მოეშვით პოლიტიკურ თამაშებს და აზრზე მოდით - ელენე ხოშტარია
მოეშვით პოლიტიკურ თამაშებს და აზრზე მოდით - ელენე ხოშტარია

A+ A-

12:10 19/10/2020

"ევროპული საქართველოს" ვაკის მაჟორიტარობის კანდიდატი ელენე ხოშტარია ჯანდაცვის უწყებას კოვიდინფიცირებულების მიმართ უყურადღებობაში ადანაშაულებს. 

როგორც ხოშტარია სოციალურ ქსელში წერს, მის დეიდაშვილს კოვიდინფექცია დაუდასტურდა თუმცა, შესაბამისი უწყებების მხრიდან არანაირი ყურადღება და რეაქცია არ მოჰყოლია. 

"თავს ვიკავებდი პოსტის დაწერისგან, რადგან ჩემი ოჯახის წევრს ეხება, მაგრამ შეუძლებელია ამ პრობლემაზე ხმამაღლა არ ვილაპარაკოთ.

ჩემ დეიდაშვილს დაუდასტურდა კოვიდი. დავიწყეთ წესების მიხედვით გარკვევა როგორ უნდა მოვიქცეთ. გავიგეთ 4 ნომერი სადაც უნდა დარეკო. დავიწყეთ რეკვა. გადის საათები შანსი არაა. არაუშავს ოკ რამდენიმე საათი მოითმენ. გიჩნდება კითხვა. აი სიცხეზე რა დალიო? სისხლის გამათხელებელი ჭირდება თუ არა? რაღაც რისკ ჯგუფშია როგორ მოიქცე? კაციშვილი პასუხის გამცემი არაა!

48 საათი გადის უკვე, მარტო წევს სახლში, აზრზე არ ვართ არაფრის. არც საავადმყოფოში დაწვენას ვითხოვთ, არც განსაკუთრებულ ყურადღებას, უბრალოდ ტელეფონით ვინმემ კონსულტაცია გაუწიოს. 0 რეაქცია, 0 ყურადღება.
ამდენი თვე იმას ვერ მოება თავი რომ ტელეფონით მაინც გაუწიო ადამიანს კონსულტაცია?

რამე რომ გაურთულდეს ვინ აგებს პასუხს?

მოეშვით პოლიტიკურ თამაშებს და აზრზე მოდით", - წერს ელენე ხოშტარია.