ოპოზიციამ თებერვლის ბოლომდე უნდა თქვას, უბრუნდება თუ არა დიალოგის მაგიდას - მდინარაძე
ოპოზიციამ თებერვლის ბოლომდე უნდა თქვას, უბრუნდება თუ არა დიალოგის მაგიდას - მდინარაძე

A+ A-

13:31 21/02/2020

საპარლამენტო უმრავლესობის ლიდერის მამუკა მდინარაძის განცხადებით, ოპოზიცია კონკრეტულ ხედვას და რაციონალურ წინადადებას თუ არ წარადგენს, მათი ლუსტრაცია მოხდება, რომ საარჩევნო ცვლილებები და არჩევნები არ აინტერესებთ, რევოლუციური სცენარი აქვთ, რასაც ვერ განავითარებენ.

როგორც მამუკა  მდინარაძემ ჟურნალისტებტან საუბრისას განაცხადა, ძალიან ცოტა დრო რჩება იმ დროის გასვლამდე, როცა ოპოზიციამ პასუხი უნდა თქვას.

„პასუხი თუ არ იქნება, მათი ლუსტრაცია მოხდება. უნდა თქვან, უბრუნდებიან თუ არა დიალოგის მაგიდას, რასაც მოუწოდებენ ამერიკელი და ევროპელი პარტნიორები. თებერვლის შემდეგ შეუძლებელია საარჩევნო ცვლილებების განხორციელება. აქედან გამომდინარე, მათ თებერვლის ბოლომდე უნდა თქვან, უბრუნდებიან თუ არა დიალოგის მაგიდას და თავისი შემხვედრი, ოდნავ რაციონალური წინადადება აქვთ თუ არა.

ჩვენი შეთავაზება – 100/50 საარჩევნო მოდელი იციან. ეს ბევრად სჯობს მოდელს – 77/73. ვერაფერზე თუ ვერ შევთანხმდებით, საპარლამენტო არჩევნები 77/73 მოდელით ჩატარდება და მაღალი ალბათობით, საკონსტიტუციო უმრავლესობას მივიღებთ, რაც „ქართულ ოცნებას“ არაფერში სჭირდება“, – განაცხადა მამუკა მდინარაძემ.