"უახლოეს პერიოდში იქნება მიღებული გადაწყვეტილება უკრაინაში ელჩის დაბრუნებასთან დაკავშირებით"
"უახლოეს პერიოდში იქნება მიღებული გადაწყვეტილება უკრაინაში ელჩის დაბრუნებასთან დაკავშირებით"

A+ A-

20:53 10/04/2021

საქართველოს საგარეო საქმეთა მინისტრი დავით ზალკალიანი აცხადებს, რომ უკრაინაში ელჩის დაბრუნების გადაწყვეტილება უახლოეს პერიოდში იქნება მიღებული.

"ახლა იმის დრო არ არის, რომ ასეთ სიტუაციაში, როდესაც უკრაინის გარშემო ასე იძაბება სიტუაცია, ჩვენ ელჩი არ გვყავდეს ადგილზე. ამიტომ, უახლოეს პერიოდში იქნება მიღებული გადაწყვეტილება ელჩის დაბრუნებასთან დაკავშირებით.

ძალიან დაზარალდა ჩვენი ორმხრივი ურთიერთობები, მაგრამ ჩვენ სახელმწიფო ვართ და სახელმწიფო ინტერესებიდან გამომდინარე ვმოქმედებთ. მთავარი იყო, მათი მხრიდან ყოფილიყო სწორი აღქმა და ვფიქრობ, ისინიც გაგებით მოეკიდნენ იმ ნაბიჯს, რომელიც ჩვენ გადავდგით", - განაცხადა ზალკალიანმა.

"ქართული ოცნების" ხელისუფლებამ ელჩი თეიმურაზ შარაშენიძე 2020 წლის 8 მაისს უკრაინიდან კონსულტაციებისთვის მას შემდეგ გამოიწვია, რაც საქართველოს ყოფილი პრეზიდენტი მიხეილ სააკაშვილი უკრაინაში რეფორმების აღმასრულებელი კომიტეტის თავმჯდომარედ დაინიშნა.