ბიზნესი და ეკონომიკა
"საქართველოს ბანკისა" და UNDP-ის მეწარმე ქალთა განვითარების პროგრამაზე მიღება დაიწყო

1708597896

პროგრამა ქალ ლიდერებს, რომლებიც მცირე და საშუალო ზომის ბიზნესებსა და საწარმოებს წარმოადგენენ, 360°-იან მხარდაჭერას სთავაზობს. იგი ოთხ ღირებულებას - ცოდნას, მხარდაჭერას, გამოცდილებასა და თანამშრომლობას ემყარება. პროგრამა ინტენსიურ საინფორმაციო-საგანმანათლებლო შეხვედრებს, ონლაინ კურსებს, მენტორობას მოიცავს და დამწყებ თუ გამოცდილ მეწარმეებს ბიზნესის გაძლიერებაში ეხმარება. პროგრამის საინფორმაციო-საგანმანათლებლო შეხვედრების პარტნიორია EFSE Entrepreneurship Academy.ბიზნესის წარმოების საფუძვლები, გაყიდვები, ციფრული მარკეტინგი, ადამიანის უფლებები, ლიდერობა, გუნდის მართვა, ფინანსები, ბიზნესის დაგეგმვა და კომუნიკაციები - ეს ის საკითხებია, რომლებზეც პროგრამის მონაწილეებს გამოცდილი მენტორები გაესაუბრებიან.პროგრამის ნაწილია პროფესიული კავშირების დამყარება და ქსელის გაფართოება, რაც მეწარმეების გაძლიერებისთვის განსაკუთრებით პრიორიტეტულია. ამასთან, მონაწილეებს აქვთ უნიკალური შესაძლებლობა, საკუთარი ბიზნესის გამოწვევები მენტორებთან ინდივიდუალურ კონსულტაციაზე განიხილონ და გადაჭრის გზებზერჩევა მიიღონ. მას შემდეგ, რაც 200 მეწარმე ქალი თეორიულ გადამზადებას გაივლის, გაეროს განვითარების პროგრამა, პროექტის ფარგლებში, მათთვის საგრანტო კონკურსს გამოაცხადებს.მეწარმე ქალთა განვითარების პროგრამაში მონაწილეობა დამწყებ ან გამოცდილ ქალ მეწარმეებს, საქართველოს ნებისმიერი კუთხიდან და ნებისმიერი სფეროდან შეუძლიათ; მათ, ვისაც აქვთ მზაობა და სურვილი, პროგრამას დაუთმონ დრო."საქართველოს ბანკი ბიზნესის მხარდაჭერაზე ორიენტირებული ფინანსური ინსტიტუტია, რომლისთვისაც პრიორიტეტულია ქალი მეწარმეების გაძლიერება. ჩვენ მუდმივად ვიკვლევთ მცირე და საშუალო ბიზნესის საჭიროებებს და ვცდილობთ, ფინანსური თუ არაფინანსური პროდუქტებით დავაკმაყოფილოთ ეს საჭიროებები. მოხარული ვართ, რომ გვაქვს შესაძლებლობა, UNDP-სა და შვედეთის მთავრობასთან ერთად, მივიღოთ მეწარმე ქალთა გაძლიერების პროგრამის მორიგი ნაკადი, გავუზიაროთ მათ ღირებული ინფორმაცია და მივცეთ დამატებითი შესაძლებლობები, რათა საკუთარი საქმიანობა ახალ ეტაპზე გადაიყვანონ“, - ამბობს რუსუდან ბარათაშვილი.პროგრამაში განაცხადის მიღება 1 მარტს სრულდება. რეგისტრაციისთვის ესტუმრეთ საქართველოს ბანკის ვებგვერდს.

თიბისის მხარდაჭერით, AD BLACK SEA-ს გუნდი Tbilisi Design Festival 2024-ს გამართავს

1708597120

თიბისი და AD BLACK SEA ფესტივალის დაარსებიდან, 2015 წლიდან პარტნიორები არიან. თიბისისთვის, შემოქმედებითი ინდუსტრიის მხარდაჭერა და მისი განვითარება ერთ-ერთი მნიშვნელოვანი მიმართულებაა. ღონისძიების თბილისში ჩატარება AD BLACK SEA-ს შემოქმედებითი პლატფორმის ზრდასა და დიზაინის მიმართულების განვითარებაში მნიშვნელოვან წვლილს შეიტანს.პროგრამა მოიცავს სხვადასხვა ლექცია-სემინარს, პანელურ დისკუსიასა და ვორკშოპს, რომლებსაც სფეროს წამყვანი ადგილობრივი და უცხოელი დიზაინერები და ილუსტრატორები გაუძღვებიან. ღონისძიების ფარგლებში სტუმრები გაეცნობიან ინდუსტრიაში არსებულ ტენდენციებს და საშუალება ექნებათ დაესწრონ მსოფლიოში სფეროს წამყვანი სპეციალისტების სემინარებს. ფესტივალის საპატიო სტუმარი იქნება ავსტრიელი დიზაინერი სტეფან საგმაისტერი, რომელსაც კარიერის განმავლობაში უმუშავია ისეთ ცნობილ პროექტებზე, როგორებიცაა - როლინგ სტოუნსის ალბომის ქავერი, HBO, გუგენჰაიმის მუზეუმი და სხვები.თანამედროვე სამყაროში, დიზაინი არამხოლოდ შემოქმედებით ინდუსტრიაში, არამედ ყოველდღიურ ცხოვრებაში გვხვდება. თიბისისთვის მნიშვნელოვანია ხელი შეუწყოს საქართველოში დიზაინ ინდუსტრიის განვითარებას, მის გამრავალფეროვნებას და სფეროს საერთაშორისო და ადგილობრივი პროფესიონალების გამოცდილების ახალი თაობისთვის გაზიარებას. 

ავიაკომპანია Jazeera Airways საქართველოში ახალ მიმართულებას ამატებს

1708586877

ავიაკომპანიის მიერ საქართველოს სამოქალაქო ავიაციის სააგენტოში წარმოდგენილი განაცხადის მიხედვით, ფრენები ელ ქუვეითსა და ბათუმს შორის 2024 წლის 14 ივნისიდან, 16 სექტემბრამდე, კვირაში 7 სიხშირით შესრულდება. რეგულარული საჰაერო მიმოსვლის განხორციელების ნებართვა Jazeera Airways-ს სააგენტომ 2024 წლის 20 თებერვალს მიანიჭა.ელ ქუვეითი - ბათუმი - ელ ქუვეითის მიმართულება ახალია ავიაკომპანიისთვის. ამ ეტაპისთვის, „Jazeera Airways“ რეგულარულ რეისებს ელ ქუვეითი - თბილისი - ელ ქუვეითის საჰაერო ხაზზე ახორციელებს. 

"საქართველოს ბანკი" ბიზნეს მომხმარებლებისთვის Ads მენეჯერის ვებინარს გამართავს

1708512803

ვებინარის მონაწილეებს შესაძლებლობა ექნებათ გაიგონ თუ როგორ შექმნან ფასდაკლების, ქეშბექის ან, თუნდაც, PLUS ქულის შეთავაზება 1,400 000-ზე მეტი აქტიური მომხმარებლისთვის Ads მენეჯერის დახმარებით  - მობილბანკში, sCoolApp-სა და Offers.bog.ge-ზე და გაზარდონ ბიზნესის გაყიდვები. ამასთანავე, ისინი მიიღებენ ინფორმაციას ციფრული სასაჩუქრე ბარათების შესახებ, რომელიც ბიზნესებს საშუალებას აძლევს საკუთარი პროდუქტი თუ სერვისი საუკეთესო საჩუქრად აქციონ.ვებინარი გაიმართება ონლაინ, ზუმის მეშვეობით. შეხვედრაზე დასასწრებად აუცილებელია გაიაროთ რეგისტრაცია."ჩვენთვის მნიშვნელოვანია ბიზნეს მომხმარებლებს შევთავაზოთ ისეთი ინოვაციური პროდუქტები, რომელიც ხელს შეუწყობს მათი ბიზნესის ზრდას და განვითარებას. შეთავაზების მართვის ახალი პლატფორმა - Ads მენეჯერი საქართველოს ბანკის ახალი პროდუქტია, რომელიც რამდენიმე თვის წინ შევთავაზეთ ჩვენს მომხმარებლებს და  ის ბიზნესებს მონაცემებზე დაფუძნებით გადაწყვეტილებების მიღების საშუალებას აძლევს. Ads მენეჯერის და სასაჩუქრე ბარათების გამოყენება ახლა განსაკუთრებით აქტუალურია, რადგან გაზაფხულის დღესასწაულები ახლოვდება და კიდევ უფრო მეტი ადამიანი ელოდება მათთვის საინტერესო შეთავაზებებს. ვებინარზე ვისაუბრებთ Ads მენეჯერის ყველა იმ შესაძლებლობაზე, რაც ბიზნეს მომხმარებლებისთვის 1 სივრცეში არის ხელმისაწვდომი, როგორ უნდა გამოიყენონ ის. ეს კიდევ ერთი კარგი ინსტრუმენტია მათთვის, ვინც საკუთარი ბიზნესისთვის ახალ შესაძლებლობებს ეძებს“, - განაცხადა გიორგი კინწურაშვილმა, საქართველოს ბანკის ციფრული საბანკო ეკო სისტემის სამსახურის უფროსმა.ვებინარზე რეგისტრაციისთვის ეწვიეთ ბმულს.

სემეკსა და აზერბაიჯანის ენერგეტიკის მარეგულირებელ სააგენტოს შორის თანამშრომლობის მემორანდუმი გაფორმდა

1708506784

თანამშრომლობის საფუძველს წარმოადგენს ენერგეტიკის სექტორის რეგულირების განვითარების ხელშეწყობა.მემორანდუმის მიზანია ენერგეტიკის რეგულირების სფეროში მხარეთა შორის ინფორმაციის გაცვლა როგორც საკანონმდებლო, ასევე მათ კომპეტენციებში არსებულ სხვადასხვა საკითხებზე, განახლებადი ენერგიისა და ენერგოეფექტურობის რეგულირების შესახებ ერთობლივი სასწავლო პროგრამების, სასწავლო ვიზიტების, ექსპერტთა ტრენინგების ორგანიზება.

ეკონომიკის ოლიმპიადაზე რეგისტრაცია დაიწყო - პროექტის მხარდამჭერია "საქართველოს ბანკი"

1708503932

ოლიმპიადაში მონაწილეობის მისაღებად საჭიროა, სკოლიდან ერთმა მასწავლებელმა დაარეგისტრიროს სკოლა ამ ბმულზე. რეგისტრაციის გავლის შემდეგ, დარეგისტრირებული მასწავლებელი ეკონომიკის საერთაშორისო ოლიმპიადის კოორდინატორი გახდება.სკოლების რეგისტრაცია 29 თებერვალს დასრულდება. დეტალური ინფორმაციის მისაღებად ეწვიეთ ვებგვერდს.სკოლის დარეგისტრირების შემდეგ, მოსწავლეებს ექნებათ შესაძლებლობა ოლიმპიადაში მონაწილეობასთან დაკავშირებით დეტალური ინფორმაცია საკუთარი სკოლის მასწავლებლებისგან მიიღონ.ოლიმპიადა რამდენიმე რაუნდად ჩატარდება და მასში მონაწილეობას მე-10, მე-11 და მე-12 კლასის მოსწავლეები მიიღებენ. სკოლის ტური ონლაინ, ხოლო ეროვნული ტური კი ფიზიკურ ფორმატში გაიმართება.ოლიმპიადის ფარგლებში 5 გამარჯვებული გამოვლინდება, რომლებიც ეკონომიკის საზაფხულო ბანაკში საერთაშორისო რაუნდში ასპარეზობისთვის მოემზადებიან. წელს საერთაშორისო ტური საბერძნეთში გაიმართება, სადაც ერთმანეთს პროექტში მონაწილე ქვეყნების გამარჯვებულები შეეჯიბრებიან."საქართველოს ბანკი განათლების შესაძლებლობების შექმნას განაგრძობს. სწორედ ამ მიზნით ჩვენ 40-ზე მეტ პროექტს ვახორციელებთ და ვუჭერთ მხარს. ჩვენთვის განსაკუთრებული მნიშვნელობა ფინანსურ განათლებას ენიჭება - გვინდა, ხელი შევუწყოთ ახალგაზრდების ამ სფეროთი დაინტერესებას, მათში ეკონომიკური ცნობიერების ამაღლებას და განვითარებას. ამიტომ, ეკონომიკური წიგნიერების ინიციატივის მიერ ორგანიზებული ეკონომიკის ოლიმპიადის მხარდამჭერები ვართ. პირველად ოლიმპიადა შარშან გაიმართა, რომელზეც 342 სკოლის 1200-ზე მეტი მოსწავლე დარეგისტრირდა, საერთაშორისო რაუნდში კი  საქართველოს წარმომადგენლებმა ჯამური რეიტინგით 20 ქვეყანას შორის მეხუთე ადგილი დაიკავეს. რაც ახალბედა მონაწილისათვის ძალიან კარგი შედეგია. ვიმედოვნებთ, რომ წელს კიდევ უფრო მეტად გაიზრდება ოლიმპიადაში მონაწილე მოსწავლეთა რაოდენობა და კიდევ უფრო გავაუმჯობესებთ ჩვენს საერთაშორისო რეიტინგს“, - აღნიშნავს ანა ლომთაძე, საქართველოს ბანკის კორპორატიული სოციალური პასუხისმგებლობის (CSR) მიმართულების ხელმძღვანელი.ინფორმაციისთვის, ეკონომიკის ოლიმპიადა ორგანიზაცია GELi-ს ინიციატივით და საქართველოს ბანკის მხარდაჭერით, საერთაშორისო ორგანიზაცია INEV-ის მანდატის ქვეშ ხორციელდება. 

გახდი თიბისის ტექსკოლის მონაწილე

1708500827

თიბისის ტექსკოლაში 2024 წლის გაზაფხულის სემესტრზე მოსწავლეთა მიღება დაიწყო. კურსები, რომლებიც აქამდე, მხოლოდ მე-10 და მე-11 კლასის მოსწავლეებისთვის იყო განკუთვნილი, ახლა უკვე მეცხრედან მეთორმეტე კლასის ჩათვლით მსურველებს გთავაზობთ შეისწავლოთ მომავლის პროფესიები.კურსებზე რეგისტრაცია 20 თებერვალს იწყება და 3 მარტის ჩათლით გაგრძელდება.არ გადადო, აირჩიე შენთვის სასურველი კურსი და გახდი თიბისის ტექსკოლის მონაწილე:ვებგვერდების აწყობა (Front End: HTML, CSS)UI/UX დიზაინი ვებგვერდების პროგრამირება (Back End - Python)მობილური აპლიკაციების შექმნაგრაფიკული დიზაინიციფრული მარკეტინგი ფოტო-ვიდეოგრაფიათიბისიმ, ტექსკოლა გასულ წელს დააარსა და მას უკვე 1200-ზე მეტი მონაწილე ჰყავს. სასწავლო პროგრამები ჯეოლაბთან პარტნიორობით შეიქმნა და განკუთვნილია ტექნოლოგიებით დაინტერესებული, საქართველოს ნებისმიერ რეგიონში მცხოვრები უფროსკლასელებისთვის. ტექსკოლის კურსების გავლის შემდეგ, თიბისი გაძლევთ შესაძლებლობას სწავლა უკვე თიბისის IT აკადემიაში  გააგრძელოთ.თიბისის თავისი საგანმანათლებლო მიმართულებებით, იქნება ეს - ტექსკოლა, IT აკადემიის პროგრამები თუ თიბისის მხარდაჭერით განხორციელებული პროექტები, ქმნის პლატფორმებს, რომლებიც სხვადასხვა ასაკის და ინტერესის ადამიანებს აძლევს შესაძლებლობას დაეუფლონ ახალ პროფესიებს ან გაიღრმაონ ცოდნა სასურველი მიმართულებით. 

თიბისის მხარდაჭერით, კომპლექსი - "ოტიუმი ბელიაშვილზე" შენდება

1708500416

პირველი ფაზის ფარგლებში, რომელიც 2025 წლის დეკემბერში დასრულდება, დაგეგმილია 2 საცხოვრებელი ბლოკისა და მათ გარშემო სრული ინფრასტრუქტურის მშენებლობა. მეორე ფაზის ფარგლებში კი, პრემიუმ კლასის აპარტჰოტელი, ბიზნესცენტრი და მულტიფუნქციური სავაჭრო ცენტრი აშენდება. მეორე ფაზის დასრულება 2026 წელს იგეგმება.კომპლექსის პირველი ფაზა ჯამში 186 ბინას, 3000 კვ.მ რეკრეაციულ სივრცეს და ორდონიან მიწისქვეშა ავტოსადგომს აერთიანებს. მანქანებისგან თავისუფალი, შიდა, გამწვანებული ეზო კეთილმოწყობილი იქნება სარბენი, ველო და საფეხმავლო ბილიკებით, საბავშვო სათამაშო მოედნებით, ელექტრო სკუტერების სადგომებითა და დამტენებით.კომპლექსის მეორე ფაზა 1500 კვ.მ ფართობზე A კლასის ოფისებს, 3100 კვ.მ კომერციულ სივრცეს, კვების მოლს, პრემიუმ კლასის აპარტჰოტელს, გამწვანებულ ტერასებს, საცხოვრებელ ბინებსა და მიწისქვეშა ავტოსადგომს აერთიანებს.კომპლექსი უმაღლესი ხარისხის ენერგოეფექტური სამშენებლო მასალით შენდება, რომელიც ხმის და თბოიზოლაციას უზრუნველყოფს და მცხოვრებლებს შესაძლებლობას მისცემს კომუნალური ხარჯები 40%-ით დაზოგონ.პროექტის მცხოვრებლები - სახანძრო სისტემის, დასუფთავების, გამწვანებისა და მებაღეობის სერვისებით, ასევე უსაფრთხოების 24 საათიანი ინსპექტირებით ისარგებლებენ.დაინტერესებულ პირებს შეგიძლიათ მშენებლობის პროცესშივე ისარგებლოთ თიბისის გამარტივებული იპოთეკური სესხის პირობით.პროექტის შესახებ დეტალებს გაეცანით ბმულებზე:https://www.otium.com.ge/https://www.facebook.com/OtiumDevelopment

"საქართველოს ბანკის" მხარდაჭერით "გრადა პარკის“ საცხოვრებელი კომპლექსი შენდება

1708429671

პროექტის ჯამური ღირებულება 25 მილიონი დოლარია, ბანკის მიერ განხორციელებული ინვესტიცია 20.1 მილიონ დოლარს შეადგენს.გრადა პარკის ახალი პროექტი 13,000 კვ.მ ფართობზე  შენდება. ის ოთხი 13 სართულიანი საცხოვრებელი კორპუსის მშენებლობას გულისხმობს, რაც ჯამში 582 ბინას გააერთიანებს. კომპლექსი უახლოესი ტექნოლოგიებით იქნება აღჭურვილი და ის კომერციულ ფართების, რეკრეაციულ ზონის, კალათბურთის და ფეხბურთის მოედნების, ველობილიკების, სასეირნო და სარბენი სივრცეების, ელექტრო მანქანების დამტენი ზონის, მიწისქვეშა ავდოსადგომისა და სხვა სივრცეების მოწყობას ითვალისწინებს.კომპლექსის მშენებლობა 2022 წელს დაიწყო და 2026 წელს დასრულდება."გრადა დეველოპმენტი უკვე 7 წელია, თბილისის ყველაზე მზარდ განვითარებად უბანში - დიღომში ქმნის კომფორტული ცხოვრების ახალ, თანამედროვე სტანდარტს. კომპანიის მიერ დასრულებულ საცხოვრებელ პროექტებში დღეს 1,000-მდე ოჯახი ცხოვრობს. საქართველოს ბანკთან დაარსების დღიდან ვთანამშრომლობთ და ყველა პროექტი ერთობლივად გვაქვს  განხორციელებული. „გრადა პარკი“ ჩვენი ახალი საერთო პროექტია, რომელიც მცხოვრებლებისთვის ყველა საჭირო სივრცეს გააერთიანებს და შეუქმნის ჯანსაღ და მყუდრო გარემოს, სადაც მათ ექნებათ დასვენებისა და განტვირთვის საშუალება. აღსანიშნავია, რომ პროექტები ენერგოეფექტურია, ის მაღალი ხარისხის მასალებისგან შენდება და აღჭურვილია მსოფლიო სტანდარტების შესაბამისი სახანძრო უსაფრთხოების სისტემით, რაც ჩვენს მცხოვრებლებს კომფორტული და მშვიდი ცხოვრების გარანტიას აძლევს“, - განაცხადა ნათია ლაბაძემ, გრადა დეველოპმენტის აღმასრულებელმა დირექტორმა. 

"2024 წლის მაკროეკონომიკური მოლოდინები და 5 მთავარი თემა“ - თიბისი კაპიტალმა ახალი პუბლიკაცია წარადგინა

1708424663

2024 წელს, თიბისი კაპიტალი, კვლევების მიმართულებით, ახალ ეტაპზე გადადის და სექტორების ზოგად მიმოხილვასთან ერთად, ბიზნესის მხრიდან დასახელებულ კონკრეტულ კითხვებს სცემს პასუხს, ვინაიდან, პარტნიორების მხრიდან, სულ უფრო მზარდია მოთხოვნა გადაწყვეტილებების მიღების პროცესში დახმარებაში.რთული გეოპოლიტიკური გარემო, არჩევნების ციებ-ცხელება მსოფლიოში, საქართველოში მიგრაციული ნაკადების ცვლილება და სამუშაო ძალის დეფიციტი, საპროცენტო განაკვეთები და ინფლაცია - ეს მოვლენები 2024 წელს საქართველოს ბიზნესკლიმატს განსაზღვრავს.რთული გეოპოლიტიკური გარემო2023 წლიდან რეგიონში მომატებული გეოპოლიტიკური დაძაბულობა, დამატებით გამოწვევებს ქმნის. ისრაელი-ჰამასის ომი საქართველოს ტურიზმისთვის რისკს წარმოადგენდა. თუმცა, საქართველოს ეკონომიკაზე აღნიშნული ომის ნეგატიური გავლენა, თითქმის დასრულებულია.2023 წელს ისრაელის წილი საქართველოს იმპორტში - 0.1%, ექსპორტში - 0.3%, ფულად გზავნილებში - 5.2%, ტურიზმიდან მიღებულ შემოსავლებში კი 7% იყო. თიბისი კაპიტალის შეფასებით, 2024 წლის იანვარში, საქართველოში ისრაელელი ტურისტების დანახარჯები წლიურად 18%-ით გაიზარდა.საქართველოზე ისრაელის კონფლიქტის გავლენის შესამცირებლად, ტურისტული ობიექტების, განსაკუთრებით კი - ბათუმის ტურისტული ობიექტების მხრიდან, ევროპისა და აზიის მაღალმხარჯველუნარიან ბაზრებზე მარკეტინგული აქტივობის გაძლიერებაა საჭირო.წითელი ზღვის კრიზისი მსოფლიოში ინფლაციის შეკავებას ართულებს. სუეცის არხზე მსოფლიო სავაჭრო გადაზიდვების - 12% და საკონტეინერო გადაზიდვების 30% მოდის. გადაზიდვის ახლანდელი ღირებულება 2021 წლის მაჩვენებელზე ნაკლებია. 2024 წელს გადაზიდვის დრო 25-30%-ით გაიზრდება, კონტეინერით გადაზიდვის ხარჯი კი, 2023 წლის დეკემბერთან შედარებით, 2.5-3 ჯერ მეტი  იქნება.წითელი ზღვის კრიზისმა მიწოდების ჯაჭვი საქართველოშიც შეაფერხა. ტრანსპორტირების  დრო - 50%-ით, ტრანსპორტირების ტარიფი - 100-150%-ით, პროდუქტის თვითღირებულება კი 5%-მდე გაიზარდა. აღსანიშნავია, რომ სამხრეთ აღმოსავლეთ აზიის ქვეყნების წილი საქართველოს მთლიან იმპორტში 15.3%-ია. რეგიონიდან იმპორტის 80% ზღვით შემოდის. რთულია სხვა ქვეყნებზე გადართვა, რადგან დიდია განსხვავება ფასსა და ასორტიმენტში. წითელი ზღვის კრიზისი გამოწვევას უქმნის იმპორტიორებს და მარჟის ხარჯზე ფასები შენარჩუნდება თუ გაიზრდება - კრიზისის ხანგრძლივობაზე იქნება დამოკიდებული.წითელი ზღვის კრიზისი  საქართველოში ინფლაციის რისკებს არ ქმნის. სამხრეთ-აღმოსავლეთ აზიიდან საქართველოში იმპორტირებული პროდუქტების წონა სამომხმარებლო კალათაში 1.33%-ია.არჩევნების ციებ-ცხელება მსოფლიოში2024 წელს მსოფლიოს მოსახლეობის 46% მომდევნო წლების პოლიტიკურ და ეკონომიკურ გეზს ირჩევს.ბაიდენის პოლიტიკა საგარეო ვაჭრობის ზომიერ პროტექციონიზმს, მიმდინარე მონეტარული პოლიტიკის შენარჩუნებას და უკრაინის მხარდაჭერას პროგნოზირებს. ტრამპის პოლიტიკა კი - საგარეო ვაჭრობის ძლიერ პროტექციონიზმს, ნაკლებად პროგნოზირებად მონეტარულ პოლიტიკას და საგარეო პოლიტიკაში იზოლაციონისტურ პოზიციას, რაც ნატოს იდეის რისკის ქვეშ დაყენებას გულისხმობს.არჩევნების შედეგებმა, შესაძლოა, მნიშვნელოვნად შეცვალოს მსოფლიოს წამყვანი ქვეყნების პოლიტიკა რეგიონის მიმართ. საბაზისო სცენარში გაცვლითი კურსის მერყეობა არ არის მოსალოდნელი, მაგრამ სტრესული გარემოებების მიმართ მედეგობისთვის, სავალუტო რისკების ჰეჯირება მნიშვნელოვანი იქნება.საქართველოში მიგრაციული ნაკადების ცვლილება2023 წელს რუსეთიდან შემოსული მიგრანტების 17%-მა დატოვა საქართველო.მიგრანტების შემოსვლის შედეგად, თბილისში ბინის ქირის საშუალო თვიური ფასი 800$-ია, რაც აღემატება ბინის ქირის საშუალო თვიურ ფასს თურქეთის, ესტონეთის, სლოვაკეთის, ლატვიის, უნგრეთის, ყაზახეთის, რუმინეთის, ბულგარეთისა და ბოსნია ჰერცოგოვინას დედაქალაქებში.2024 წელს, მიგრანტების ნაწილობრივი გადინების მიუხედავად, თიბისი კაპიტალი ეკონომიკის 5.6%-ით ზრდას და სტაბილურ გაცვლით კურსს პროგნოზირებს.საქართველოში 2024 წელს მიგრანტების გადინება ტურიზმის გაძლიერებით და ადგილობრივი მოხმარების ზრდით დაბალანსდება. 2023 წელთან შედარებით, 2024 წელს მიგრანტების დანახარჯების წილი ტანსაცმლით საცალო ვაჭრობაში - 4.3%-იდან 3.0%-მდე, ტექნიკაში - 2.4-იდან 1.7%-მდე, FMCG სექტორში კი 2.2%-იდან 1.6%-მდე შემცირდება. ამის პარალელურად, თიბისი კაპიტალის პროგნოზით, 2024 წელს ბრუნვა ტანსაცმლის სექტორში - 16%-ით, ტექნიკის სექტორში - 13%-ით, FMCG სექტორში კი - 10%-ით გაიზრდება.საცხოვრებელი ფართის საშუალო გასაყიდი ფასი 2024 წელს, 2023 წელთან შედარებით, დაიკლებს და 1000-1200$-ის ფარგლებში იქნება, საიდანაც მიგრაციის ეფექტი 19% იქნება, მაშინ, როდესაც ბინის ფასების მატებაში მიგრაციის ეფექტი 2023 წელს 28%-იყო. საცხოვრებელი ფართის კვ.მ-ის საშუალო გასაქირავებელი ფასი 2024 წელს 10-12$ იქნება, საიდანაც მიგრაციის ეფექტი 54% იქნება. გასულ წელს, ქირის ფასის მატებაში მიგრაციის ეფექტი 72% იყო.უძრავი ქონების გაყიდვების დაგეგმვისას, მნიშვნელოვანია მიგრაციული ნაკადის დროებითობის გათვალისწინება.სამუშაო ძალის დეფიციტიმოსახლეობის დაბერების, კადრების გადინებისა და დაბალი შობადობის გამო,  საქართველოში სამუშაო ძალის დეფიციტი გრძელვადიანი გამოწვევაა. ბოლო 5 წლის განმავლობაში, სამუშაო ძალა ქვეყანაში, საშუალოდ, 0.2%-ით შემცირდა, საშუალო ხელფასი კი 10%-ით გაიზარდა. საშუალო ხელფასი ყველაზე საგრძნობლად რამდენიმე სექტორში გაიზარდა:ინფორმაცია და კომუნიკაცია: +17%განათლება: +12%მრეწველობა: +12%მშენებლობა: +12%2024 წელს ისევ მოსალოდნელია საქართველოში სამუშაო ძალის შემოდინება უფრო დაბალშემოსავლიანი მეზობელი ქვეყნებიდან.მშენებლობის მიმართულებით, საქართველოში თვიური ანაზღაურება უფრო მაღალია, ვიდრე აზერბაიჯანში, თურქეთში, სომხეთსა და უზბეკეთში.ვაჭრობის, განთავსებისა და საკვების მიწოდების მიმართულებით, საქართველოში თვიური ანაზღაურება უფრო მაღალია, ვიდრე აზერბაიჯანში, სომხეთსა და უზბეკეთში.სოფლის მეურნეობის, ინფორმაციისა და კომუნიკაციების მიმართულებით,  საქართველოში თვიური ანაზღაურება უფრო მაღალია, ვიდრე აზერბაიჯანსა და უზბეკეთში.საქართველოში სამუშაო ძალის დეფიციტი გაგრძელდება და ამ დეფიციტთან გასამკლავებლად, გამოსავალი დაბალშემოსავლიანი მეზობელი ქვეყნების პოტენციალის ათვისებაა.საპროცენტო განაკვეთები და ინფლაცია2024 წელს მსოფლიოში, ცენტრალური ბანკების მიერ, მონეტარული პოლიტიკის განაკვეთების შემცირებაა მოსალოდნელი.გაეცანით თიბისი კაპიტალის პუბლიკაციას ბმულზე.(R)