სამართალი
ქრთამის აღების ფაქტზე საგანგებო სიტუაციების კოორდინაციისა და გადაუდებელი დახმარების ცენტრის სამი ყოფილი თანამშრომელი დააკავეს

1711711422

"ჩატარებული გამოძიებით დგინდება, რომ სსიპ საგანგებო სიტუაციების კოორდინაციისა და გადაუდებელი დახმარების ცენტრის ჰოსპიტალიზაციის ცვლის უფროსის მოადგილე - თ.  მ. და ჰოსპიტალიზაციის მენეჯერები - ნ. კ. და რ. ც.,  თანამდებობაზე ყოფნის პერიოდში, კორუფციულ გარიგებაში შევიდნენ სააქციო საზოგადოება „ვიანის” წარმომადგენელ ნ. ჟ-სა და მ. ხ-სთან  და სოლიდური ფულადი ანაზღაურების სანაცვლოდ, სასწრაფო-სამედიცინო დახმარების ცენტრში შესული მოთხოვნის საფუძველზე, პაციენტთა ელექტრონული მართვის პროგრამაში ხელოვნური ჩარევით, ავადმყოფთა გადაუდებელ ჰოსპიტალიზაციას ახდენდნენ არა უახლოეს სამედიცინო დაწესებულებაში, არამედ სააქციო საზოგადოება "ვიანისადმი” დაქვემდებარებულ კლინიკებში.აღნიშნული დანაშაულებრივი სქემის გამოყენებით, 2020 წლის 1 იანვრიდან 2023 წლის 31 ივლისის ჩათვლით პერიოდში, სამედიცინო დაწესებულებებში რამდენიმე ათასი პაციენტის გადამისამართების სანაცვლოდ, ნ. კ-მ, რ. ც-მ და თ. მ-მ კლინიკებისაგან ქრთამის სახით მიიღეს, ჯამში, 532 126 ლარის ოდენობის ფულადი თანხა.თავის მხრივ, კლინიკების წარმომადგენელმა, ნ. ჟ-მ მოხელეთათვის ქრთამის მიცემის გზით, პაციენტების მოზიდვისათვის ბონუსის სახით მიიღო 149 010 ლარის, ხოლო მ. ხ-მ 76 771 ლარის შემოსავალი.გამოძიება წინასწარი შეთანხმებით ჯგუფის მიერ განსაკუთრებით დიდი ოდენობით ქრთამის აღებისა და უკანონო ქმედების ჩასადენად ქრთამის მიცემის ფაქტზე მიმდინარეობს საქართველოს სსკ-ის 338-ე მუხლის მეორე ნაწილის „გ“, მესამე ნაწილის „ე“ ქვეპუნქტითა და 339-ე მუხლის მე-2 ნაწილით, რაც სასჯელის სახით ითვალისწინებს თავისუფლების აღკვეთას ვადით 11-დან 15 წლამდე.გამოძიებას აწარმოებს სახელმწიფო უსაფრთხოების სამსახურის ანტიკორუფციული სააგენტო", - აცხადებენ სუსში.

"შალვა თათუხაშვილის გარდაცვალებიდან უკვე 10 წელი გავიდა, თუმცა დღემდე არსებობს პასუხგაუცემელი კითხვები"

1711701214

უფლებადამცველის თქმით, გამოძიების დაწყებას არანაირი შემაფერხებელი გარემოება არ ახლავს."შალვა თათუხაშვილის გარდაცვალებიდან უკვე 10 წელი გავიდა, თუმცა დღემდე არსებობს პასუხგაუცემელი კითხვები, რაც მიანიშნებენ იმისკენ, რომ საქმე გვაქვს არა უბრალოდ გარდაცვალების შემთხვევასთან, არამედ, შესაძლო წამებასთან და არაადამიანურ მოპყრობასთან და შესაძლო მკვლელობასთანაც კი.ექსპერტიზის დასკვნით დადგენილია რამდენიმე ფაქტობრივი გარემოება, მათ შორის ის, რომ თავის დროზე სამხარაულის ბიუროს მიერ ჩატარებული დასკვნა არ არის სრულყოფილი და არ არის დადგენილი ჯეროვანი გამოკვლევის შედეგად სიკვდილის ზუსტი მიზეზი. ბუნებრივია, ერთი შეხედვითაც საეჭვო გარემოებები იკვეთებოდა, მათ შორის ის, რომ როგორ შეიძლება დაცვის სპეციალური ღონისძიების ქვეშ მყოფი პირი ასე უბრალოდ, შემთხვევით გარდაიცვალოს. ეს ბევრ კითხვას აჩენდა, ხოლო ამ ექსპერტიზის დასკვნით დადგენილია, რომ მისი გარდაცვალება არ გამოუწვევია იმ მიზეზებს მხოლოდ, რაც სამხარაულის ექსპერტიზის ბიურომ თავის დროზე დაადგინა. ის ინდიკატორები, ის შედეგები რაც გამოძიების ფარგლებში პროკურატურამ გაასაჯაროვა, ამ ექსპერტიზის დასკვნის თანახმად დგება ეჭვქვეშ, მათ შორის ალკოჰოლის შემცველობა სისხლში, ყურადღებაა გამახვილებული იმაზე, რომ მაიორ თათუხაშვილს ჰქონდა სხეულზე მნიშვნელოვანი დაზიანებები მიყენებული და ამ დაზიანებების ხარისხი, ადგილმდებარეობა და მიყენების მექანიზმები აჩენს ეჭვს იმასთან დაკავშირებით, ხომ არ განხორციელდა მის მიმართ წამება ან არაადამიანური მოპყრობა", - განაცხადა ადვოკატმა შოთა თუთბერიძემ.პროკურატურის ცნობით, შალვა თათუხაშვილი 2014 წლის 24 თებერვალს ე.წ. ნავთლუღის სპეცოპერაციის საქმეზე მოწმის სახით დაკითხეს, მან ჩვენება მისცა კონსტიტუციური უსაფრთხოების დეპარტამენტის ყოფილი უფროსის დათა ახალაიას წინააღმდეგ. შალვა თათუხაშვილი 2014 წლის 24 მარტს საკუთარ სახლში გარდაიცვალა. ოჯახის წევრების და ადვოკატის განცხადებით, გარდაცვალების მიზეზი პროკურატურის გამომძიებლების მიერ განხორციელებული ფიზიკური და ფსიქოლოგიური ზეწოლა გახდა. პროკურატურის ვერსიით კი, შალვა თათუხაშვილის სიკვდილის გამომწვევი მიზეზი სუნთქვის მწვავე უკმარისობა გახდა, რომელიც ალკოჰოლური ინტოქსიკაციის შედეგად განვითარდა. 

პროკურატურამ ე.წ. ქოლ-ცენტრის მეშვეობით დიდი ოდენობით თანხების მოტყუებით დაუფლების ფაქტზე 2 პირს ბრალდება წარუდგინა

1711635062

"ფინანსთა სამინისტროს საგამოძიებო სამსახურის მიერ ჩატარებული გამოძიებით დადგინდა, რომ ორგანიზებული ჯგუფის წევრებმა ე.წ. ქოლ-ცენტრი ჩამოაყალიბეს და მისი ფუნქციონირებისთვის ელექტრონული სავაჭრო პლატფორმა შექმნეს. დანაშაულებრივი ჯგუფის წევრები გამოგონილი სახელებით უცხო ქვეყნის მოქალაქეებს უკავშირდებოდნენ და ნდობის მოპოვების შემდეგ, დაზარალებულებს მოგების მიღების მიზნით ფულადი თანხების ინვესტირებას სთავაზობდნენ, რასაც შემდგომ თაღლითურად ეუფლებოდნენ.მათ შორის, ბრალდებულები ავსტრალიის მოქალაქის  კუთვნილ  340 000 ლარზე მეტი ოდენობის თანხას თაღლითურად დაეუფლნენ, კერძოდ დაზარალებულმა კრისტოფერ ფლამინმა ორგანიზებული ჯგუფის წევრების მითითებით მათ ჩაურიცხა 33 600 ავსტრალიური დოლარი, 37 959 ავსტრალიური დოლარის ღირებულების ბიტკოინი და 96 179 ავსტრალიური დოლარის ღირებულების ეთერეუმი.დაკავებულებს ბრალდება  საქართველოს სისხლის სამართლის კოდექსის 180-ე მუხლის მე-3 ნაწილის „ბ“ და მე-4 ნაწილის „ა“ ქვეპუნქტით (ორგანიზებული ჯგუფის მიერ, მართლსაწინააღმდეგო მისაკუთრების მიზნით სხვისი დიდი ოდენობით თანხის მოტყუებით დაუფლება) წარედგინათ, რაც სასჯელის სახედ და ზომად შვიდიდან ათ წლამდე თავისუფლების აღკვეთას ითვალისწინებს.პროკურატურა ბრალდებულებისთვის აღკვეთის ღონისძიების სახით პატიმრობის შეფარდების შუამდგომლობით სასამართლოს კანონით დადგენილ ვადაში მიმართავს.ფინანსთა სამინისტროს საგამოძიებო სამსახურში, უცხო ქვეყნის მოქალაქე სხვა დაზარალებულების იდენტიფიცირებისა და მათთვის მიყენებული მატერიალური ზიანის სრული მოცულობის  დადგენის მიზნით გამოძიება გრძელდება", - აცხადებენ პროკურატურაში.

ლაზარე გრიგორიადისის დასკვნითი სასამართლო პროცესი გადაიდო

1711617705

დღევანდელ სასამართლო პროცესზე  ბრალდებულს დასკვნითი სიტყვა უნდა ეთქვა და საბოლოო განაჩენი შესაძლოა, დღესვე დამდგარიყო. მას სხდომაზე დისტანციურად სურდა ჩართვა. როგორც ლაზარეს დედა თამთა კალანდაძე აცხადებს, ლაზარეს სასამართლოსთვის მიმართვა უნდოდა, რაზეც მოსამართლემ უარი განაცხადა. "ერთი წელია, ისე მივეჩვიე ამ რაღაც უჩვეულო ცხოვრებას, სულ მოლოდინი მაქვს, რომ შეიძლება რაღაც მოხდეს, ანუ არ გამკვირვებია, დღეს რომ ეს მოხდა. ლაზარეს ჰქონდა სურვილი ონლაინ ჩართულიყო, იმიტომ, რომ ვერ საუბრობს ხოლმე რაღაც რომ უნდა თქვას, გონება მეფანტება და ხალხი მაბნევსო, მოსამართლემ გვითხრა უარი. ალბათ რვაში გამოცხადდება ლაზარე, თავის სათქმელსაც იტყვის და გადაწყდება საბოლოოდ, დადგება განაჩენი", - განაცხადა თამთა კალანდაძემ.ლაზარე გრიგორიადისს, რომელსაც პოლიციელების ჯანმრთელობის ხელყოფისა და სახელმწიფო ქონების განადგურების ფაქტებზე ედება ბრალი, აღკვეთის ღონისძიების სახით პატიმრობა 2023 წლის 31 მარტს შეეფარდა. გამოძიების ინფორმაციით, ბრალდებულმა  2023 წლის 7 მარტს, რუსთაველის გამზირზე გამართული აქციის მიმდინარეობისას, 9 აპრილის ქუჩაზე შს სამინისტროს განსაკუთრებულ დავალებათა დეპარტამენტის თანამშრომლების მიმართულებით, რომლებიც სამსახურებრივ მოვალეობას ასრულებდნენ, ორჯერ ისროლა ე.წ. "მოლოტოვის კოქტეილი“. ასევე, 9 მარტს განზრახ წაუკიდა ცეცხლი შინაგან საქმეთა სამინისტროს კუთვნილ „ტოიოტა კოროლას“ მოდელის ავტომანქანას, რომელიც ადგილზე დაიწვა. ამ ქმედების შედეგად, სახელმწიფო ბიუჯეტს 39 500 ლარის ქონებრივი ზიანი მიადგა. დანაშაულები სასჯელის ზომად თავისუფლების 7-დან 11 წლამდე აღკვეთას ითვალისწინებს.

გრიგორიადისის საქმეზე საბოლოო განაჩენი შესაძლოა, დღეს გამოცხადდეს

1711611350

დღევანდელ სასამართლო პროცესზე დაცვის მხარე დასკვნით სიტყვას წარმოთქვამს და ასევე, ბრალდებული ლაზარე გრიგორიადისი საბოლოო სიტყვით ისარგებლებს. აღნიშნულის შემდეგ, სასამართლო განაჩენის გამოსატანად სათათბიროდ გავა.როგორც გრიგორიადისის უფლებადამცველი ლიკა ბითაძე აცხადებს, დაცვის მხარეს აქვს გამამტყუნებელი განაჩენის მოლოდინი."დაცვის მხარე არის სრულ მზადყოფნაში. იქნება ბრალდების მხარის დასკვნითი სიტყვები, ბოლოს კი ბრალდებულის საბოლოო სიტყვა, მაგრამ მიუხედავად დაცვის მხარის დიდი ძალისხმევისა, მოცემულ საქმეზე ბრალდების მხარეს არც ერთი მტკიცებულება არ აქვს და არც ამ მთელი  სასამართლოების პროცესებზე არ ჰქონია წარმოდგენილი, რომ მოცემული დანაშაული ლაზარე გრიგორიადისმა ჩაიდინა.დაცვის მხარეს აქვს გამამტყუნებელი განაჩენის მოლოდინი. თუ დადგება გამამტყუნებელი განაჩენი, დაცვის მხარე აუცილებლად მეორე დღესვე პრეზიდენტს მიმართავს შესაწყალებლად", - განაცხადა გრიგორიადისის უფლებადამცველმა ლიკა ბითაძემ.ლაზარე გრიგორიადისს, რომელსაც პოლიციელების ჯანმრთელობის ხელყოფისა და სახელმწიფო ქონების განადგურების ფაქტებზე ედება ბრალი, აღკვეთის ღონისძიების სახით პატიმრობა 2023 წლის 31 მარტს შეეფარდა. გამოძიების ინფორმაციით, ბრალდებულმა  2023 წლის 7 მარტს, რუსთაველის გამზირზე გამართული აქციის მიმდინარეობისას, 9 აპრილის ქუჩაზე შს სამინისტროს განსაკუთრებულ დავალებათა დეპარტამენტის თანამშრომლების მიმართულებით, რომლებიც სამსახურებრივ მოვალეობას ასრულებდნენ, ორჯერ ისროლა ე.წ. "მოლოტოვის კოქტეილი“.ასევე, 9 მარტს განზრახ წაუკიდა ცეცხლი შინაგან საქმეთა სამინისტროს კუთვნილ „ტოიოტა კოროლას“ მოდელის ავტომანქანას, რომელიც ადგილზე დაიწვა. ამ ქმედების შედეგად, სახელმწიფო ბიუჯეტს 39 500 ლარის ქონებრივი ზიანი მიადგა.  დანაშაულები სასჯელის ზომად თავისუფლების 7-დან 11 წლამდე აღკვეთას ითვალისწინებს.

ე.წ. "ქოლ ცენტრების" საქმეზე ორი პირი დააკავეს

1711607930

"გამოძიებით დადგინდა, რომ ბრალდებულებმა, ორგანიზებული ჯგუფის სხვა წევრებთან ერთად, მოქალაქეთა ქონების მოტყუებით დაუფლების განზრახვით, ჩამოაყალიბეს სავაჭრო პლატფორმა, სადაც ფულადი თანხების ინვესტირების მოტივით, უკავშირდებოდნენ ძირითადად უცხო ქვეყნის მოქალაქეებს და ვაჭრობაში ვითომდა მოგების მიღების დაპირებებით, თანხები ირიცხებოდა ორგანიზებული ჯგუფის წევრების კონტროლის ქვეშ არსებულ ანგარიშებზე, რომელსაც შემდგომ ისინი თაღლითურად ეუფლებოდნენ.გამოძიებით დადგენილ იქნა, რომ აღნიშნული დანაშაულებრივი სქემით, ბრალდებულები დაეუფლნენ უცხო ქვეყნის მოქალაქის კუთვნილ დაახლოებით 340 000 ლარს.გამოძიების პროცესში, ბრალდებულების მმართველობის ქვეშ მყოფ, თბილისში განთავსებული ქოლ-ცენტრის ჩხრეკის შედეგად ამოღებულ იქნა უცხოეთის მოქალაქეების პერსონალური მონაცემების შემცველი ინფორმაციები.გამოძიება მიმდინარეობს საქართველოს სისხლის სამართლის კოდექსის 180-ე და 194-ე მუხლებით, რაც სასჯელის სახედ  ითვალისწინებს თავისუფლების აღკვეთას 9-დან 12 წლამდე ვადით.ტარდება შესაბამისი საგამოძიებო მოქმედებები აღნიშნულ დანაშაულში მონაწილე სხვა პირების დადგენა-მხილების მიზნით", - აცხადებენ საგამოძიებო სამსახურში. 

ბათუმში, ზღვაში არასრულწლოვნების მკვლელობის მცდელობის ფაქტზე ბრალდებულს თავისუფლების 16 წლით აღკვეთა მიესაჯა

1711568378

"სასამართლო პროცესზე გამოკვლეული მტკიცებულებებით დადასტურდა, რომ 2023 წლის 4 ივლისს,  ბათუმის სანაპიროზე, ბრალდებულმა და მასთან ერთად მყოფმა ორმა პირმა,  სასეირნო-გასართობ სწრაფმავალ კატარღაზე მიბმულ  საბუქსირე-წყლის ატრაქციონ ე.წ. „ბანანზე“, გართობის მიზნით  4 მოზარდი, სამაშველო ჟილეტების გარეშე აიყვანეს.კატარღის საჭესთან მყოფმა ბრალდებულმა,  მკვეთრი მანევრით, ნაპირიდან მოშორებით  “ბანანი“  ამოატრიალა, რის შედეგადაც უჟილეტო ბავშვები ზღვაში ჩაცვივდნენ.  ასევე, მან ერთ-ერთ არასრულწლოვანს სამაშველო ჟილეტი წაართვა, რომელიც დაზარალებულმა ზღვაში ჩავარდნის შემდგომ ჩაიცვა. ამასთან, ბრალდებულმა  ბავშვებისთვის აუცილებელი დახმარების აღმოჩენის შესაძლებლობა მასთან ერთად კატარღაზე მყოფ ორ პირსაც არ მისცა და მათთან ერთად შემთხვევის ადგილი დატოვა.სამმა არასრულწლოვანმა  სანაპიროზე უსაფრთხოდ გასვლა მოახერხეს და სიკვდილს გადაურჩნენ, ხოლო ერთი მოზარდი ზღვაში დაიხრჩო, რომლის ცხედარი 2023 წლის 7 ივლისს აღმოაჩინეს.დაკავებულს ბრალდება დამამძიმებელ გარემოებაში ჩადენილი განზრახ მკვლელობის მცდელობის ფაქტზე წარედგინა. ბათუმის საქალაქო სასამართლომ ბრალდებული სრულად ცნო დამნაშავედ წარდგენილ ბრალდებაში და სასჯელის სახედ და ზომად 16 წლით თავისუფლების აღკვეთა განუსაზღვრა.აქვე აღსანიშნავია, რომ მოცემულ სისხლის სამართლის საქმეზე, კატარღაზე მყოფ ორ პირს ბრალდება წარდგენილი აქვთ საქართველოს სისხლის სამართლის კოდექსის 376-ე მუხლის მე-2 ნაწილით (განსაკუთრებით მძიმე კატეგორიის დანაშაულის შეუტყობინებლობა), რაც სასჯელის სახედ და ზომად თავისუფლების 3-დან 7 წლამდე აღკვეთას ითვალისწინებს. ბრალდებულების მიმართ საქმის განხილვა ბათუმის საქალაქო სასამართლოში გრძელდება", - აღნიშნულია პროკურატურის განცხადებაში.

ივანიშვილს გამოკითხვაზე დაიბარებენ

1711548502

საქმე ეხება ბაჩიაშვილის წინააღმდეგ ბიძინა ივანიშვილის სარჩელს, რომელიც მას ფულის ბიტკოინებში დაბანდებასაც ედავება.ცნობილი გახდა, რომ საქმეში დევს ივანიშვილი - ბაჩიაშვილის აუდიოჩანაწერიც. გამოკითხვაზე მოწმის სახით დაიბარებენ დაზარალებულ ივანიშვილსაც.გიორგი ბაჩიაშვილი წარდგენილ ბრალდებაში თავს დამნაშავედ არ ცნობს და ამბობს, რომ პროკურატურამ ბოლო 9 თვის განმავლობაში მის წინააღმდეგ ვერცერთი მტკიცებულება ვერ წარადგინა და ამიტომ საქმე უნდა შეწყდეს."დღეს ქართული მართლმსაჯულებისთვის არის მორიგი მძიმე და სამარცხვინო დღე. გრძელდება ის უსამართლო პროცესი, რომელიც დაიწყო 1 წლის წინ და რომელსაც საფუძვლად უდევს ერთადერთი ადამიანის - ბიძინა ივანიშვილის ზეპირი ჩვენება. ეს არის სამარცხვინო ქართული სამართლის სისტემისთვის.  არც ერთ ცივილიზებულ ქვეყანაში მსგავსი საქმე არც კი იქნებოდა მიღებული განხილვაში", - განაცხადა ბაჩიაშვილმა.ბაჩიაშვილის ადვოკატის ინფორმაციით, საქმეში არსებული აუდიოჩანაწერი სრულად გამოქვეყნდება მაშინ, როდესაც დაცვის მხარე მტკიცებულებების გამოკვლევის ეტაპზე გადავა.დაცვის მხარემ ჩანაწერის ექსპერტიზა საზღვარგარეთ დანიშნა.პროკურორის განცხადებით, ყველა პირი დაიკითხება, ვინც საქმესთან კავშირშია."გარემოება არის ის, რომ ამ საკითხზე უნდა დასრულდეს ექსპერტიზა, ავთენტურობა უნდა დადგინდეს და ამის შემდეგ უნდა შემოვიდეს შეფასების კომპონენტი.აბსოლუტურად ყველა პირი დაიკითხება, რომელიც მითითებული არის სასამართლოში დასაკითხთა სიაში, მათ შორისაა დაზარალებული ბიძინა ივანიშვილიც, შესაბამისად, ყველა პირი დაიკითხება იმ საერთო წესების დაცვით, როგორც ხდება ხოლმე სასამართლოში დაკითხვა და ბუნებრივია, ინფორმაციას მიაწვდის სასამართლოს", - განაცხადა პროკურორმა მიხეილ სადრაძემ. გიორგი ბაჩიაშვილი დიდი ოდენობით კრიპტოვალუტის მართლსაწინააღმდეგო მითვისებისა და უკანონო შემოსავლის ლეგალიზაციის ფაქტზეა ბრალდებული. როგორც ცნობილია, პროკურატურა მას ბიძინა ივანიშვილის ბიტკოინის მითვისებას ედავება.პროკურატურის ვერსიით,  ბაჩიაშვილმა ინვესტორს ჩადებული ინვესტიციიდან მიღებული სრული მოგების სანაცვლოდ, მხოლოდ 536 900 დოლარი გადასცა, ხოლო დარჩენილი, ინვესტორის კუთვნილი, 8 253.13 ოდენობის ბიტკოინი მართლსაწინააღმდეგოდ მიითვისა, რომლის ღირებულება მისი დაუფლების პერიოდში 39 215 820 დოლარს შეადგენდა.სასამართლომ მას გასული წლის 6 ივლისს, აღკვეთის ღონისძიების სახით 2.5 მილიონი ლარის ღირებულების გირაო შეუფარდა. პროკურატურა 3 მილიონს ითხოვდა.

"ბევრმა, ვისაც კითხვები ჰქონდა, ალბათ, სტრასბურგის სასამართლოს გადაწყვეტილებით გარკვეულწილად პასუხი მიიღო შეკითხვებზე"

1711546292

ლაშა ჩხიკვაძის თქმით, სტრასბურგის გადაწყვეტილებით გარკვეულწილად პასუხი მიიღეს იმ ადამიანებმა, რომლებიც საქმესთან დაკავშირებით მის მიერ გამოტანილ განაჩენს არ ეთანხმებოდნენ."ვფიქრობ, პოლიტიკური განცხადება არ გამომივიდეს, თუმცა სტრასბურგის სასამართლომ თავისი გადაწყვეტილებით რაც თქვა, ეს ჩემთვის ბევრი რამის დადასტურებაა. დანარჩენი გემოვნების საკითხია, ვინ როგორ შეაფასებს ამ გადაწყვეტილებას. რა თქმა უნდა, ამ გადაწყვეტილებას ეყოლება მომხრეებიც და მოწინააღმდეგეებიც. საქმეზე მიღებულ საკუთარ გადაწყვეტილებასთან დაკავშირებით კითხვის ნიშნები მე არ მქონდა, თუმცა ბევრმა, ვისაც კითხვები ჰქონდა, ალბათ, სტრასბურგის სასამართლოს გადაწყვეტილებით გარკვეულწილად პასუხი მიიღო შეკითხვებზე“, – განაცხადა ლაშა ჩხიკვაძემ.სტრასბურგის სასამართლომ ნიკა გვარამიას სარჩელი განსახილველად არ მიიღო.თბილისის საქალაქო სასამართლომ 2022 წლის 16 მაისს ნიკა გვარამიას სამი წლითა და ექვსი თვით პატიმრობა მიუსაჯა ტელეკომპანია „რუსთავი 2“-ის ხელმძღვანელობის პერიოდში უფლებამოსილების ბოროტად გამოყენების საქმეზე. 2022 წლის 2 ნოემბერს სააპელაციო სასამართლომ ნიკა გვარამიას პატიმრობის ვადის ნაწილში გადაწყვეტილება არ შეცვალა. განაჩენი ადვოკატებმა უზენაეს სასამართლოში გაასაჩივრეს. უზენაესმა სასამართლომ კი გვარამიას საქმე განსახილველად არ მიიღო.პრეზიდენტმა სალომე ზურაბიშვილმა ნიკა გვარამია 2023 წლის 22 ივნისს შეიწყალა.

"ბოლო 9 თვის განმავლობაში პროკურატურამ ვერ წარმოადგინა ვერცერთი მტკიცებულება ჩემს წინააღმდეგ"

1711533989

ბაჩიაშვილი  იმედოვნებს, რომ ეს საქმე მალე შეწყდება და სამართლიანი განაჩენი დაგდება. "ეს პროცესი გადაიდო ზუსტად 4-ჯერ და ბოლო 9 თვის განმავლობაში პროკურატურამ ვერ წარმოადგინა ვერცერთი მტკიცებულება ჩემს წინააღმდეგ. მე იმედს ვიტოვებ, რომ მოსამართლე იქნება სამართლიანი და შეაჩერებს ამ პროცესს. საქმე უნდა შეწყდეს", - განაცხადა გიორგი ბაჩიაშვილმა.  გიორგი ბაჩიაშვილს ბრალი რამდენიმე თვის წინ წაუყენეს. პროკურატურის ვერსიით, ბაჩიაშვილმა ინვესტორს ჩადებული ინვესტიციიდან მიღებული სრული მოგების სანაცვლოდ, მხოლოდ 536 900 დოლარი გადასცა, ხოლო დარჩენილი, ინვესტორის კუთვნილი, 8 253.13 ოდენობის ბიტკოინი მართლსაწინააღმდეგოდ მიითვისა, რომლის ღირებულება მისი დაუფლების პერიოდში 39 215 820 დოლარს შეადგენდა.