარტყმაა ტერორისტული მოსკოვის პოტენციალსა და შესაძლებლობებზე“, - აცხადებენ დაზვერვაში.A-50-ის ძირითადი ღირებულება 330 მილიონი დოლარია, თუმცა მოდერნიზებული ვერსიები გაცილებით ძვირია.

აშშ-მა რუსეთს 500 ახალი სანქცია დაუწესა

1708709344

შეზღუდვების ახალი პაკეტი ყველაზე მასშტაბურია და ის მოიცავს რუსეთის ფინანსურ სექტორს, თავდაცვის ინდუსტრიულ ბაზას და  შესყიდვების ქსელს. ასევე სანქციები გავრცელდება იმ პირებსა და კომპანიებზე, მსოფლიო ყველა წერტილში, რომლებიც კრემლს სანქციების გვერდის ავლაში ეხმარებიან.პრეზიდენტ ჯო ბაიდენის განცხადებით, უკრაინაში ომის გარდა  ახალი სანქციების მიზეზი ასევე გახდა ალექსეი ნავალნის სიკვდილი.დღევანდელი სანქციების სიაში შედის მესამე ქვეყნებიდან ექსპორტიორები და ტექნოლოგიის, აღჭურვილობისა და სათადარიგო ნაწილების რუსეთში გადამტანები, ექსპედიტორი, რომელიც აწვდის იარაღს რუსეთს, ასევე ტრანსნაციონალური ფულის გათეთრების ქსელი, რომელიც ხელს უწყობს რუსული წარმოშობის პროდუქციის უკანონო გადაადგილებას.საერთო ჯამში, დღეს შეზღუდვები 11 ქვეყანაში 26 იურიდიულ და ფიზიკურ პირს შეეხო, მათ შორის ჩინეთის სახალხო რესპუბლიკაში, სერბეთში, არაბთა გაერთიანებულ საამიროებსა და ლიხტენშტაინში.დღესვე ევროკავშირმა დაამტკიცა მე-13 პაკეტი, რომელიც შეზღუდვებს უწესებს 106 ფიზიკურ პირს და 88 კომპანიას.

ზელენსკი - უკრაინა ახალ კონტრშეტევას და ოპერაციებს მოამზადებს

1708684960

მისივე თქმით, თავდაცვა არის დიდი ამოცანა და გამოწვევა ისეთ დიდ ქვეყანასთან ომში, როგორიც რუსეთია.2023 წლის კონტრშეტევის საკითხზე და იმის მოლოდინზე, რომ ის უფრო ეფექტური უნდა ყოფილიყო, ზელენსკიმ განაცხადა, რომ პირველ რიგში ჯარისკაცების სიცოცხლეზე უნდა ვიფიქროთ, რადგან თუ უკრაინა ჯარისკაცებს დაკარგავს, ის ყველაფერს დაკარგავს."თავდაცვა არის ამოცანა ნომერ პირველი. ჩვენ გავაგრძელებთ წარმატებულ ისტორიას შავ ზღვაში. დეტალებს არ ჩავუღრმავდები, მაგრამ რუსეთს რამდენიმე სიურპრიზს ვუმზადებთ. ეს ძალიან მნიშვნელოვანია. სამხრეთი მნიშვნელოვანია. აღმოსავლეთის დაცვა, სადაც მათ 200 ათასზე მეტი ჯარისკაცი ჰყავთ, ასევე ძალიან მნიშვნელოვანია. რა თქმა უნდა, ჩვენ მოვამზადებთ ახალ კონტრშეტევას, ახალ ოპერაციებს. რა თქმა უნდა, არ ვამბობ, რომ ჩვენ უბრალოდ გავჩერდებით, ეს ბევრ რამეზეა დამოკიდებული“, – განაცხადა პრეზიდენტმა.კითხვაზე, იქნებოდა თუ არა კონტრშეტევა უფრო წარმატებული,  უკრაინას დროულად რომ მიეღო იარაღი, ზელენსკიმ განაცხადა, რომ მთავარი არა წარსულზე ფიქრი, არამედ აწმყოზე ფიქრია.ასევე აღნიშნა, რომ უკრაინას სჭირდება Patriot-ის საჰაერო თავდაცვის სისტემები, შორი დისტანციის იარაღი და მსგავსი შეიარაღება.ზელენსკის თქმით, ახლა ფრონტზე მდგომარეობა არ არის სამართლიანი, ძალები არათანაბარია.

ევროკავშირმა რუსეთის წინააღმდეგ სანქციების მე-13 პაკეტი მიიღო

1708684238

"უკრაინის წინააღმდეგ სრულმასშტაბიანი შეჭრისა და აგრესიული ომის შემდეგ ორი წლის შემდეგ, ევროკავშირი იღებს ინდივიდუალური და ეკონომიკური სანქციების მე-13 პაკეტს. საბჭომ დღეს - უკრაინაში რუსეთის სრულმასშტაბიანი შეჭრის დაწყებიდან მეორე წლისთავზე - მიიღო მე-13 შემაკავებელი ზომების პაკეტი პუტინის რეჟიმის წინააღმდეგ, ვინც პასუხისმგებელია მისი უკანონო, არაპროვოცირებული და გაუმართლებელი აგრესიული ომის გაგრძელებაზე და ვინც მას არსებითად უჭერს მხარს“, - აღნიშნულია ევროკავშირის საბჭოს განცხადებაში.ევროკავშირის საბჭომ გადაწყვიტა კიდევ 106 ფიზიკური და 88 იურიდიული პირის მიმართ შემაკავებელი ზომების შემოღება, რომლებიც პასუხისმგებელი არიან ქმედებებზე, რომლებიც ძირს უთხრიან ან საფრთხეს უქმნიან უკრაინის ტერიტორიულ მთლიანობას, სუვერენიტეტსა და დამოუკიდებლობას.დღეს შეთანხმებული ახალი სიები, უპირველეს ყოვლისა, მიმართულია სამხედრო და თავდაცვის სექტორებზე და მათთან დაკავშირებულ პირებზე, მათ შორის, ვინც მონაწილეობს რუსეთისთვის ჩრდილოეთ კორეის იარაღის მიწოდებაში, ასევე სასამართლო ხელისუფლების წარმომადგენლებზე, ადგილობრივ პოლიტიკოსებზე და უკანონო დეპორტაციასა და სამხედრო რეფორმებზე პასუხისმგებელ პირებზე.ამ პირების აქტივები ექვემდებარება გაყინვას და ევროკავშირის მოქალაქეებსა და კომპანიებს ეკრძალებათ მათთვის სახსრების გაცემა. აღნიშნული პირები დამატებით ექვემდებარებიან მოგზაურობის აკრძალვას.ევროკავშირის უმაღლესმა წარმომადგენელმა ჯოზეფ ბორელმა განაცხადა, ევროკავშირი აგრძელებს რუსეთზე ზეწოლას."დღეს ჩვენ კიდევ უფრო გავამკაცრებთ შემაკავებელ ზომებს რუსეთის სამხედრო და თავდაცვის სექტორის მიმართ, რომელიც მიზნად ისახავს მესამე ქვეყნების ახალი საწარმოების მიმართ, რომლებიც ამარაგებენ აღჭურვილობით, ასევე მათ, ვინც პასუხისმგებელია უკრაინელი ბავშვების უკანონო დეპორტაციასა და სამხედრო აღზრდაზე. ჩვენ ერთნი ვართ ჩვენს გადაწყვეტილებაში - შეირყეს რუსეთის სამხედრო მანქანა და დავეხმაროთ უკრაინას მოიგოს ლეგიტიმური ბრძოლა თავდაცვისთვის და აღადგინოს დამოუკიდებლობა, ტერიტორიული მთლიანობა და სუვერენიტეტი“, - განაცხადა ბორელმა.

უკრაინის გენშტაბი - უკრაინის დამცველებმა ერთ დღეში კიდევ 1000 ოკუპანტი გაანადგურეს

1708675416

ომის დაწყებიდან დღემდე რუსეთმა უკრაინაში დაახლოებით 408240 (+1000) ჯარისკაცი დაკარგა.ოკუპანტების სავარაუდო ჯამური საბრძოლო დანაკარგი უკრაინაში 25.02.22-დან 23.02.24-მდე: ტანკები - 6526 (+3), ჯავშანტექნიკა - 12410 (+37), საარტილერიო სისტემები - 9916 (+49), მრავალჯერადი სარაკეტო სისტემა - 999 (+2).საჰაერო თავდაცვის სისტემები - 682 (+2), თვითმფრინავები - 339 (+0), ვერტმფრენები - 325 (+0), ოპერატიულ-ტაქტიკური დონის დრონები - 7628 (+32), ფრთოსანი რაკეტები - 1903 (+0).მსუბუქი ჩქაროსნული ნავი/გემი - 25 (+0). წყალქვეშა ნავები - 1 (+0). საავტომობილო ტექნიკა და საწვავის ავზი - 12960 (+36), სპეციალური ტექნიკა - 1575 (+9).

"ევროკავშირის ქვეყნებმა სასწრაფოდ უნდა გადასცენ საბრძოლო მასალა უკრაინას"

1708631068

”უკრაინელი ჯარისკაცები განიცდიან სირთულეებს აგრესორთან ბრძოლაში, რადგან მათ არ აქვთ საბრძოლო მასალა”, - აღნიშნა ბორელმა.მან მოუწოდა ევროკავშირის ქვეყნებს, მხარი დაუჭირონ უკრაინას ყველანაირად, მათ შორის საკუთარ საწყობებში ჭურვების მოძიებით, ევროპული ინდუსტრიისგან დამოუკიდებელი და ერთობლივი შესყიდვებით, ბაზარზე უკვე არსებული საბრძოლო მასალის შეძენით ან უკრაინის ინდუსტრიის დაფინანსებით."მე მჯერა, რომ ერთად ჩვენ შეგვიძლია შევცვალოთ სიტუაცია - უკრაინისა და ევროპის უსაფრთხოებისთვის - მაგრამ ეს მოითხოვს დაუყოვნებლივ მოქმედებას. დროს გადამწყვეტი მნიშვნელობა აქვს", - განაცხადა ბორელმა.

"პოლონეთ-უკრაინის საზღვარი სამხედრო და ჰუმანიტარული დახმარებისთვის განიბლოკება"

1708614650

მისი თქმით, პოლონეთი გზებსა და რკინიგზას კრიტიკული ინფრასტრუქტურის სიას დაამატებს, რათა სამხედრო და ჰუმანიტარულმა ტვირთმა შეუფერხებლად გაიაროს საზღვარი."იმისთვის, რომ სამხედრო, ჰუმანიტარულმა და სამედიცინო დახმარებამ უკრაინულ მხარეს დაუყოვნებლად მიაღწიოს, კრიტიკული ინფრასტრუქტურის ჩამონათვალში შევიტანთ საგუშაგოებს უკრაინასთან და გზებისა და რკინიგზის მითითებულ მონაკვეთებს. ეს უახლოესი რამდენიმე საათის საკითხია", - განაცხადა ტუსკმა.პოლონეთის პრემიერმა აღნიშნა, რომ ეს გადაწყვეტილება გულისხმობს გზებსა და მაგისტრალებზე განსხვავებული ტიპის ორგანიზაციულ რეჟიმს.ტუსკმა ასევე ხაზგასმით აღნიშნა, რომ ჯერჯერობით უკრაინაში დახმარების ტრანსპორტირებასთან დაკავშირებით მნიშვნელოვანი პრობლემები არ ყოფილა.

ბრიტანეთმა უკრაინის დახმარების ახალი პაკეტი გამოაცხადა

1708613569

"დღეს შემიძლია გამოვაცხადო 200 ტანკსაწინააღმდეგო რაკეტის ახალი პარტია Brimstone-ს შესახებ, როგორც უკრაინის თავდაცვის შემდგომი გაძლიერება“, - აღნიშნა მან.მისი თქმით, რაკეტებს ადრე მნიშვნელოვანი გავლენა ჰქონდათ ბრძოლის ველზე, ერთ შემთხვევაში, რამაც გამოიწვია რუსული ჯარების მიტოვება და უკან დახევა მდინარის გადაკვეთის მცდელობისას.მისივე თქმით, გაერთიანებული სამეფო სხვა მოკავშირეებთან ერთად დამატებით უკრაინულ ჯარს გაწვრთნის და 2024 წლის პირველ ნახევარში კიდევ 10 000 ადამიანს მოამზადებენ.

ბერბოკი ლავროვს - "თუ თქვენ ზრუნავთ ხალხის სიცოცხლეზე, თუ თქვენ ზრუნავთ საკუთარ ხალხზე, უნდა დაასრულოთ ეს ომი ახლავე"

1708587328

"თუ თქვენ ზრუნავთ ხალხის სიცოცხლეზე, თუ თქვენ ზრუნავთ საკუთარ ხალხზე, რუს ბავშვებსა და ახალგაზრდა ხალხზე, უნდა დაასრულოთ ეს ომი ახლავე", – მიმართა ბერბოკმა ლავროვს.გერმანიის საგარეო საქმეთა მინისტრმა ასევე აღნიშნა, რომ რუსეთის უკრაინაში შეჭრა უფრო მეტია, ვიდრე რეგიონული კონფლიქტი.„რუსული ომის აგრესია ჩვენ, ყველას გამოწვევის წინაშე გვაყენებს, მტკიცედ დავიცვათ ფუნდამენტური პრინციპები, რომლებიც ყველას გვიცავს გაეროს წესდებაში, საერთაშორისო კანონმდებლობასა და ადამიანის უფლებებში. ეს პრინციპები იცავს ყველა ერს, არ აქვს მნიშვნელობა, რამდენად დიდია ან პატარა ერი“, – აღნიშნა ბერბოკმა.

"კარგი შედეგებია - ერთ კვირაში შვიდი რუსული საბრძოლო თვითმფრინავი"

1708587157

"მინდა მადლობა გადავუხადო ჩვენ საჰაერო ძალებს, ყველას, ვინც იცავს ჩვენ ცას. კარგი შედეგებია რუსული სამხედრო თვითმფრინავებთან დაკავშირებით. ერთ კვირაში შვიდი საბრძოლო თვითმფრინავი – რუსული "სუ" ჩამოაგდეს. მადლობა ჩვენს მეომრებს თქვენი სიზუსტისთვის.ჩვენი ქვეყნის ერთ-ერთი მთავარი ამოცანა წელს არის ცის და ჩვენი ფრონტის პოზიციების დაცვა რუსული საჰაერო და სარაკეტო თავდასხმებისგან", - განაცხადა ზელენსკიმ.