"ენმ-ს რომ კრიზისის შესაძლებლობად და წარმატებად ქცევა შეუძლია, ეს არაერთხელ ვნახეთ წარსული გამოცდილებით"

1701973364

"კიდევ ერთხელ შეგვიძლია, გამოვხატოთ რწმენა, რომ ერთ კვირაში მოგვენიჭება სტატუსი და უნგრეთისგან მყარი მხარდაჭერა გვექნება"

1701964914

"ფორმალური პრეზიდენტი რომ არის და სინამდვილეში ერთი ოპოზიციონერი სალომე ზურაბიშვილიც რომ ჩართულია ამ თვალთმაქცობასა და ფარისევლობაში"

1701954225

მამუკა მდინარაძე - ცოტა უნდა მოუკლონ რაღაც-რაღაცებს და სხვებსაც ნუ აწევინებენ, ასეთი რჩევა მექნება

1701952125

"ნაციონალური მოძრაობა" კახეთის ორგანიზაციის ნაწილმაც დატოვა, მათ შორის საკრებულოს დეპუტატებმა

1701951866

ექსკლუზივი

პოლიტიკა

ბიზნესი და ეკონომიკა

Visa-სა და თიბისის პარტნიორობით საქართველოში Visa-ს საერთაშორისო გადახდების პლატფორმა VDA დაინერგება

1701941484

პლატფორმის დანერგვის შემდეგ თიბისის მომხმარებლებს შესაძლებლობა მიეცემათ გამარტივებულად და უფრო მოკლე დროში განახორციელონ საერთაშორისო გადახდები. თანხის გადარიცხვა, გადახდა და მიღება მსოფლიოს უმსხვილესი ელექტრონული საფულეებისა და მობილური სერვისებით იქნება შესაძლებელი.ბიზნესის განვითარებისა და საბანკო ოპერაციების გამარტივებისთვის, თიბისისა და Visa-ს მრავალწლიანი სტრატეგიული პარტნიორობის ფარგლებში, არაერთი მნიშვნელოვანი და ინოვაციური პროექტი  თუ ინიციატივა განხორციელდა.”თიბისი, როგორც ლიდერი ფინანსური ინსტიტუტი, მუდმივად ეძებს ალტერნატიულ და ინოვაციურ მექანიზმებს, რათა გაამარტივოს და გააუმჯობესოს სამომხმარებლო გამოცდილება, რომელიც სრულ თანხვედრაშია თიბისის მისიასთან - გავუმარტივოთ ადამიანებს ცხოვრება. საქართველოს ბაზარზე თიბისი პირველია, რომელიც ვიზასთან თანამშრომლობით, ამ ინოვაციურ პროდუქტს დანერგავს. გადახდების ეს ახალი სისტემა ბანკს მისცემს შესაძლებლობას, მომხმარებელს შესთავაზოს დივერსიფიცირებული საერთაშორისო გადახდების გზა.”- ვახტანგ ბუცხრიკიძე, თიბისის გენერალური დირექტორი."ძალიან მიხარია, რომ ჩამოვედი თბილისში, სტრატეგიული მიზნით - ხელი მოვაწეროთ შეთანხმებას თიბისი ბანკთან. ჩვენი პარტნიორობის ფარგლებში დავნერგავთ Visa-ს გამორჩეულ, ინოვაციურ გადაწყვეტას - Visa Direct to Account და მომხმარებლებს შევთავაზებთ მოსახერხებელ და უსაფრთხო გადარიცხვების კიდევ ერთ გლობალურ ტექნოლოგიას. მჯერა, რომ Visa Direct to Account მრავალფეროვანს გახდის გადახდების ეკოსისტემას და თითოეულ ტრანზაქციას მიწოდების სიჩქარის მოქნილობით უზრუნველყოფს“, - აცხადებს ივან პონომაროვი, ვიცე პრეზიდენტი, Visa Direct.“Visa-მ, თიბისისთან პარტნიორობით, უკვე მრავალი ინოვაციური ტექნოლოგია დანერგა საქართველოში. მოხარული ვარ რომ ვაგრძელებთ ამ ტრადიციას და ახლა უკვე Visa Direct to Account პლატფორმას ვთავაზობთ ქართველ მომხმარებლებს. მჯერა, ეს სიახლე სამომავლოდ კიდევ უფრო გაამარტივებს როგორც შიდა, ისე საერთაშორისო ციფრულ გადახდებს  სისწრაფის, უსაფრთხოებისა და მოქნილობის უზრუნველყოფით. ამ პარტნიორობით ჩვენ ციფრული ანგარიშსწორების განსაკუთრებულ გამოცდილებას ვთავაზობთ კლიენტებს და მათ ფინანსური ოპერაციების მარტივად გადაწყვეტაში ვეხმარებით”, - აცხადებს დიანა კიღურაძე, Visa-ს რეგიონული მენეჯერი კავკასიის რეგიონში. 

ავტოპილოტით ინვესტირება - თიბისის ციფრულ ბანკში საინვესტიციო პლატფორმის ახალი ფუნქციონალი

1701938429

პროცესი მარტივია: განაახლე აპლიკაცია, შეარჩიე ციფრულ ბანკში შენთვის სასურველი აქცია ან ფონდი; შენთვის ხელსაყრელი გრაფიკი - ყოველდღიური, ყოველკვირეული, ან ყოველთვიური და თანხა.ავტოპილოტის ჩართვის შემდეგ, საბანკო ანგარიშიდან, პერიოდულად, წინასწარ მითითებული თანხა ჩამოგეჭრება და შენს საინვესტიციო ანგარიშზე აისახება. ავტოპილოტი შენთვის სასურველ აქციებსა და ფონდებს სწორედ ამ თანხით, ავტომატურად შეიძენს.ახალი ფუნქციონალი გრძელვადიან ინვესტირებში დაგეხმარება, რაც დროში გამოცდილი სტრატეგიაა. თუ გავითვალისწინებთ, რომ ისტორიულად, ამერიკული საფონდო ბირჟის წლიური საშუალო ამონაგები დაახლოებით 9-10%-ს შეადგენს, მაგალითად, S&P 500 ინდექს ფონდში 100 ლარის ყოველთვიური ინვესტირებით, 10 წელიწადში შენი პორტფელის სავარაუდო ღირებულებამ, საფონდო ბირჟის სტაბილურობის შემთხვევაში, შეიძლება 24 000 ლარს მიაღწიოს. შედარებისთვის, ყულაბაში დაგროვილი იგივე თანხის მოცულობა, 10 წლის შემდეგ, 2 ჯერ ნაკლები - 12 000 ლარი იქნება. თუმცა, გაითვალისწინე, რომ საფონდო ბირჟას მერყეობა ახასიათებს, ამიტომ 10%-იანი ამონაგები ყოველწლიურად გარანტირებული არ არის.დაიწყე ინვესტირება ავტოპილოტით თიბისის ციფრულ ბანკში: https://link.tbc.ge/Investing6

თიბისი ლიზინგმა საქართველოში მცირე და საშუალო ბიზნესის მხარდასაჭერად PROPARCO-გან 10 მილიონი ევროს რესურსი მიიღო

1701935660

მოზიდული ფინანსური რესურსი კიდევ უფრო გააძლიერებს თიბისი ლიზინგისა და PROPARCO-ს  პარტნიორობას და ხელს შეუწყობს ქართული მცირე და საშუალო ბიზნესის მხარდაჭერას.თიბისი ლიზინგი აქტივების დაფინანსების გამარტივებისა და მომხმარებლებზე მორგებული პროდუქტების ფართო სპექტრის შეთავაზებით უზრუნველყოფს მცირე და საშუალო ბიზნესის მხარდაჭერას. აღნიშნულ რესურსს თიბისი ლიზინგი აქტივების პირდაპირ დასაფინანსებლად გამოიყენებს, რაც ქვეყნის განვითარებადი ეკონომიკისთვის მნიშვნელოვანი ხელშეწყობა იქნება.მცირე და საშუალო ბიზნესი საქართველოს კორპორატიულ ლანდშაფტში დომინირებს და მთლიანი წარმოების ღირებულების 53%-ს და კერძო სექტორში ბრუნვის 35%-ს შეადგენს, რითაც მნიშვნელოვან როლს ასრულებს ქვეყნის ეკონომიკურ განვითარებაში.ეს ტრანზაქცია ასევე მნიშვნელოვნად შეუწყობს ხელს კლიმატის ცვლილების წინააღმდეგ ბრძოლას და ქალთა ეკონომიკურ გაძლიერებას, რადგან მოზიდული ფინანსური რესურსის 40% სუფთა ენერგიისა და ენერგოეფექტურობის პროექტებზე იქნება მიმართული, ხოლო 10% იმ პროექტების მხარდასაჭერად, რომლებიც აძლიერებს ქალებს, როგორც მეწარმეებს, ბიზნეს ლიდერებს და ზრდის მათ ეკონომიკურ ჩართულობას.„ჩვენ ვამაყობთ, რომ დავასრულეთ კიდევ ერთი წარმატებული ტრანზაქცია PROPARCO-სთან და კიდევ უფრო გავამყარეთ ჩვენი თანამშრომლობა. ეს ტრანზაქცია ასახავს ორივე ინსტიტუტის მზაობას, მხარი დაუჭირონ მცირე და საშუალო საწარმოებს საქართველოში ინოვაციური, მოქნილი და მორგებული ალტერნატიული დაფინანსების პროდუქტების მიწოდების გზით. ეს ჩვენი მეორე თანამშრომლობაა და მოუთმენლად ველით მომავალში კიდევ ბევრ წარმატებულ გარიგებაზე Propacro-სთან მუშაობას“, - აცხადებს ნუგზარ ლოლაძე, თიბისი ლიზინგის  ფინანსური დირექტორი. 

Touch Summit-ის Startup Challenge-ის შორთლისთი ცნობილია - სამიტის გენერალური პარტნიორი "საქართველოს ბანკია"

1701869452

სამიტის ფარგლებში Touch Platform-ამ ჰოლანდიურ ფონდებთან - Acrobator VC-სა და Crosspring-თან თანამშრომლობით, Startup Challenge გამოაცხადა, რომელში მონაწილეობაც Touch Summit-ის დამსწრე ყველა სტარტაპსს შეეძლო. განაცხადების მიღება 20 ნოემბერს დასრულდა. აღსანიშნავია, რომ განაცხადები შემოვიდა არა მხოლოდ საქართველოდან, არამედ მეზობელი ქვეყნებიდან, მათ შორის აზერბაიჯანიდან, სომხეთიდან, ასევე: პოლონეთიდან, ყაზახეთიდან, ყირგიზეთიდან.გადარჩევის პროცესში ორგანიზატორების შიდა გუნდის გარდა ჩართულები იყვნენ თავად VC ფონდების წარმომადგენლები.  შედეგად კი  Touch Summit წარმოგიდგენთ 10 შერჩეულ სტარტაპს, რომელთა შორის  500 Georgia-ს მონაწილე სტარტაპებიც  არიან.STORIQuickShipperAworkGotcha Technology Inc.CALEN AICrosscreatorsWarehouseWemplerDataStudioHappykidsშეგახსენებთ, რომ 10 შერჩეულ სტარტაპს ექნება შესაძლებლობა, ფინალამდე გაიაროს სპეციალური მენტორობისა და ქოუჩინგის სესიები და “დაფიჩოს” ღონისძიების GROWTH STAGE-ზე.კონფერენციის მეორე დღეს, 3 ფინალისტს მიეცემა შესაძლებლობა, სამიტის მთავარ სცენაზე, დიდი აუდიტორიის წინაშე წარდგეს. გამარჯვებული კი ღონისძიების დახურვის ცერემონიალზე გამოვლინდება.ინფორმაციისთვის, Startup Challenge-ში გამარჯვება ნიშნავს, რომ სტარტაპი მიმზიდველია დასავლური VC-ების უმეტესობისთვის! თუმცა, კონკურსის მოგება არ იძლევა დაფინანსების 100%-იან გარანტიას, რადგან, საინვესტიციო გარიგების პირობების განხილვა თავად ინვესტორთან მოხდება."მოხარული ვართ, რომ Touch Summit-ის მხარდაჭერით სტარტაპებს ვაძლევთ  განსაკუთრებულ შესაძლებლობას აძლევს – Acrobator VC და Crosspring- ისგან  მოიზიდონ 1 მილიონ ევრომდე მოცულობის ინვესტიცია. კონკურსში მონაწილეობას იღებდნენ სტარტაპები, რომლებიც სხვადასხვა სექტორში B2B (ან B2C) AI/ML პროგრამული უზრუნველყოფის, მათ შორის კიბერუსაფრთხოების, ფინ-ტექნიკის, ინფრასტრუქტურის, სინთეზური მედიისა და მონაცემთა გადატვირთვის ტექნოლოგიების მიმართულებით მუშაობენ და დაინტერესებულნი არიან ვენჩურული ფონდებიდან ინვესტიციის მოზიდვით. განსაკუთრებით მოხარული ვართ, რომ Startup Challenge- ის შორთლისთში მოხვდა 500 Georgia-ს მე-3 და მე-5 ნაკადის 4 სტარტაპი: STORI ; Quickshipper, Gotcha , Awork . მათ უკვე მიიღეს ძალიან კარგი გამოცდილება და ეს აისახა კიდეც მათი კომპანიების წარმატებაზე. რაც შეეხება ამ Startup Challenge-ს მათსც, ისევე როგორც დანარჩენ შორთლისთში მყოფ კომპანიებს  საინტერესო გამოცდილების მიღებასა და ვუსურვებთ“,- აცხადებენ საქართველოს ბანკში.რაც შეეხება თავად სამიტს: ორგანიზატორების მოლოდინით ღონისძიებას 100-ზე მეტი ინვესტორი და სტარტაპი (VC’s & Angels) დაესწრება რეგიონიდან, ასევე აღმოსავლეთ ევროპის, შუა აზიის და EMEA რეგიონებიდან.Touch Summit-ს ექნება 3 სცენა: მომავლის, განვითარების და სტარტაპ და საინვესტიციო ისტორიების.პროგრამა დილიდან გვიან საღამომდე დატვირთული იქნება პრეზენტაციებით, პანელური დისკუსიებით, ვორქშოფებით, შეხვედრებით, მენტორშიფ სესიებით, საერთო სამუშაო სივრცით, ბევრი ინსპირაციით, აღმოჩენებით და ახალი კავშირებით.წლევანდელი სამიტის მიზანია კიდევ უფრო საერთაშორისო გახდეს ღონისძიება მოწვეული სპიკერების, დელეგატების, დამსწრე სტარტაპებისა და ინვესტორების მიმართულებით და კიდევ უფრო მეტად შეუწყოს ხელი ადგილობრივი პროფესიონალებისა და სტარტაპ ეკოსისტემის განვითარებას.სამიტზე წარმოდგენილი იქნებიან სპიკერები ისეთი წამყვანი კომპანიებიდან მთელი მსოფლიოს მასშტაბით როგორიცაა: Google,  Meta, IDEO, ReadyPlayerMe, NVIDIA, Spotify, MIRO, Sandbox, Cloudflare, Brain.Space, Breakfast.app, Dutch Digital Design, Launch Code, Unit9  და ბევრი სხვა. 

ომი უკრაინაში

საზოგადოება

ყველა სიახლე
რუსეთის ფედერაციის საბჭომ საპრეზიდენტო არჩევნების ჩატარების თარიღი განსაზღვრა

1701942853

"არსებითად, ეს გადაწყვეტილება ნიშნავს საარჩევნო კამპანიის დაწყებას”, - განაცხადა პარლამენტის ზედა პალატის სპიკერმა ვალენტინა მატვიენკომ.კრემლის პრესსპიკერმა დიმიტრი პესკოვმა განაცხადა, რომ პუტინი მომდევნო ვადით ხმების 90%-ზე მეტით აირჩევა.პუტინი, რომელსაც ბორის ელცინმა პრეზიდენტობა 1999 წლის ბოლოს გადასცა, იოსებ სტალინის შემდეგ რუსეთის ნებისმიერ სხვა ხელმძღვანელზე უფრო მეტი ხანია, მართავს ქვეყანას, მათ შორის აჯობა ლეონიდ ბრეჟნევის 18-წლიან მმართველობასაც კი.ის 7 ოქტომბერს 71 წლის გახდა.დამოუკიდებელი "ლევადაცენტრის" მონაცემებით, პუტინის მხარდაჭერა რუს მოსახლეობაში იზრდება. ნდობის დონე, ისევე როგორც მოწონების დონე, ყველაზე მაღალია უკრაინის წინააღმდეგ ომის დაწყების შემდეგ.ღია კითხვის მიხედვით (რესპონდენტებს სთხოვეს დამოუკიდებლად დაესახელებინათ რამდენიმე პოლიტიკოსი, რომლებსაც ყველაზე მეტად ენდობიან), ნოემბერში პუტინისადმი ნდობის დონე 47% იყო (ოქტომბერში - 44%). პუტინის მოწონება ყველაზე მაღალ დონეზეა 2015 წლის შემდეგ, გამოკითხულთა 85% ამბობს, რომ მოსწონთ.

ილჰამ ალიევმა აზერბაიჯანში ვადამდელი საპრეზიდენტო არჩევნები დანიშნა

1701941249

პრეზიდენტ ილჰამ ალიევის განკარგულებით, არჩევნები 2024 წლის 7 თებერვალს დაინიშნა.ილჰამ ალიევი აზერბაიჯანის პრეზიდენტი 2003 წლიდან არის. 

"მე არ ვარ ერთადერთი, ვისაც გამარჯვება შეუძლია, მაგრამ მე მას დავამარცხებ"

1701894089

პრესკონფერენციაზე ამერიკის პრეზიდენტს ჰკითხეს, რას ფიქრობს 2024 წლის ამერიკის არჩევნებში თავის კონკურენტზე, ტრამპზე და როგორ აფასებს მოქმედი პრეზიდენტი გამარჯვების შანსებს, რასაც ბაიდენმა უპასუხა - "მე მას დავამარცხებ"."მე არ ვარ ერთადერთი, ვისაც გამარჯვება შეუძლია, მაგრამ მე მას დავამარცხებ", - აღნიშნა მან.აშშ-ში საპრეზიდენტო არჩევნები 2024 წლის 5 ნოემბერს არის დაგეგმილი.

სალომე ზურაბიშვილი - ჩიტმა ამბავი მომიტანა, რომ შეიძლება ამ კუთხით, ცოტა ვკოჭლობდეთ

1701891908

ხელმოწერების კამპანია 8 ნოემბერს საქართველოს პრეზიდენტის ინიციატივით დაიწყო და საქართველოსათვის ევროკავშირის კანდიდატის სტატუსის მოთხოვნით ევროკავშირის ლიდერებისადმი მიმართვას ითვალისწინებს.პრეზიდენტმა სპორტსმენებს მიმართა და საქართველოს ევროინტეგრაციის პროცესის მნიშვნელობაზე ისაუბრა:"პირველ რიგში მივესალმე ყველაზე ახალგაზრდა, პატარა თაობას, რომელიც ნამდვილად ჩვენს მომავალსა და ჩვენს სპორტულ მომავალს წარმოადგენს. დარწმუნებული ვარ, მათ ნამდვილად ექნებათ იმის საშუალება, რომ საქართველო ევროკავშირის წევრად იხილონ (დარწმუნებული ვარ, რომ ეს ძალიან მალე მოხდება) - და სანამ ეს მოხდება მანამდე ძალიან მნიშვნელოვანია, რომ თქვენ, სპორტული სამყარო ევროკავშირში უკვე შესული ხართ, თქვენ უკვე წარმოადგენთ გამარჯვებულ და ძალიან წარმატებულ საქართველოს, რომელსაც სპორტულ სამყაროში ყველა იცნობს, სხვადასხვა სახეობით და წარმატებით ყველა სახეობაში - საქართველო დღეს პრაქტიკულად ერთ-ერთი ქვეყანაა, რომელსაც შინ უსაზღვრო რაოდენობით მედლები მოაქვს და ამისთვის თქვენ ნამდვილად ღირსნი ხართ, რომ ჩვენმა საზოგადოებამ და საზოგადოების სახელით, თქვენმა პრეზიდენტმა, მადლობა გადაგიხადოთ.სპორტი ის სფეროა, რომელსაც ყველაზე მეტად სჭირდება ორი რამ: ერთია დისციპლინა და ეს დისციპლინა, რომ არ გქონდეთ არ იქნებოდით წარმატებულნი და მეორე თავისუფლება, ჩიტმა ამბავი მომიტანა, რომ შეიძლება ამ კუთხით, ცოტა ვკოჭლობდეთ, მაგრამ არა უშავს. თავისუფლება არის ის, რაც ყოველდღიურად მოიპოვება, რაც ყველაზე მეტად ჩვენზეა დამოკიდებული. საზოგადოება, ამ შემთხვევაში, ყოველდღიურად აშენებს თავის მომავალს და საკუთარ თავისუფლებას, ამიტომ მე მინდა, რომ გისურვოთ ყველას მეტი ევროპა, მეტი თავისუფლება და მეტი წარმატება!ვიცი, რომ თქვენს ხმას ევროპას გააგონებთ, რადგან თქვენი წარმატებით უკვე ესმით ჩვენი ხმა, მაგრამ საჭიროა, ჩვენ ეს კიდევ უფრო ხმამაღლა ვთქვათ, რათა ყველამ გაიგოს და ეს საქართველოდან მიტანილი საერთო ხმა იყოს და მე ვიცი, რომ ამ დღეებში ძალიან ბევრ ადგილას ბევრი სხვადასხვა ინიციატივაა, რომელიც ერთად გროვდება, ესეც საზოგადოების ნიშანია, როცა ცალ-ცალკე და ერთად ჩვენ ერთ გზავნილს ვუგზავნით ევროპას. ამ მიზნით, 9 დეკემბერს ჩატარდება არასამთავრობო ორგანიზაციების მარში, რომელსაც ვუერთდებით, ისევე, როგორც სხვები გვიერთდებიან ჩვენ იმისთვის, რომ ეს საქართველოს ევროპულობის ერთობლივი განაცხადი იყოს, როცა ჩვენ რამდენიმე დღეში  ევროპისგან ძალიან გადამწყვეტ გზავნილს ველოდებით. გაუმარჯოს ჩვენს ევროპულ მომავალს!“ - განაცხადა ზურაბიშვილმა. 

7 დეკემბრის ანონსი

1701890962

11:00 საათზე - სამების საკათედრო ტაძარში, სახელმწიფო მინისტრის აპარატისა და წითელი ჯვრის საერთაშორისო კომიტეტის ერთობლივი თანამშრომლობით, ორმხრივი, ქართულ-აფხაზური საკოორდინაციო მექანიზმის ფარგლებში, ოკუპირებული აფხაზეთის რეგიონიდან გადმოსვენებული, 1990-იანი წლების შეიარაღებული მოქმედებების დროს უგზო-უკვლოდ დაკარგული 23 იდენტიფიცირებული პირის სამოქალაქო პანაშვიდი გაიმართება. 15:00 საათზე კი, 17 მებრძოლს, დიღმის ძმათა სასაფლაოზე, სამხედრო პატივით დაკრძალავენ.საკონტაქტო პირი: მაია შამანაური - 555 56 54 55 11:00 საათზე - ქალთა ეკონომიკურ გაძლიერებაზე მომუშავე ორგანიზაციების წარმომადგენლებთან საქართველოს პარლამენტის წევრის ანა ნაცვლიშვილის შეხვედრა გაიმართება.მარო მაყაშვილის სახელობის დარბაზი (B კორპუსი, IV სართული, ოთახი N410) 11:00 საათზე - მედიაჰოლდინგ „კვირას“ პრესკლუბში ეკონომისტ გიორგი ცუცქირიძის პრესკონფერენცია გაიმართება. თემა: ეკონომიკაში მიმდინარე ტენდენციები. ლარის კურსი. ინფლაციის მაჩვენებელი მის: კოსტავას ქ.47/57საკონტაქტო ნომერი: 593 53 45 24 11:00 საათზე - "ექსპო ჯორჯიას" მე-11 პავილიონში, "ბიბლუსის საახალწლო ფესტივალი" გაიხსნება.საკონტაქტო პირი: ანა მარშანია - 555 117 007 11:00 საათზე - საქართველოს პარლამენტში, სამუშაო ჯგუფის პირველი შეხვედრა გაიმართება.თემა: პროგრამის „Her Power, Her Future” ფარგლებში CARE Caucasus-ის მიერ გამოვლენილი საჭიროებების საპასუხოდ არაფორმალური ჯგუფები იქმნება, რომელთა დანიშნულება ქალებისა და გოგოებისთვის ფინანსურ რესურსებზე ხელმისაწვდომობის ზრდა იქნება.მარო მაყაშვილის დარბაზი, III სართულისაკონტაქტო პირი: მარიამ გერმისაშვილი - 592 77 91 84 11:00 საათზე - სასტუმრო „ქორთიარდ მარიოტში“ „შემოქმედებითი ინდუსტრიების ასოციაციის“ პრეზენტაცია გაიმართება, რომლის დამფუძნებლებიც მედიას ინფორმაციას მიაწვდიან ასოციაციის შექმნის მიზნებსა და სამოქმედო გეგმის შესახებ, ასევე, წარადგენენ მათ პირველ მანიფესტს.მისამართი: თავისუფლების მოედანი 4საკონტაქტო პირი: ნინია მედულაშვილი - 591 44 33 40 11:00 საათზე - სემეკთან არსებული მომხმარებელთა ინტერესების საზოგადოებრივი დამცველის (ენერგოომბუდსმენის) სამსახური 20 წლის იუბილეს აღნიშნავს. ღონისძიებაში მონაწილეობას მიიღებენ საქართველოს ენერგეტიკისა და წყალმომარაგების მარეგულირებელი ეროვნული კომისიის, ენერგეტიკის სასწავლო ცენტრის, საქართველოს საკანონმდებლო ორგანოს წარმომადგენლები. აგრეთვე, იუბილეს დაესწრებიან უფლებადამცველი ორგანიზაციები და სხვა მოწვეული სტუმრები.მისამართი: ლ. გუდიაშვილის ქ. №7, საქართველოს პარლამენტის ილია ჭავჭავაძის სახელობის ეროვნულ ბიბლიოთეკა.საკონტაქტო პირი: ნინო ბუაჩიძე-ჭავჭავაძე - 598 00 89 88 12:00 საათზე - თბილისის საერთაშორისო აეროპორტის გამგზავრების დარბაზში (Costa Coffee-ის მიმდებარე ტერიტორია), სამოქალაქო ავიაციის საერთაშორისო დღესთან დაკავშირებით, TAV Georgia-ს ხელმძღვანელობა ავიაკომპანიების წარმომადგენლებს და საავიაციო უნივერსიტეტის სტუდენტებს შეხვდება. 12:00 საათზე - პარლამენტის იურიდიულ საკითხთა კომიტეტის სხდომა გაიმართებაპირველი რესპუბლიკის დარბაზი (C კორპუსი, III სართული) 13:00 საათზე - პარლამენტის აგრარულ საკითხთა კომიტეტთან არსებული საკონსულტაციო საბჭოს სხდომა გაიმართებათემა: ინფორმაცია - საქართველოს კანონის პროექტი "სოფლის მეურნეობისა და სოფლის განვითარების შესახებ"ჟიული შარტავას სახელობის დარბაზი (A კორპუსი, III სართული, ოთახი N307) 16:00 საათზე - დიმიტრი შევარდნაძის სახელობის ეროვნულ გალერეაში ნიკო ფიროსმანის ნახატების გამოფენა გაიმართება.საკონტაქტო ნომერი: 599 75 76 74 17:00 საათზე - საპატრიარქოს ახალგაზრდული ცენტრის დარბაზში ჩოხატაურის მუნიციპალიტეტის სახელოვნებო სკოლების გაერთიანების სამხატვრო სკოლისა და მოსწავლე ახალგაზრდობის სახლის მოსწავლეთა ნამუშევრების გამოფენა თემაზე: "შემოდგომა გურიაში“ გაიმართება.მისამართი: ელიას მთა, ყოვლადწმინდა სამების საკათედრო ტაძარი, პირველი სართული. 19:00 საათზე - სასტუმრო "ბილტმორში“ "ისრაელის სახლის“ ორგანიზებით და ოფიციალური პირების მონაწილეობით, ხანუქას დღესასწაულისადმი მიძღვნილი ღონისძიება და ისრაელისადმი სოლიდარობის ნიშნად ორი ქართული პროექტის პრეზენტაცია გაიმართება.მისამართი: შოთა რუსთაველის გამზირი #29

7 დეკემბრის ასტროლოგიური პროგნოზი

1701890955

კურონუ ჩაერევით უსარგებლო საუბრებში. შესაძლოა, გარშემომყოფებისგან იყოს საკუთარი პრობლემების თქვენთვის თავს მოხვევის მცდელობა. მიხედეთ თქვენს საქმეებს, მოაწესრიგეთ თქვენი სივრცე.ტყუპებიყურადღება მიაქციეთ გართულებული, ან გაჭიანურებული საკითხების მოგვარებას. ნუ მიიღებთ რადიკალურ ზომებს ურთიერთობებში. იზრუნეთ საკუთარ ჯანმრთელობასა და განწყობაზე.კირჩხიბიშეინარჩუნეთ ემოციური სტაბილურობა. სამსახურში თუ სახლში მუშაობით ნუ გადაიტვირთებით, მეტად იაქტიურეთ შემოქმედებითი კუთხით. მოუსმინეთ შინაგან ხმას.ლომიდღეს, იზრუნეთ პირადი და საოჯახო ურთიერთობების დალაგებაზე. სამსახურში შეგიძლიათ, უფრო აქტიურ პოზიციაში იყოთ.ქალწულიდღე დაიწყეთ მოტივირებულად, აიმაღლეთ განწყობა სასიამოვნო მუსიკით. გახსოვდეთ, დატვირთულ დღესაც უნდა გამონახოთ დასვენებისთვის მცირე დრო.სასწორიიზრუნეთ ემოციურ სტაბილურობაზე. სამსახურში შეგიძლიათ, ინიციატივაც გამოიჩინოთ, თუმცა, ახალი საქმეების წამოწყებისთვის, სხვა დღე სჯობს, შეარჩიოთ. ყურადღება მიაქციეთ სამყაროს მინიშნებებს.მორიელიდღე საკმაოდ მშვიდ და პოზიტიურ ვითარებაში ჩაივლის. გააანალიზეთ დაშვებული შეცდომები, იფიქრეთ სამომავლო ნაბიჯებზე, მეტად დაეყრდენით საკუთარ ინტუიციას.მშვილდოსანიგახსოვდეთ, რომ ოპტიმისტური განწყობა წარმატებული დღის საწინდარია. ნუ გაიფუჭებთ ხასიათს წვრილმანი უსიამოვნებებით, იფიქრეთ იმიჯის შეცვლაზე.თხის რქაყურადღება მიაქციეთ ჯანმრთელობას, იზრუნეთ განწყობაზე. სხვა მხრივ, სჯობს, ახალი არაფერი წამოიწყოთ და ჩვეული საქმიანობით შემოიფარგლოთ.მერწყულიგაიხალისეთ განწყობა და იზრუნეთ საყვარელი ადამიანების გახარებაზე. მოაგვარეთ გადასაწყვეტი საკითხები.თევზებიშეიქმენით ფერადი განწყობა. მოინახულეთ მეგობრები, რომლებთან ურთიერთობაც გახალისებთ და გმატებთ თავდაჯერებას. თავი შეიკავეთ მსხვილი საყიდლებისგან.