"სწორედ "ქართული ოცნების" დროს მოხდა ყველაზე დიდი რეპუტაციული შეტევა პატრიარქზე და ეკლესიაზე"
"სწორედ "ქართული ოცნების" დროს მოხდა ყველაზე დიდი რეპუტაციული შეტევა პატრიარქზე და ეკლესიაზე"

A+ A-

12:26 15/09/2021

დარწმუნებული ვარ თვითონ ივანიშვილიც ჩაწერილი და გამოტანილია უკვე, სისტემაა ასეთი და იმიტომ! ასე რომ, სანამ "ქართული ოცნება" ისევე არ დაისჯება, როგორც წინა ხელისუფლება დაისაჯა, სანამ პასუხს არ მოვთხოვთ სათითაოდ ყველა დამნაშავეს და მთელ სისტემას, ყოველ დღე უარესი მოხდება. ერთი და იგივე ხალხი აკეთებდა და აკეთებს მთელ ამ სიბინძურეს, - აცხადებს "ტრიბუნას" ლიდერი დავით ჭიჭინაძე.

"ოცნებამ" ხომ ყველაზე უმსგავსო, უსახური ადამიანების ხროვა შეყარა ძველებიდან, ვინც იქაც აფუჭებდა საქმეს და აქაც აფუჭებს. და აი, ამ მონების გამო ჩვენი რწმენის და ეკლესიის დაზიანება არასოდეს გვეპატიება.
რადგან თუ რამემ თმოიტანა ჩვენი ქვეყანა საუკუნეებია, ეს ჩვენი რწმენაა.

ამიტომ, ჩვენ, ხალხმა უნდა გადავტეხოთ და ისე უნდა დაისაჯონ დამნაშავეები, აღარავის მოუნდეს ამის გამეორება!

ფაქტია, სწორედ "ქართული ოცნების" დროს მოხდა ყველაზე დიდი რეპუტაციული შეტევა პატრიარქზე და ეკლესიაზე. ცოცხალ ადამიანს თანამესაყდრე დაუნიშნეს, ფარული მოსმენები, ჩაწერები, უღირსების აღზევება... თორემ მიშას დროს, პატრიაქს ანგარიშსაც უწევდნენ, მის შეწყალებასაც ითვალისწინებდნენ. გარეთ უსამართლობა რომ მძვინვარებდა, ხალხიც შვებას ეკლესიაში პოულობდა", - აცხადებს დავით ჭიჭინაძე