რუმინეთში კორონავირუსი ათ ახალშობილს დაუდასტურდა
რუმინეთში კორონავირუსი ათ ახალშობილს დაუდასტურდა

A+ A-

17:23 07/04/2020

რუმინეთში ქალაქ ტიმიშოარაში კორონავირუსი ათ ახალშობილს დაუდასტურდა. ამის შესახებ რუმინეთის ჯანდაცვის მინისტრმა, ნელი ტერარუმ განაცხადა.

როგორც მინისტრმა განაცხადა, ჩვილები ერთ საავადმყოფოში არიან და მათ ვირუსი სავარაუდოდ, სამედიცინო პერსონალისგან გადაეცათ.

მანამდე ახალი კორონავირუსის დიაგნოზი ამავე საავადმყოფოს ექვს ექთანს დაუსვეს.

აღსანიშნავია, რომ ცხრა ახალშობილი დედასთან ერთად საავადმყოფოდან უკვე გაწერეს და მათი ტესტის პასუხი ამის შემდეგ გახდა ცნობილი.

ჯანდაცვის მინისტრის განკარგულებით, საავადმყოფოში, სადაც ახალშობილები დაინფიცირდნენ, ეპიდემიოლოგები მუშაობენ, რათა დაავადების გავრცელება არ მოხდეს.

ამასთან, ჯანდაცვის მინისტრმა საავადმყოფოს მენეჯერი თანამდებობიდან გაათავისუფლა.

რუმინეთში ამჟამად „კოვიდ-19“ დადასტურებული აქვს 4 417 ადამიანს. ეპიდემიის დაწყებიდან დღემდე გარდაიცავალა 184 ადამიანი.