NDI და IRI სახალხოდ იჭრიან თავს, ასეთ ორგანიზაციებს ავკრძალავდი - ზაზა პაპუაშვილი
NDI და IRI სახალხოდ იჭრიან თავს, ასეთ ორგანიზაციებს ავკრძალავდი - ზაზა პაპუაშვილი

A+ A-

17:10 20/01/2020

მმართველი პარტიის წევრთა მორიგი შეტევა გავლენიან საერთაშორისო ორგანიზაციებზე - “ქართული ოცნების“ დეპუტატი “2020NEWS“-თან აცხადებს, რომ საქართველოში იმ ორგანიზაციების აკრძალავდა, რომლებიც მისი შეფასებით, ქვეყნის განვითარებას ხელს უშლიან.

“NDI და  IRI კვლევებს რომ ატარებენ და თავს სახალხოდ იჭრიან, ეს რას ემსახურება?! საქართველოში მათი მოღვაწეობა იუმორის საგნად იქცა და გარკვეულწილად, ჩვენი ქვეყნის მოსახლეობისთვის შეურაცმყოფელია. მათი კვლევა არასოდეს არ არის სიმართლესთან შესაბამისი.

იმ ორგანიზაციებისა და არასამთავრობოების საქმიანობას, რომლებიც ქვეყნის განვითარებას ხელს უშლიან, მშვიდობის დამყარებას არ ემსახურებიან და უნდათ, რომ ქვეყანაში დაპირისპირების ინსპირაცია შექმნან, ავკრძალავდი“, - განაცხადა ზაზა პაპუაშვილმა.

“ქართული ოცნების“ წევრთა უკმაყოფილებას გავლენიანი საერთაშორისო ორგანიზაციების მიერ საქართველოში ჩატარებული კვლევის შედეგები იწვევს.

მაგალითად, NDI -ის ერთ-ერთი ბოლო კვლევის თანახმად, ხვალ რომ საპარლამენტო არჩევნები ტარდებოდეს, „ქართულ ოცნებას“ - 20% მისცემა ხმას, “ნაციონალურ მოძრაობას“ - 13%,  ხოლო “ევროპული საქართველო - თავისუფალ დემოკრატებს“ - 8%.  

კვლევა 2019 წლის 9 ნოემბრიდან 13 დეკემბრის ჩათვლით ჩატარდა და სულ 2 180 პირი გამოკითხა. მმართველ პარტიაში მიიჩნევენ, რომ აღნიშნული მონაცემები არარეალურია.

ავტორი: ეკატერინე ზარნაძე