მთაწმინდაზე ანზორ ერქომაიშვილის საფლავის მოწყობა დასრულდა
მთაწმინდაზე ანზორ ერქომაიშვილის საფლავის მოწყობა დასრულდა

A+ A-

16:39 21/11/2021

საქართველოს ფოლკლორის სახელმწიფო ცენტრის ინიციატივითა და საქართველოს კულტურის, სპორტისა და ახალგაზრდობის სამინისტროს მხარდაჭერით მთაწმინდის მწერალთა და საზოგადო მოღვაწეთა პანთეონში ქართველი მოღვაწის, ყველასათვის საყვარელი ლოტბარისა და კომპოზიტორის, ანზორ ერქომაიშვილის საფლავი მოეწყო.

„საფლავი მოქანდაკე გია ჯაფარიძისა და არქიტექტორ ვახტანგ დავითაიას პროექტის შესაბამისად გაკეთდა.

საქართველოს კულტურის, სპორტისა და ახალგაზრდობის სამინისტრო კიდევ ერთხელ პატივს მიაგებს ანზორ ერქომაიშვილის ხსოვნასა და მის განუზომელ ღვაწლს ქართული კულტურის წინაშე“, - აღნიშნულია კულტურის, სპორტისა და ახალგაზრდობის სამინისტროს მიერ გავრცელებულ ინფორმაციაში.