ბაკურიანსა და შუახევში თოვს - საქართველოში პირველი თოვლი მოვიდა (ვიდეო)
საქართველოში პირველი თოვლი მოვიდა. ამ მომენტისთვის თოვს კურორტ ბაკურიანში. მომხმარებლები სოციალურ ქსელში ვიდეოებსა და ფოტოებს აქვეყნებენ.
გათოვდა მაღალმთიან აჭარაშიც. შუახევის მუნიციპალიტეტში თოვლის საფარმა 8-10 სანტიმეტრამდე მიაღწია.
მსგავი რამ აჭარის ადგილობრივებს არ გაკვირვებიათ, რადგან მათი თქმით, როდესაც უხვი ნალექია, რეგიონში თოვლი მაისშიც მოსულა.
სხვათაშორის, სექტემბერში თოვლი ხულოშიც მოვიდა, რომლის საფარმა 15 სანტიმეტრს გადააჭარბა.
