"ნიკანორ მელიას შეუძლია სატელეფონო ზარის უფლებით სარგებლობა"
"ნიკანორ მელიას შეუძლია სატელეფონო ზარის უფლებით სარგებლობა"

A+ A-

21:21 27/02/2021

ნიკანორ მელიას შეუძლია სატელეფონო ზარის უფლებით სარგებლობა, - ამის შესახებ სპეციალური პენიტენციური სამსახურის განცხადებაშია აღნიშნული.

"2021 წლის 27 თებერვალს ერთ-ერთი ტელეკომპანიის ეთერში ბრალდებულ ნიკანორ მელიაზე საუბრისას ითქვა, რომ მას პენიტენციური დაწესებულებიდან დარეკვის უფლება არ აქვს.

სპეციალური პენიტენციური სამსახური აცხადებს, რომ ეს არის სიცრუე. სინამდვილეში ბრალდებულს სატელეფონო ზარზე შეზღუდვა არ აქვს. მას ზარის განხორციელება მხოლოდ დაკავებიდან ორი დღის განმავლობაში არ შეეძლო, სანამ დაუმზადდებოდა საბანკო ბარათი, რომლითაც პენიტენციურ დაწესებულებებში არსებული ტელეფონებიდან არის დარეკვა შესაძლებელი.

ბრალდებულს ბარათი მიმდინარე წლის 25 თებერვალს გადაეცა, რის შემდეგ უკვე შეუძლია სატელეფონო ზარის განხორციელება, თუმცა ამ დრომდე მას პენიტენციური დაწესებულების ადმინისტრაციისთვის არ მიუმართავს მოთხოვნით, რომ სატელეფონო ზარი განეხორციელებინა", - აღნიშნულია განცხადებაში.