ხუთივე კინოთეატრთან მობილიზებულია იმდენი სამართალდამცველი, რამდენიც საჭიროა - საპატრულოს უფროსი
ხუთივე კინოთეატრთან მობილიზებულია იმდენი სამართალდამცველი, რამდენიც საჭიროა - საპატრულოს უფროსი

A+ A-

16:56 08/11/2019

თბილისში დაგეგმილ კინოჩვენებებთან და პარალელურად, საპროტესტო აქციებთან დაკავშირებით ჟურნალისტების კითხვებს შინაგან საქმეთა სამინისტროს საპატრულო პოლიციის დეპარტამენტის დირექტორმა ვაჟა სირაძემ უპასუხა.

სირაძის განცხადებით, მობილიზებულია იმდენი სამართალდამცველი, რაც საჭიროა მართლწესრიგის და უსაფრთხოების დასაცავად.

„როგორც მოგეხსენებათ, საზოგადოების გარკვეული ჯგუფების მიერ გაკეთებულია განცხადება, აღნიშნული ფილმის ჩვენების ჩაშლასთან დაკავშირებით, რომ შესაძლოა მოხდეს ფილმის ჩაშლა და საზოგადოების ორი მხარის ერთმანეთში დაპირისპირება.

შესაბამისად არა მარტო ამ კინოთეატრში, არამედ თბილისში არსებულ ხუთივე კინოთეატრში მობილიზებულია საპოლიციო ძალები, რომლებიც უზრუნველყოფენ საზოგადოებრივი წესრიგისა და მართლწესრიგის დაცვას. როგორც აქამდე აღვნიშნეთ, შინაგან საქმეთა სამინისტროს ერთ-ერთი ამოცანაა გამოხატვის თვისუფლების დაცვა, ჩვენ ვიმოქმედებთ ჩვენი მანდატის შესაბამისად.

მობილიზებულია ადეკვატური ძალები, სადაც საჭირო გახდება წესრიგის დაცვა, შესაბამისი ძალა იქნება გამოყენებული,“ – განაცხადა ვაჟა სირაძემ.

შეგახსენებთ, რომ დღეს დაქართველოს რამოდენიმე კინოთეატრში, ფილმის “და ჩვენ ვიცეკვეთ” პრემიერა იმართება, რასაც საზოგადოების გარკვეული ნაწილის მხირან პროტესტი მოყვა.