ისრაელში 2 მაისი ეროვნული გლოვის დღედ გამოცხადდა
ისრაელში 2 მაისი ეროვნული გლოვის დღედ გამოცხადდა

A+ A-

15:35 30/04/2021

ისრაელში 2 მაისი ეროვნული გლოვის დღედ გამოცხადდა. ამის შესახებ ისრაელის პრემიერ-მინისტრმა ბენიამინ ნეთანიაჰუმ განაცხადა.

„კვირას ეროვნული გლოვის დღე გვექნება მერონის მთაზე მომხდარი კატასტროფის გამო. ეს ერთ-ერთი ყველაზე საშინელი ტრაგედიაა, რომელიც ისრაელის სახელმწიფოში მოხდა“, - აღნიშნა ისრაელის პრემიერ-მინისტრმა.

ისრაელში რელიგიურ ფესტივალზე მომხდარ ჭყლეტას ათობით ადამიანი ემსხვერპლა, ბოლო მონაცემებით, სულ მცირე 44 ადამიანია გარდაცვლილი, 100-ზე მეტი კი დაშავებული.

შემთხვევა მერონის მთაზე მოხდა, სადაც ლაგ ბა-ომერის ფესტივალი იმართებოდა. შეზღუდვების მიუხედავად, იქ ათობით ათასი ადამიანი შეიკრიბა.