თუკი არ იცის ვინმემ რას ნიშნავს თაღლითი, უნდა აჩვენოთ ივანიშვილი - ნიკა მელია
თუკი არ იცის ვინმემ რას ნიშნავს თაღლითი, უნდა აჩვენოთ ივანიშვილი - ნიკა მელია

A+ A-

18:08 14/11/2019

"ერთიანი ნაციონალური მოძრაობის" წევრი ნიკა მელია “ლეიბორისტული პარტიის“ ოფისში ოპოზიციური წევრების საგანგებო შეკრებას ესწრება. მელიას თქმით, ყველაფერი უნდა გაკეთდეს იმისთვის, რომ ბიძინა ივანიშვილი დამარცხდეს. ნიკა მელია ცინიზმს უწოდებს იმ ფაქტს, რომ "ქართული ოცნების" ის დეპუტატები, რომლებიც ეწინააღმდეგებოდნენ ბიძინა ივანიშვილის ინიციატივას, დარჩნენ უმრავლესობაში, ხოლო ადამიანები, რომლებიც ეთანხმებოდნენ, დატოვეს უმრავლესობის რიგები.

"გზავნილი არის მარტივი - ყველაფერი გაკეთდება იმისთვის, რომ ბიძინა ივანიშვილი დამარცხდეს. დამარცხებულია მე რომ მკითხოთ, უბრალოდ გასაფორმებელია. ეს არ იყო ძლიერი ადამიანის მიერ გადადგმული ნაბიჯები, ეს იყო სუსტი ადამიანის საქციელი, დღეს რაც გააკეთა. კლასიკური თაღლითი, თაღლითის ილუსტრაცია, პერსონიფიკაცია. თუკი არ იცის ვინმემ რას ნიშნავს თაღლითი ადამიანი, უნდა აჩვენო უბრალოდ ივანიშვილი. ამას მოჰყვება აუცილებლად ადეკვატური პოლიტიკური პასუხი, ეს როგორი იქნება, ამას ბევრი მსჯელობა არ დასჭირდება. რა იქნება სტრატეგია და ტაქტიკური მონახაზი, ამაზე ახლა ვიმსჯელებთ, შევთანხმდებით საზოგადოებასთან ერთად აუცილებლად. ჩვენ ვთანხმდებით, რომ სიმართლე არის უმნიშვნელოვანესი, ვთანხმდებით, რომ თავისუფალი ქვეყანა გვინდა. ბიძინა ივანიშვილი შეთანხმდა თავის გუნდთან ერთად, რომ ისინი თანხმდებიან უზნეობის გარშემო და თაღლითობის გარშემო. რამხელა ცინიზმი დევს იმ მოცემულებაში, რომ თურმე "ქართული ოცნების" ის დეპუტატები, რომლებიც ეწინააღმდეგებოდნენ ბიძინა ივანიშვილის ინიციატივას, ისინი რჩებიან უმრავლესობაში და ადამიანები, რომლებიც ეთანხმებიან, მიდიან. ბიძინა ივანიშვილს მოუწევს საზოგადოების დიქტატით ხელმძღვანელობა მანამ, სანამ მას მართვის სადავეები აქვს ხელთ,"- განაცხადა ნიკა მელიამ.

შეგახსენებთ, დღეს პარლამენტმა ვერ შეძლო პროპორციულ საარჩევნო სისტემაზე გადასასვლელად „ქართული ოცნების“ მიერ ინიცირებული საკონსტიტუციო ცვლილების მიღება. კანონპროექტს მხარი დაუჭირა 101-მა დეპუტატმა 3-ის წინააღმდეგ მაშინ, როცა საკონსტიტუციო ცვლილებების მიღებას სჭირდებოდა სულ მცირე 113 ხმა.